[/center]شلون تعرفين ان خالتج ام زوجك تغار منج انا اذا قصيت شعري او صبغته او لبست اي شي حلو ماتعلق بس بعد جم يوم تسألني عن الحمره اللي كنت حاطتها او عن الصالو ن بنات هذي غيره ردوا علي وفيدوني بتجاربكم
حياتي هذي خالتج واكيد كبيره بالعمر يمكن ماتغير شيلي هالفكره من بالج يعني حتى لو تغير شنو بتسوين الي عليج انج تتخففين الزينه معاها والله لاتخلين احد يغير منج وخصوصا بهالعمر تقعد تلاحظ فيج ويمكن تصكج عين شلج بعوار الراس واذا أمكن كشخيها اشتري لها ملفع دراعه اعتبريها نفس امج وربي يوفقج
والله اني حاطتها بعيوني بس ابي اعرف اي شخص اذا كشختي ولبستي وما علق شنو يعني حتى لو الزوج والله يسلمج يا نونه
كبري عقلج وعتبريها مثل امج ولا تسوين شي اووووووفر عندهم مولازم لانج خلاااااص انتي الحين شريجتها مو مرت ولدها وديري بالج غلطة الشاطر بعشر ترى الزمن دواااااااااار ا و مسيرج اتكونين مكانها ويطوفج قطار العمر ومرت ولدج اتكون صغيره ودلوعه وحلوه واللي تسويه انتي الحين مو مثل اللي رح تسويه مرت ولدج بعدين طبعا مع تطور الزمن فديري بالج وراعي شعورها اكثر واطنشيييييي والله يوفقج حبيبتي
انا ابي اكسبها بأي طريقه وانا عارفه ان من وراي تمدحني وبشهاده كثير من الناس ولاتخافين من ناحية اني يوم راح اصير خاله اكيد هذي دنيا كما تدين تدان انتوا مو فاهميني انا كل شي يعجبها عندي اشتري لها على طول بس ودي اقرب منها اكثر موعشان زوجي لا والله بس ودي احسسها ان مافي فرق بيني وبين حماتي وصلت المعلومة..............)
انا اقووول اذا سالتج عادي تعتبرج مثل بنتها ولو ماتحبج ماتسألج خوفج من اللي يطالع ويسال من ورااج دامها حبيبه حطيتها بعيونج يالغاليه وربي يوفقج
حبيبتي الخاله دايما عامليها كأنها أمج احترميها وقدريها لو مهما تقول واخدي الامور دايما بحسن نيه ومحبت زوجج وتقديره من محبة أمه وتقديرها واحترامها ونصيحه علشان تخلين ريلج يحبج ويحترمج لا تتكلمين عن أهله الا بكل خير وموفقه انشالله
