احلى مسا على احلى بنات ماعندهم شغل و مجابلين بعض حبيباتي ساعات اقرا مواضيع عن زوجات متضايقين مع ازواجهم او متهاوشين او جاكته مع وحدة وندم وما راح يعيدها ويعني مثل هالمشاكل الزوجية اللي تصير باحسن العايلات بس اللي استغربه بعض الردود اللي تزيد النار حطب و الطين بلة دون اي احساس بالمسؤولية اللي تقول ما عليج منه و اللي تقول لا تثقين فيه و حطي بالج و اللي تقول انا لو مكانج اروح لاهلي و ما ارضى الا بالشي الفلاني و اللي اشكرة تقطها بالوجه طلبي الطلااااااااااااق اف اف اف شدعوة يبا البنت ما كتبت مشكلتها الا تبي حل ما تبي تعقد السالفة زود... لمثل هؤلاء اقول فبل لا تحطين ايدج على الكيبورد تذكري قول الله تعالى "ما يلفظ من قول الا لديه رقيب عتيد" وحطي بين عيونج قول الرسول صلى الله عليه و سلم " من كان يؤمن بالله و اليوم الاخر فليقل خيرا او ليصمت" ويمكن كلمة كتبتيها ما تلقين لها بال تكون سبب بتحطيم اسرة وضياع ابنائها لان الغرقان يتعلق بقشة و صاحبة المشكلة راح تسمع لاي حل ينقالها... وساعتها وين بتروحين من ربج؟؟؟
صح لسانج ايه تلقينها قعده عند زوجها وتنصح بنات العالم بالطلاق ولاتلقينها كل يوم هواش مع زوجها وماتقول بعضهم قلوبهم سوده اما في بعض المشاكل صج تحتاج انه المره تطلب الطلاق بس مو بكل هوشه عرفتي
انا عن نفسي مهما كانت مشكلتها ماراح اقولها تطلقي ولا اشيشها على ريلها اذا في كلمة طيبة اقولها و اذا المشكلة مستعصية ماني مجبورة ارد
اي والله صاجة ياحلوج وياحلو موضوعج انصدم من رد تطلقي بس في حالة الخيانة اشكرة معناتها الرجال مو مسويلج اهتمام وماخاف من ربه بيخاف منج يامرتة بس بهالحالة اطلب طلاق انا من وجهت نضري بنفسي ولا غيرة الف طريقة وطريقة تعدل الرجال واقلها بالدعاء لة مشكورة
الا الطلاااااااق حرام ياليت كل وحده فينا عندها كلمه زينه تبديها ماعندها تقضب اصابعها ههههههههههههههههه صح لسانج قلبي..
مادري دلول كلامج فيه وجهة نظر بس ساعات الوحدة بتفضفض عن اللي بخاطرها وما تقدر تقول للي حواليها فتلجا لخواتها بالمنتدى ما يعرفونها ويمكن يفيدونها
ههههههههههههههههههههه عسل والله عسل يا سلطانة (ما يجوز نقول عن شي الله احله حرام الطلاق مو حرام بس ابغض الحلال)
صاجه انا كنت منتبهه لكلمتي بس قصدي للي تقول اطلبي الطلاق هني اقولها حرام عليج كل وحده الله يعلم بظروفها ولا ننهي مشاكلنا بالطلاق يجوز في حلول غفلنا عنها او يجوز الصبر مفتاح الفرج..
