مساء الخير بنات شلونكم انا بقولكم سالفه صارت لي مع زوجي وابي رايكم وربي تعبت منه من فتره ارسل لي زوجي مسج بالغلط يبيه لوحده ووصلني قايل لها لاتتصلين انا بالبيت واجهته وتهاوشت معه وبعدها اعترف ان له علاقه بوحده من شهر المهم زعلت وراضاني بسفره 15 يوم وهو على باله اني نسيت بس للحين الموضوع بقلبي عجزت انسى وماصرت اثق فيه نهائيا شسوي ابي ارتاح وانسى حتى بالفتره الي كان يكلمها مكنت شاكه بشي معطيني حقي وزياده ابي اعرف شلووون ارتاح وانسى ...
الله يهديه لج بس انتي لازم تتتاكدين منه اذا تركها و لا بعده متواصل معاها و اذا تركها اكيد كانت نزوه و امرج لله و خلاص حاولي تنسين بس اذا له بهالسوالف و ما تركها لا تسكتين له
وسوني ياعمري اذااتحببن زوجج حاولي تنسين عشان اتعيشين حياتج وانتي مرتاحه ومافي انسان ما يغلط بهالدنيا وهذي نزوه من الشيطان سامحيه وعيشي حياتج وابدي صفحه جديده معاه والله يوفقكم..
الله يكون في عونك حببتي انا حاسة بيكي...المهم ان كنت بتحب زوجك حاولي تسامحيه و تنسي وخصوصا ادا كان فيه اولاد وربنا يصبرك ويجمع شملكم وحاولي تملي فراغو ولاتسبيه يسافر لوحدو
الله يهديه ويسخره لج إن شاء الله وين بيروح مهما يكلم ويخربط مرده لج إنتي زوجته واختارج من بين البنات كلهم
حبيبتي تبين نصيحتي ابحثي عن السبب شلون ؟؟؟انا اقولج فاتحيه بالموضوع مره ثانيه وانج موقادره تنسين واسأليه عن سبب هلعلاقه وانج مقصره معاه بشي وشلون بدت العلاقه ومنو هالبنت علشان ترتاحين ومن غير هواش ولاصراخ ويكون هو رايق.......ماالومج انا لو مكانج ماارضى بسهوله ومدام انتي مومقصره معاه بشي ليش الخيانه صج رياجيل مايترس عينهم الا التراب وخليه يحلف ان ماراح يكلمها مره ثانيه وكل يوم حسسيه انج مانسيتي والله يهديه ويصلح لج
اطلبي منه يغير خطه وانتي انسي مو كل شوي تذكرينه ترى مرات الرجال يقلبها عناد بس عشان يحر الحرمه وانتي لاتخلينه بروحه حيل وشيكي على تلفونه والسجل وتدلعي عليه وعطيه حب كثر ماتقدرين مو خلاص تزرجتي مافي دلع ولاسهرات لا عامليه كإنج صديقنه سوالف عن دوامه ربعه شاركيه كل شى راح يحس فيج ومايحتاج غبرج والله يسخره لج يارب
الله يهديه ..... حبيبتي دايم ادعي له ترى الدعاء عجيب والله ومن هالادعية اللي انصحج تلتزمين فيها ((( اللهم باعد بين زوجي وبين كل ماحرمت كما باعدت بين المشرق والمغرب )))) اللهم هب لنا من ازواجنا وذرياتنا قرة اعين واي دعاء يطري على بالج ادعي فيه مو شرط صيغة معينة والاستغفار طبعا واسأل الله العظيم ان يسخره لج وما يشوف غيرج يارب ,,,,,,,,,,,,,,,,,,اختج تولي ,,,,,,,,,,,,,,,,,,,,,,
اذا متاكده انه تاب وترك هالشي خلاص المسامح كريم ولاتخربين حياتج على علاقه عابره بس سئليه عن السبب وشنو التقصير الي شافه منج عشان يروح لوحده ثانيه ؟؟
والله يا حبيبتي كل ابن ادم خطاء وخير الخطاؤون التوابون سامحيه هذا زوجج بس خلي عينج عليه واذا بتكلمين بالهداوة والتفاهم عمرة الصراخ ما حل مشاكل او جاب نتيجة
حبيبتي حطي بطنج بطيخ صيفي وريحي بالج مدام السالفه راضاج بسفره معناه ان زوجج يحبج يمكن يحب يتسلى في الخبلات بس مرده لج انتي حاولي انج تلهينه الرجل عقله مثل الطفل يعني اذا طلع دقي عليه طرشيه على اغراض من الجمعيه يعني اطلبي من طلبات تخليه يتلهى فيهم وبعدين يكفي المسج الي مطرشه للبنت يقول لها لا تتصلين فيني انا بالبيت معناه يحبج ويخاف على مشاعرج انتي لو تفرين وتقرين المشاكل الي بالمنتدى كلها خيانه اشكره واخيرا شوفي نفسج شنو قصرتي فيه اذا ماقصرتي بش ألتفتي على زوجج هذا النوع يحب المكالمات الهاتفيه يعني دقي عليه سولفي وياه كأنج ماشفتيه وكلميه بصيغه انه مو زوجج مثلا قولي له متى الوعد ابي اشووفك على الساعه 12 بالليل وانتي عاد مثلي له ألبس اللبس الذي يحبه موشرط قميص نوم مثلا ملفع ونقاب وعبايه مخصره مثل البنات المتسكعات بالاسواق يمكن زوجج يحب هالنوعيه او ألبسي جينز وغيري يعني قيسي زوجج شنو يحب من الملابس اسفه على الاطاله بس اتمنى اني افيدج
بطول بس اقري لاخر شي اولا : قولي اللهم اجرني في مصيبتي وا خلفلي خيرا منها اختي حبيبتي كلنا نغلط مافي احد بدنيا مايغلط وادري بتقولين غلط عن غلط يفرق انا ماني معاج لان كل انسان مومعصوم من الغلط بس الغلط الكبير ان نغلط وما نعتبر او نصحح غلطنا واكبر شاطر هو الي يعترف بغلطه وو لو مايحبج ويخاف انه يفقدج جان ماصارحج ولا قالج في امكانه ان يقولج بالطقاق رضيتي ولا انرضيتي صدقتي ولا لأ بس لانه يحبج وخايف على الحب انه يموت صارحج وراضاج ومبين من كلامج انج كشفتيه بس بعد فوات الاوان انا اقولج شلون هذا من شكلها الي تحاجي ريلج انها من زمان تحاول فيه وهو ما التفت لها الا لمن شاف عندها شي محتاجه وانتي لهيتي عنه لا تقولين عمري ما صديت عنه الريال يا حبيبتي مثل الياهل تلقينه ينبهج مره ومرتين وثلاث بس انشغلتي سواء دوام ولا عيال ولا ولا ولا.......؟ الدنيا تاخذ الانسان وتنسيه عمره المهم ان شوفي شنو الي اندثر مثل كلامج معاه \سماعج له لما يشكي \وقوفج معاه لما يكون غلطان ما اقولج شجعيه على الغلط لا بس خليه لما يهدا وبعدين قوليله حبيبي ترا الصح جذي وانا معاك بس للافضل لازم يصير جذي وجذي خليه يحس انج معاه قلبا وقالبا\ انا مراح اقولج البسي له وغيره لا مبين منج انتي مو مقصره معاه بس في جانب هو يفضله فيج ويلقا راحته فيه وانتي للاسف اهملتيه انا ما اقول انج غلطانه لا كلكم غلطانين اولا انتي؟ ليش لانج واجهتيه المفروض انج تاخذين رقم البنت وتستفسرين عنها واذا قدرتي اخذي رقم اهلها وخاصتا امها وخالتها او اي احد وقوليلها بنتكم للاسف تبي تخرب بيتي والله اعلم مو بس بيتي احتمال بيوت والله اعلم بس يا انكم تمسكون بنتكم عن بيتي ولا ترا انا شكايه بالمخفر ا الله لايهينكم وبعدين إيي دور زوجج البطل الي ماعنده سالفه لما التفت حق وحده مثل هذي اكيد اكيد اكيد راح يدري بالموضوع اذا فيه خير خلي إييج ويقولج ليش سويتي وسويتي وغيره اهني يابطله طلعي كل الي بقلبج واشبعي غليلج لكن بحدود حبيتي علشان مايلقا عذر فيج اذا زادت السالفه لا تدخلين احد بينكم ولا تطلعين عن بيتج وتخلين لها الجو كله علشان ما تستفرد فيه بالعكس خليه ينام بالصاله وانتي لاتقصرين بالكشخه الخفيه يعني كاشخه ومو كاشخه لما إييج ويتنازل وينذل وبجذي حليتي المشكله خليتيه يعرف انتي منو ويخاف لانج تدرين بكل تحركاته سواء دريتي منه او من وراه ومراح يتحرك باي حركه اولا وهو خايف :wink_smile: وبعدين حبيبتي الله رزقنا بنعمه فضيله مو بس وحده الا نعم كثيره لاتحصى ووحده منهم النسيان خليج معاي وتذكري اي شي غيره هز كيانج اكيد في اشياء تتذكرينها واشياء ماتتذكرين اسبابها واشياء اصلا ناسيتها حبيبتي خلي ايمانج بالله قوي وبعدين ثقتج بنفسج عززيها فيه خليه يعرف انج فاهمه كل شي بس اتطوفين بمزاجج اوكي حياتي وبالتوفيق:red_smile: يا روحي :smile:والله يهديج ويهديه ويخليكم حق بعض ويزيد حبكم في بعض اكثر واكثر ومايشوف بهالدنيا غيرج ولا تشوفين غيره اللهم امين اجمعين :tongue:
