واااي انتي نفسي لما افصل بس خلاص ادز مسجات اتحسف عليييها صج صج ووايد صارت فيني مرة بدز حق بنت عمتي لان ماعندي اخت اهيا اختي العودة اللي ما يابتها امي فمرة دزيتلها انا تعبت بس ملييييت لاعت جبدي منه اخر شي يا ذابحته يا حارقته لوووووول جان يدق علي يقوولي افا تبين تذبحيني لوووول قام ما ينام الا لمن انا انام ضحكني وربي ومرات صج صج يقهرني يوصلني لي درجة ان بس أفصل و أدزله مسجات يعني مرة لابسه و كاشخه كنا بنطلع دقيت قالي رايح اخذ رفيجي من المطار و الفلم شوي و يبدي بقى عالفلم ربع ساعه قلتله الله ياااخذك انت و رفيييجك يعني بعرف رفيييجك ما وراه اهل ما عنده اخوان و لا مرة تاخذه أقوولك شي روح انت و رفيييجك السينما مابي سينمتك خلها حقك و سكرت جهازي بس بعدين حقرته جم يوم وحسيت ان انا غلطانة و وايد مصختها بعدين راضيته عادي ريلي ما يزعل بس ينفس بس انتي لاتفصلين نفسي لان انا وصلت اني قمت احذف يعني يوم حاذفه عليه مشط يوم استشوار يوم صاكته بالتلفون يوم كاسشي من اغراضة يوم صاكة لابتوبة بالارض يعني بس أحره و أقهره يعني لاتوصلين نفسي خلي عندج كنترول و فوق هذا اهما علل علل يعلون القلب بس نحبهم شنسوي يعني لو شتسوين مردة لج و مردج له يعني لاتحاتييين بيزعل يوم يومين و بروحة برد انا أفصل عليه و أعصب و أكسر و مادري شسوي و بليل ايي ينام يمي و يراضيني حتى لو انا غلطانة لان شوي صرت اعصاب من الحمل و اهوة اللي قاعد يعصبني انا اقول الله يهديكم و يوخر الزعل و قلتلج خلج كنتروول شوي:**فدييتج
إذا وصل قوليله مع ضحكخ شرايك بالغشمره حلوه صح وسولفي ضيعي السالفه وصدقيني ريلج جنتج ونارج لا تضيعينه منج
الله يعينج ياقلبي خليج من الزعل وروحي رضيه قوليله المسج انا ارسلته متعمده ابي اشوفك شتسوي والله الدنيا ماتسوى نزعل حبايبنا ازعل ساعه يوم يومين مو شهر شدعوه
حبيبتي صلي ركعتين بنيه قضاء الحاجة وكثري استغفار وتصدقي والله عن تجربه واذا رجع البيت انسي كل الي صار وفتحي صفحه جديد ولبسي قميص نوم وحطي لوشن وتعطري وتبخري اذا شافج راح ينساالي صار والله الدنيا ماتسوا زعل وكثري قرائه سوره البقرة او حطيها بلبيت يمكن عليج عين
@@ وربي اني حاسه فيييييييييييييييييج حدي بس ليش الله يهديج تكتبين جذي شوفي السالفه عدت وخلصت انا ماابي اقولج ليش وماليش بس انا بنبهج عشان مراه ثانيه ماتعدينهاا يعني مهما يكون هاذا زوجج ما المفروض تكلمين عنه جذي حتى لو بينج وبين اختج مهما كان يختي مستحيل اقول بنكد عليه وماانكد عليه وماعليج ان شاءلله ان المسج مر عليه مرور الكرام وان شاءلله يعذرج عليه لانج انتي متضايقه كمان ولحظه غضب وضيقه والواحد يقول اي شي مايمسك نفسه وبعدين عادي اذا تقدرين تواجهينه بالسالفه ولج وجهه تكلمينه كلميه قوليله ترا انا ماكتبت هالمسج الا من حر مافيني وانا ماكتبته لحد غريب انا كنت افضفض عند اختي بنت امي وابوي ومن كثر ماانا اداريك سكت عن الموضوع ومابينت لك اني متضاايقه كل هاذا عشان خاطر ماازيد عليك همك بس انا بالصج حيل متضايقه وماعندي الا اختي اشتكي لهاا انت الي فيك مكفيك ومن هالكلام يعني سايسيه
الله يسخره لج نصيحتي لج انتج تهدين هاليومين وخلييييه كلش لاا مسج ولااا اتصاال وبعدين دزي مسج حلووو وشوفي رده ومن الرد اكيييد راح تعرفين شنوو تجهزين كلاام والله يوفقج ويووفق الجميع
بنكيه ’ ارجوان ’ الخاشعه للرحمن ’ ام حسوووون ’ دلوعته ’ كنز امها الله لا يحرمني منكم ماقصرتوا عاد تدرين ام حسوووون ذاك اليوم اشوف مواضيع البنات قبل لاتصير السالفة بيني وبينه وقلت ياربي شكتب الظاهر طقيت نفسي عين....
كيفي كيكه ههههههههههههههه عسا الله يبعد عنج المشاكل بس ماتلاحظين ان اللحظات الحلوه مانذكرهاا هني صارت حياتنا بس شكاوي اقري المعوذات على نفسج ترا مايحسد الحلال الا اصحابه
قوليله مو مسج بالغلط قولي كنت قاصده ابشوف رده فعلك بس الي بقلبي غير مهما يصير مااقدر اصبر بدونك وماتخيل اعيش من غيرك الله يبعد عنا طريق الشيطان ومن هالحجي قولي طرشت الرسالة وانا معصبة ابيك تحس فيني لين اطيبين حاطره هذا مو وحده من رفايجج عشان تتعاملين معاه عادي لأ هذا راس المال ان تعدلت الامور معاه تعدلت حياتج ون خربت ’خربت حياتج تعاملي معاه بحكمة تراه كل رجال له مفتاح واعرفي مفتاح زوجج وتراهم مثل الاطفال
قولي له انج ماتبين ااحد يحسدج مع زوجك حتى لو اختك وكذبت عليها واقول لها سوالف من عندي الا اذا شاك بعمرك شئ ثاني ~
ههههههههههههههههههههه عادي قولي متضايقه او قولي اتغشمر وبشوف ردة فعلك اي شي بس صراحه قعدت اضحك لان صارت فيني قبل
