صباحكم ورد بداية المشكله انا طبعي وايد ناشفه وجافه ومااقول حق ريلي حجي حلو الا بالسنه مره مع اني احبه بس انا حبي بتصرفاتي مو بكلامي بس ريلي رومانسي درجه اولى ويحب الحجي الحلو والمغازل بأي وقت وبأي مكان بس انا عكسه تماما وانا عصبيه وااااااااااااايد ومشكلتي انه ريلي مليان وانا دايما اقوله ابيك تضعف لاني انا بصراحه جسمي حلو واحب دايما اهتم فيه بس اهو طاف مو مهتم للجسم مع ان الجسم له دور بالحياة الزوجيه والحين بدا يطفش من تصرفاتي ونفسيتي الشينه وبدا يهددني بالزواج شنو الحل الله يرحم والديكم ساعدوني
صباح القشطة..يبا لاتخافين مايتزوج..انا اقول دام زوجج تقدرين تيبين راسه بالرومانسيه هذا شي حلو انتي ليش ماتعطينه كلام حلو؟؟عطيه الكلام ببلاش..انا عندي سؤال اذا ممكن تجاوبين عليه...جم صارلج متزوجه؟ وهل انتي تحبينه ولالأ؟؟ وانتي شنو احساسج اهو يحبج ولا لأ؟؟ جاوبيني بساعدج
اى صج الغاليه جاوبي جاوبي كييييكه ممكن عندها حل لان الاسئله اللي قالتها اسئله بالصميم اما آنا ماعندي حل الا ان الله يجمعكم على المحبه
انتي نفس وحدة اعرفها واااع ليش جذي الوحدة ماتصدق على الله الرجال يقولها احب جذي وابي جذي تركض عشان ترضية تصنعي تغيري شوفيلج حل كلا مادة البوز ومعصبة وعاقدة النونة مالومة لو ينحاش ولا طاح الفاس بالراس ذيك الساعة بتحسين الوحدة شوي تصنع مهما كان الريق الحلو لة دور والكلمة الطيبة لها دور انتي بتصرفاتج تبينيلة الكل يسوي هالتصرفات امة اختة لاشافو ولدهم ولهفتهم لة بس منو يسمعة الكلام الحلو يطفش توج تلاحظين يمكن طافش من زماااااان يدور على البديل ليش ومرتة عنده اقول باجر بيكلم لاتقولين لا لا بيكلم لانة ناقصة الكلام الحلو وبيعوض الرجال اكسبية بمسج ولاجا تصنعي شوي خلي عنج الاعصاب والتخلف ببتسامة حلوة وتدلعي علية مالومة يطفش وعمر الجسم مايعيب الرجال يعيب المرا اية الرجال لا ماعيب غيرهم سويلة دايت تحمسي وشجعية شوي فكي شوي خل يلاحظ النفسية الحلوة ويشوف التغير وان ماتغيرتي مصيرة بيكلم خلي غيرج تغرقة بالكلام المعسول وانتي اقعدي على حالج وخليج على اسلوبج جرحتج بكلامي ابيج تحسين شوي ترى حرام عليج هذا اقل واجب تسوينة لزوجج
ماجاوبتي على اسالتي ياحلوه..المهم انا اقول اذا تحبينه تغاضي عن متنه..واذا هو يحبج تلحلحي وعطيه حب يستاهل ابو الشباب احبه واسويله رومانسيات بس من غير ما تقطين روحج عليه يعني لا يصير اكبر همج..
انا اقولج الحياه الزوجيه اخذ وعطا شلون تبين زوجج يعطيج الي تبينه ويرضيج وانتي عكسه ماتسوين الي يحبه ويرضيه زوجج هاذا مو غريب وبعدين انتي مفروض تعودينه على الكلام الحلو لاتخلينه يدوره بره البيت انتي دامج انج تحبيه شنو الي يمنعج من الكلام الحلو ؟!! لاتحسسين الرجال بالنقص وصدقيني اذا عطيتيه الي يبيه اكيد رااح يعطيج الي تبينه وراح يضعف عشان خاطر الكلام الحلو الي تقولينه له
بصراحه مشكووووووووووورين وايد على الردود الحلوه وريحتوني وعطيتوني دافع وبالنسبه لاسالتج كيكه انا متزوجه صارلي 10سنين وبصراحه انا احب ريلي بس مو عارفه شلون اوصله هالشي
بصراحه مشكووووووووووورين وايد على الردود الحلوه وريحتوني وعطيتوني دافع وبالنسبه لاسالتج كيكه انا متزوجه صارلي 10سنين وبصراحه انا احب ريلي بس مو عارفه شلون اوصله هالشي
الله يسخركم لبعض انشالله..يعني مو توكم متزوجين...حبيبتي خليه على شكله احسن دامج تحبينه بنات الحرام وايد باجر اذا ضعف ياخذونه منج نصيحة اذا هو يحبج حطيه بين عيونج ودلعيه وعطيه كلام حلو وموفقه ياقلبي
