حبيت نفيد بعض بالهموضوع ويكون نفس الملف كل وحده عندها صور تعطينا سواء لاستقبالها او من النت استقبال ولاده لمولود ذكر راقي يتبع لحد يرد000
يعطيج العافية عالمجهود الواضح.... بس عندي استفسار اذا تعرفون وين الاقي مثل اخر صورة الاستكانة الوردية ياليت تعلموني حيل عاجبنتي..
صراحه في بعض الاستقبالات خببببببببببه شدعوه يا حافظ عرس وله ولاده ؟؟ لا وحاطتلي زهور حول السرير شنو كوشه ؟؟ هههههههههه صدقيني مهما سويتي وتفخفختي الناس مايعجبها العجب ومردهم بيحشون وبيعلقون وانتي اكليها مخاسير على قولتكم كلشي بالمعقول حلو والبساطه حلوه .. اعرف وحده مسويه كفر ولاده بألف شدعوووووى بس في افكار حلوه مثل سكر التقديم وكاكاو التقديم هذولي حلوين اما الباجي بذخ واسراف وفخفخه عالفاضي مشكوره حياتو عالافكار الحلوه :teeth_smile:
واااااااااااااااي حدي استخفيت الحين مليون فكره وفكره قمت احط براسي من الي شفتهم الله يعطيج العافيه خيتي على الموضوع الطيب
يعطيج العافيه عالموضوع يا حلو ايام قبل عالبساطه البساطه مو الحين الله يهديهم بس اسراف ومحد درى عنهم مشكوره عالموضوع حبوبه
بصراحه ماأفكر أسوي هالخبه.. قال الله تعالى: ﴿وَأَنَّ الْمُسْرِفِينَ هُمْ أَصْحَابُ النَّارِ﴾ وقال سبحانه: ﴿كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ﴾ والله أنا أعرف قصة وحده سوت أستقبال اسطوري وتكلفت بكل شي وخسرت وايد بس للاسف اول ماولدت مات الجنين شنو استفادت خسرت كل شي ؟:sad_smile: من وجهت نظري ان الله مايرضى باالتبذير والخساير الزايده
اشدعوىىىىىىىىىىىىىى يا حلات استقبالي والله لا حطيت هالخرابيط ولا شي ابسط منه ما فيه.. حسافة مااعرف احط صور جان راويتكم.. بس اذا تبون افكار : - على الباب حطيت صورة بنوته من فلين ويا بلونات بس هم شي بسيط مو خبة.. - حلوياتي شي من امبرس وكرامبز و****ز بوكيه ومعجنات صغار من روز وورق عنب حلووو وايد من امبرس.. - . والتوزيعه حددددها سمبل والكل سألني عنها سويت علبه على فراشة لونها اوف وايت وفوشي وذهبي وكتبت على جناحها اسم بنتي والعايلةو دار مدار العلبة حرفها وداخل حطيت حبة جوكليت (انا لبستها ولزقتها فنتكت فيها) وحبتين بيض الصعو هم مكتوب اسمها ورسمة بنوتة عليهم وحدة على كاكاو الثانية بيذانه.. (المطبعة اللي سوتلي العلب خليتهم يسوولي وياهم علب كلينكس نفس نقشة التوزيعات) اللي تبي علبة كاكاو تقولي ليلحين زايدين عندي )) - على الطاولات الموجودة حطيت فازات ورد بسيطين ومفارش طبعا موجودين مع الكفر.. وبسسسسسسسس - اييييي بعد يبت سيرفس 2 فلبينيات قهوة وجاي وعصير فريييش وقلاصاتي واستكاناتي والقهوة من تروفاليوو وصحون التقديم لونهم فوشي حصلتهم من الرحاب ودلة القهوة من فياصل وسكر تقديم فوشي .. وبسسسسسسسس - انا عندي مقدرة اييب واسوي اخب عمري بس ليش وبالنهاية الناس بتيي 5 دقايق تسلم وتحش وتطلع والبساطة مافي احلى منها.. اهم شي السلامة وراحتج انتي الوالدة التعبانة مالج شغل بالناس انتي شنو يريحج ويعجبج سوييه.. حمدالله على بساطة استقبالي الكل عجبهم وسألوني من وين ووين.. طولت عليكم..يعطيكم العافية والله يسهل على كل حامل ويقوم كل والدة بالسلامة ويرزق كل محرومة.. ^_^
