السلام عليكم بنات ودي ابمساعدتكم ولد البجر حدا عنيد مع انا عمرة 18 شهر اسم الله عليه و الله اني ابجي منا :71_71:و بعض الاحيان يطلعني عن طوري و اقوم اكفخا واد اتحسف ابي حل مع هالولد :emoticon_U:
ترى لازم بهالعمر يبون يثبتون نفسهم بس اخذيه بالسياسه بالعناد ماراح تطلعين بنتيجه لو شنو الله يصلحه وادعيله على طول
الله يخليه لج ويصلحه ويهديه دوم اقري عليه المعوذات عيل شتقولين انا بعد بنوتي الكبيره تعاند وااااايد طالعه علي انا وابوها خخخخخخخ والصغيره بالطريج قعد تتعلم
انتي صدمتيني احلفي تطقينة لا حشا مو ام ترى صج صدمتيني خلية يبكي خلية يعاند خلية يعصب لايكون عبالج مخة مثل مخج تحملي هذا العيال والتربية ونتي قبل لاتحملين تشفقين على ريحتة الجاهل 18 شهر حتى مافتح عينة على امان وحب ورعاية فتح عينة على عنف وطق تحملي وتعوذي من الشيطان والطق مايربي يزيد العناد ونتي خسرانة لاكبر ماتسيطرين علية سيطري علية من الحين خلي الطق على صوب عودية من كلمة ومن نضرة من خزة بيخاف الجاهل سيطري علية مافي شي مااعرف شلون انتي اذا شايفة الشي مو من مصلحتة امنعية بس لو من مصلحتة ومايضرة وماياذية ليش تحرمينة عيشي ولدج بامان وراحة لا والله لاكبر بيكرهج بيومج عدل سيطري علية هدي بالالعاب طلعي لزمي علية بخزة ماتكسرين عينج عنة طيري عيونج بيخاف انا جذي بس بخزة يسكت ومااتكلم لانة تعود حبيبتي لاتنسين انة جااااهل جاااهل لو تقوليلة قط نفسك من السطح بيقط نفسة والصراخ ماينف ولا يربي كل مابغيتي تمدين ايدج قولي ياعلها للكسر قبل لاامدها انتي وطقتج تعوقينة او تهبلين ورعج وطقتج الكبار مايتحملونها تطقين طفل مااكتمل نموة وهوا بمرحلة نمو تحرمينة من نموة تزرعين العقد والحقد بقلبة عمرة ماينسى الطفل الام شلون تعاملة ولدي الحين يعاند يعاند عمرة سنتين لانة حس انة اذا احد بيطقة بيحمونة وحاس بحنان الامومة انتي عبالج عناد وهوا فارض شخصيتة بوجودكم لاتحرمينة ياقلبي من اقل حق من منو من امة انة يعاند ياحلوة وياحلو شطانتة وعنادة عسل على القلب بالعكس تنباي لو مستقبل زاهر الي تخافين منة الطفل الانطوائي مايحب الناس بس الحين فارض شخصيتة دلعية لاعاند بوسسسسييية بدل لاتطقينة كلمية محتاج لكلامج ويفهم قوليلة لا ياماما جذي غلط انت تحب ماما وبابا العبي باصابعة ونتي تكلمينة احتوي طفلج اذا عاند شنو عنادة الي بسنة حمدي ربج عيال مغولين وعيال مالهم علاج اسم الله علية ويحفضة اقري علية الاذكار لاتنرفزين ترى ولدج اسم الله علية نشيط وذكي لاتخربين علية بتصرفج شجعية لو غلط امسكي ايدة بس لايتعور وكلمية ترى فيها نتيجة ترى هذي امانة تسالين عنها حافضي عليها واي شي انا حاضرة شوفي بهالسن يحب تركيبات والالوان الله يحفضة ويهدي لج ولاتكررين قدام ابوة عنيد مثلك مهما كان ولدة ويحب يكون مثلة كلا مدحية ومدحي ولدة حتى لو شاق الارض وطالع بيستانس ان ولدة نفس تصرفاتة
