السلام أنا عضوة جديدة و محتاجة المساعدة....انا متزوجة من 12 سنة في حياتي الحلو و المر تحملت كتير من مشاكل زوجي المادية و العائلية بسبب والدتة. زوجي كما يقولون شمالي غربي كثير التشكي و الأنتقاد و لا عمره قال لي كلمة حلوة لكني كنت احس بحبة بطرق اخرى انا ما كنت ابين حبي و لا لهفتي كانت امي تقولي خلك ثقيلة و لما نزعل اخاصم بالأسابيع و مع الأسف في الوقت اللي صحيت فيه ضاع مني. من سنتين أصبحت حالته المادية ميسورة و ما يحتاج لمعاشي نفس أول انا تغيرت و صرت رومانسية اكثر اما هو فتغير علي تماما وصار عنيف سليط اللسان لا يتطيق ان يرى وجهي صرت اتقرب له و اتدلع عليه يقول لي خلاص ماكو فايدة حبل المودة انقطع اقوله احبك يقولي انا ما ابيكي. اقوله لو ما تبيني بروح يقول لي مع السلامة. طبعا باحساسي و الدليل دريت ان يعرف بس ما ادريه واحدة يحبها والأ علاقات متعددة. حتى الصرف على البيت ما يصرف ولا فلس. أقوله نبدي صفحة جديدة يقول قلبي انقفل من ناحيتك. قرأت النصائح في المنتدى اكثرها الصبر و التطنيش و الدعاء حتي يهديه الله لكن حتي لو قدرت عندي تساؤلات: 1- يمكن الثانية مو نزوة و واحدة يحبها فعلا و ناوي يتزوجها شنو فايدة الصبر و النهاية معروفة انتظر لما يقول لي مع السلامة. أكتر من مرة اقوله لو ما تبيني ننفصل يقولي كل شى له وقت مادري يقول شذي و الأ صدج. 2- زوجي عنيد و ما تدرين شنو يبي يب المرأة الشخصية و لو صرت شخصية يقولي تبين نصرين ريال البيت. أخاف لو قعدت (انا ما واجهته بالي عرفته لكن معاملته خايسة و يبي ينحشني) يقول هذي ضامنها تربي و تصرف على اليهال و انا اسوى اللي ابيه. لا تقولولي لا تصرفين ما راح يصرف علينا و لو صرف اقل شى زوجي مو بخيل و لكنه حريص. يعني لو ما صرفت انا و عيالي حنعيش عيشة تعيسة. مقعدنا في بيت أهلة في غرفتين و صالة انا و 5 يهال و هو مقتدر.... 3- الحين هو مسافر سفر عمل و طبعا احنا متهاوشين قبل لا يسافر. يدق على اليهال و انا لا. انا ابي حياتي و زوجي و عيالي لكن ابي بعد احترامي لذاتي و كرامتي لا مصرف و لا معاملة زينة و لا سكن مرتاحة فيه (ما يبي يطلعني بشقة حاولت بكل الطرق)و خيانة شنو اسوي. اصبر لكن أشلون اصبر اشلون اتعامل وياه كل يوم و اعطيه كامل حقوقه و هو يعاملني بالشكل هذا اخاف يفكرني ضعيفة لآن أهلي رافضين يساعدوني في اي مشكلة لآسباب... 4- فكرت أطلع من البيت انا و اليهال عشان يحس بقيمة الأسرة. كل كلامه انه بايع. صار لي سنتين ما يطلعني وياه و لا يطلع اليهال. ماذا افعل انا حيرانه؟؟
حبيبتي أنا أنصحج انج تجاهلينه تماما ولا جنه موجود وتخلين كل اهتمامج لعيالج وبس، أنا عارفه ان وضعج وايد صعب ولا تفكير بالانفصال عنه للانج بتحافظين على البيت واليهال بقدر الامكان بس انتي شايقه انج قادره تواصلين بهالوضع؟؟ بس انتي لازم انج تكونين أقوى من جدي علشان تستمرين بحياتج علشان عيالج حرام يعيشون بجو متوتر بعدين ما يحسون بالأمان ولا الاستقرار وهني تكونين ظلمتيهم قبل لا تظلمين نفسج ومهما كان الانفصال صعب لكن لابد اللجوء له ادا زادت الأمور وتعدت حياة الاستقرار والهدوء والاحترام ، فكري صح ومسكي ورقه وقلم وكتبي الايجابيات والسلبيات وقرري الانسان يتمنى أشياء وايد بس الواقع يفرض علينا لازم يكون له حد ونهايه . سامحيني حبيبتي يمكن صرت صريحه بالكلام معاج بس فكري بعقلج بواقعيه أكثر من جدي وخلي دايما عيالج بعيونج واخدي قرار صحيح مهما كانت قوته وترى كل شيء بدايته صعبه بس مع الايام تهون لكن ادا زادت المشاكل بالحياة شلون بتنحل ثقي بالله اني مريت بنفس موضوعج تقريبا وتحملت علشان اليهال وايد أشياء وصبرت على أمل ان الأمور تنحل بس للاسف فشلت بتفكيري وبنيت أمنيات بدون فايده ضاع عمري وتعبت نفسيتي وتأثرو عيالي الي تحملت علشانهم وضع البيت المتأزم فاكتشفت متأخر للاسف اني بنيت امنيات صعب انها تتحقق وندمت على كل لحظه من حياتي رضيت انها تستمر على أساس خطأ وضعيف وفي الآخر قاعده أعالج عيالي من النفسيات التعبانه الى عاشوها وبنفس الوقت الوم نفسى على الشىء الى بايدي وصلت اعيالى فيه، شفتي هالصبر شلي وصلت له ،وفوق هدا لازال هو مستمر بحياته بصوره طبيعيه وأنا شايله هم عيالي وهو ولا هامه والله اني توني والده والي صبرت عليه ما قدرني أبدا ،أهلى قامو فيني وهو بعد 3 أيام تكرم وشاف ولده 5 دقايق وبس وكاني ألحين ببيت أهلى ولا عارفه شنو مصيري . الله كريم محد خالى اخدي نصيحه من شخص مجرب والله الحياة ماتستمر ادا ما تنازل الطرفين والأهم ادا كان بينهم موده ورحمه واحترام لكن ادا انتي تبين وهو لا صعب انج تواصلين وباجر تتحسفين صدقيني ،اخدي قرار صح بحياتج علشان تستمرين وتوفقين نفسج وعيالج على أرض صلبه انا والله قاعده أفكر وأحاتي اليهال قربيهم لج وابني الى تقدرين تبنينه لهم والله مو غافل يعين ويسهلج الأمور (طمنيني عليج وسامحيني ان كنت ضايقتج بكلامي أو زدت عليج همومج) أنا بنظري على تجربتي الى مريت فيها عيالي بالدنيا وهو مهما كنت أحاول اني احافظ عليه واتمسك فيه ما اعتقد انه أهم وأغلى من عيالي والوضع الى وصلوله
مشكورة على ردك شمعة -حزن المشكلة لو أدرى انه يبيني اتحمل لما تزول المشكلة لكن كل كلامه انه بايع و كمان المصرف ليه ما يصرف على عياله - ليش انا قاعدة وياه و انا اقوم بدوره اعتقد ان الله ما يرضى على هذه الحالة.
الله يكون في عونج -والله واجد حريم بالعين وساكتين -خليها على الله -والشي اللي يحزم الامر -هل وراج ظهر صلب اذا قررتي الانفصال او لا
أولاً أنتي السبب في بدايه زواجك ليش لانك كنتي تدخلين أمك في حياتكم وتقولين أن أمي كانت تقولي خليكي ثقل صح ولااا . ياحبيبتي ثقل على مين على زوجك شريك حياتك ورفيق دربك وأبو عيالك . أنتبهووو يابنات وياحريم بليز لحد يسوي ثقل على زوجهااا حاولي تكسبينه دايم هذا زووووجك وصدقيني يرد لك الجميل الصاع بصاعين عن تجربه . ثانياً أنتي تقولين كنت أزاعله بالأسابيع صح ولااا . طيب ليش الزعل ليش ماتحاولين تحلون الزعل هذااا . لأن الزعل يسبب البعد والبعد من مسببات ضعف المحبه بين الزوجين وهذي نقطه خطيره كثير من الحريم يطيحون فيهااا ثالثاً زوجك باين عليه ينتقم من سواياك فيه زمان . وأنتي ماعليك ألاا أنك تتوجهين لربك وتدعين الله أنه يرضا عليك ويهدي زوجك ويرده لك . ويجب عليك أنك تصبرين وتشوفين نهايته أكيد مارايح يطول وبيرد عليك أنشاء الله بس ألي عليك أنك أيضاً تتمسكين بزينك وكشخاتك وتلبسين لبس زين قدام زوجك وترسلين له رسايل غراميه والله يوفقك أنتي وزوجك ويجمعكم على خير تحياتي
حبيبتي فكري بجديه أكثر وسوي الشيء الى يريحج ويريح عيالج، وادا انتي شايفته انسان بايع معناه الغيه من حياتج وركزي على عيالج تجاهليه وعيشي حياتج وأصعب من جدي انتي متأكده من خيانته لج والخيانه مهما كانت أبعادها اسمهما خيانه وهالشيء يجرح المره وينبني عليه عدم الثقه والأمان بالحياة فشنو الفايده باستمرارج مع شخص بايع انتي ألحين اشتري حياتج وحياة عيالج وابنيلج جو حياة مستقر وهادي وخليج قويه علشان عيالج يحسون بالأمان انتي ألحين لهم بهالدنيا والله معاج معين ما ينساج صدقيني واتمنى ما أسمع عنج ال كل خير
حبيبتي مافي كرامه بين الزوجين دقي عليه وقوليله اشدعوا عليك تسال عن العيال وانا لا وكلميه بكلام حلو وشوفي رده فعله ولاتسمعين كلام احد محد ينفعج غيره لاسمح الله وتطلقتي محد اتحملج انت وعيالج انا مالوم امج يوم اتقول صيري ثقيله لانه ريايل ماينفع معاهم الا الثقل بس احنا عندا وحوش ماينفع معاهم الثقل ابسرعه ايبيعون حيلتي انتي غيري معاملتج كد ماتقدرين وغير بكل مافيج عشان اذا رد احس انج امعبرته قصي صبقي غيري طريقه المكياج واللبس والمعامله والثانيه والله نزوه
حبيبتي مافي كرامه بين الزوجين دقي عليه وقوليله اشدعوا عليك تسال عن العيال وانا لا وكلميه بكلام حلو وشوفي رده فعله ولاتسمعين كلام احد محد ينفعج غيره لاسمح الله وتطلقتي محد اتحملج انت وعيالج انا مالوم امج يوم اتقول صيري ثقيله لانه ريايل ماينفع معاهم الا الثقل بس احنا عندا وحوش ماينفع معاهم الثقل ابسرعه ايبيعون حبيبتي انتي غيري معاملتج كد ماتقدرين وغير بكل مافيج عشان اذا رد احس انج امعبرته قصي صبقي غيري طريقه المكياج واللبس والمعامله والثانيه والله نزوه
