بنات مشكلتي مشكلة وابي الحل منكم اللة يخليكم انا واختي ساكنين بشقتين يم بعض وبالدور الارضي وصراحة البيت عجيب واجارة رخيص وماراح نلقى ارخص منة وعيالنا يدرسون بنفس المنطقة يعنى صعب انغير البيت المشكلة انة في وحدة ساكنة هي وبناتها بالدور الثاني وابوهم شايب عود اللة يخلف عليه ودايم يتحرشون بريايلينة يسكرون مواقف السيارات عليهم واذا بيطلعون سياراتهم واللة يابنات العباية يرفعونها للركبة والمكياج جنها رايحة لعرس وكشختهم احسن من كشختنا احنا يالكويتيات من غير تطلطهم من الدرايش واللة يابنات كازينو مو بيت تعالو شوفو الاشكال اللي داشة واللي طالعة .<<استغفراللة طايحين بجبود نفوسهم وغير تحريش الخدامات اللي كل يوم وحدة منحاشة والخدامة اللي تقعد تصير مورد لهم للتموين اللي عندنا بالعربي عايلة حثالة لاتقولون كلمو صاحب المكتب لان كلمناه مليون مرة ماكو فايدة ونسيت اقول مرة كانت اتغسل الدري مالها ولا يدخل الماي على شققنا ونقع اثاثنا وحسافة عليه كلة غالي زفيناها وبعد يوميين وألا كاسرة جامة سيارتي تكفون ابي حلول منكم خبيثة ههههههههههههه واللة صج منقهرة منهم انا ماكتبتلكم هالموضوع الا عارفتكم قدها وقدود
الله يكون بعونكم تبون نصيحتي غيروا مكانكم وروحوا شوفولكم مكان ثاني أحسن الواحد ألزم ماعليه راحته وعلى قولتهم إبعد عن الشر وغنيله
راي تغيرووووووون البيت تخسرون الاجار ولاتخسرون ازواجكم وهذا انتي تقولين ناس مومضبوطه يااختي ابعدي عن الشر وغنيله وفوق ماهم يتحرشون يكسرون ويخربون على كيفهم نصيييييييييييييييحه اطلعوا قبل لايطيح الفاس بالراس وموفــــــــقه
مافي حل غير أني أضم صوتي للخوات وهو أنكم تنقلون من شقتكم هذي ...والله يعوض عليكم ببيت أحسن واريح منه ....
الله يستر لا يبوقون ازواجكم البنات هاليومين يدورون اي شي انحاااااااشي البيوت شكثرها والله يستر عليكم من بنات الحرام..
حبيبتي لاتغيرين بيتكم ولا هم يحزنزن العين بالعين والسن بالسن والبااادي اظلم دخلي اصاابعج بعيوووووووووووونها والله حراااام تسكتوون عنهم وين قاعدين تكسر ديشة سيااارتج شنو الدنيا فوضي اقسم بالله لو اني جااارتج كاان ورييتها علوووووووووووووم ربي ادعي عليها توضي وصلي ركعتين وادعي انه ربي يشغلهم بانفسهم ويجعل تدبيرهم عبيهم ويرد كيدهم بنحرهم حسبي الله عليهم والله بهديهم ويبعدهم عنكم شر بعده مامنها رده
لا تدخلون بعوار راس ومشاكل غيرو السكن دام الحين عطله وسكنو بنفس المنطقه عشان المدارس تصرفو قبل لا يطيح الفاس بالراس الله يعينكم على مابلاكم
اذا ملاحضه ان عندهم ناس داخله وطالعه بلغي الشرطه وكل ماشفتي حركه عندهم بلغي عشان يخمدون ويحسون انك لهم بالمرصاد ويصير يبون السلامه ولايدرون انك انتي السبب بالبلاغ خل يسجلون البلاغ بأسم واحد يقرب لكم من بعيد حتي مايتنحسون لكم
قالوها الجار قبل الدار انا برايي بلا شرطة وبلا فضايح مو عشانهم عشان الشويبه الي عندهم ثانيا اطلعوا من الشقه وربي بيرزقج بالي احسن منها انا اتخيل نفسي بهذا الموقف والله لدفع الزيادة من جيبي عشان احافظ على بيتي وانا بقولج شي بس ما ابي اخوفج حتى لو تثقين بزوجج ما تثقين في البنات يسون سحر او غيرة لان الي ايمانه ضعيف يسوي اي شي
الله يهداج حبيبتي مايبيلها تفكير شوفيلج شقه ثانيه والله بيرزقج انشاءالله باحسن منها من غير مشاكل وعوار راس وفضايح لان النوعيه من هلحريم مفضحات والتبلي عندهم عادي انتقلوا قبل لايتبلون على ازواجكم صدقيني صدقيني هذول الحريم يدشون البحر ويطلعون ناشفين ولاكأنهم سواااااااا شي........انا حذرتج وانتي على راحتج
اييه والله صاجين الخوات اللي قبلي طلعوا من الشقه احسن والله يعوضكم باللي احسن منهاا يكفي انج ابتعدتي عن الشر وحافظتي على زوجج وعيالج وراحة بالج
صح لسانج اطلع وكنة العيد والرخص ازيدة واشنري راحتي اعرف ناس باعو البيت بكبرة عشان جارهممممممم دوب شقة انقلي ورتاحي ولاتسكنين عند بدون شوفيلج مكان انسب على قولتهم لو يجينا الكويتي مقطع نبية باجر سحر وعمل لامستحى اشكرة قلة ادب وترى الرجال عينة زايغة لايغرج بيشوف شي فيهم مو فيكم نصيحة طلعي وشوفيلج حجة
لاحول ولاقوة الا بالله العلي العظيم ناس عايشة والله مثل البهايم بالضبط ماتدري ان وراها حفرة وتراب ودود وحساب. رايي انكم تغيرون البيت افضل وكثر الدق يفك اللحام يعني (الله يستر على ازواجكم )اما الطرق الخبيثة تضر ماتنفع, اول شي راح تفقدين سندج من الله لانه مع الظالمين .....وثانيا هم ناس عندهم استعداد للنزول بمستواهم للحضيض والوحدة منا تستعف وتترفع من مقابلة هالتصرفات بتصرفات مماثلة لها.في المقابل استخدمي ذكائج في تحفيز زوجج بتغيير السكن مثلا اعرف وحدة كشفت تصرفات خادمتها بوضع كاميرا عند الباب الخارجي ولقت انها تبيع ماجلتهم ! انتي استخدميها للوقوع على اي تصرفات من هالبنات ووريها زوجج.والله المستعان.
من صجج انحاشي انتي واختج لايسوون لكم بلا هالاشكال كل شي عندهم عادي اطلعو ترى والله هذيلي مو خايفين وماقالو احنا بدون ممكن يسوون لنا شي وهذيلي مو خايفين لان عندهم سحوره تفكهم جسبي الله عليهم ويسوون العن بعد !!!!!!!!
دورو لكم سكن ثاااني بلا عواار قلب ودووخة رااااااااس .. والله هالاشكااال ينخاااف منهم ماتدرين لو تغثثتي لهم وتهاوشتي ويااهم يسببون لج بلوه انتي بغناا عنهااا واللي مايخاافوون من ربهم تبينهم يخافوون منج .. الله يستر عليهم ويفكج من شرهم ..
حبيبتي انهي المشكله وشيلو من البيت عادي شنو يعني ، بس تدرين انا مستغربه كل هذي التصرفات اللي تشوفينها منهم انتي واختج ولااااا سويتو شي ولا بعد صابرين ليش يعني بس علشان الأيجار رخيص يعني ما ادري الوحده لو تمشي بالسوق ووحده تطالع ريلها ما ترضى وانتو كل هذا حايشكم وقاعدين معاهم للحين بنفس البيت ليش
انا غير البنات اقولك كلام ممكن يكون حل شوفى من اهل الخير ينصحونهم ترى هذا علاج قوى خاصه امام مسجد او رجل فيه خير يدخل عليهم يقدم لهم نصحيه لو انت فى سعوديه وفى الخبر كان قلتلك روحى لفلان الشيخ
انا اقوووووووول بعد نفس خواتي غيري الشقه وفكي عمرج حتى لو كانت الشقه ارخيصه مثل ماقلتي احط فلوسي بالشمس واقعد بالظلال وافك عمري .. وربي يوفقققققققج
