السلام عليكم الصراحه بنات انا اول مره اشارك بموضوع بمنتدى على النت فسامحوني على الاسلوب وعلى البدليات :wink_smile: الصراحه اللي حمسني اني اكتب قصتي اهي تجاربكم وقصصكم انا نتزوجه من قبل 6 سنين وكنت طالبه ادرس فقررنا انا وريلي انه ما نستعجل بموضوع الحمال والعيال وكنت حزتها صغيره عمري 19 وزوجي 20 المهم ما اخذت حبوب بس اخذنا احتياطنا ومرت سنتين على هالحال والحمدالله تخرجت عقبها قلنا خلاص اللحين وقت العيال وحاولنا سنه بدون لا نروح الطبيب ولا اكو فايده المهم رحت حق دكتور بالهادي قالي خليني اسويلج سونار قلت اوكي سوالي وانصدم حده عيونه طلعت لي بره وحالته حاله وصدمني بالخبر قالي انتي فيج ورم بالرحم لا تشوفون شنو صار فيني بنات بغيت اموت والله بس حمدت ربي وققررلي عمليه علشان يتاكد من السالفه طبعا انا اهني نفسيتي صفر وزوجي حبيبي بس يبجي المهم جه وقت العمليه ورضيت باللي الله كاتبه ودشيت العمليه مدتها 5 ساعات طلعوني من الغرفه وانا مو حاسه بشي بعد 4 ساعات صحيت وعوار مكان الخياط ولل الكل واقف يطالعني ويبجي والله بغيت اموت عاد قرب علي زوجي يضحك ويبجي يقولي الحمدالله على السلامه ..سالته شنو لقوا قال ملقوا شي والرحم والمبايض سليميين 100\100 الحمدالله يا بنات حمدت ربي وشكرته وتغيرت النفسيه من الى بعدها كرهت الهادي ورحت حق دكتور بدار الشفاوسنتين وانا اعالج ومنشطات ولا اكو فايد يقولي تكيسات على الحرم بعدها راجعت بالسلام ونفس الموضوع ابر ومواعيد ومنشطات وبلاوي المهم قالي لازم منظار سحب الاكياس اللي بالرحم ورضيت وبعدها ماكو نتيجه وسويت تلقيح صناعي وماكو فايده المهم شهر 10 اللي طاف اخذت موعد عند دكتوره ماجده اليتامى ورحت ومعاي تقاريري واوراقي وتحاليلي شافتهم وابتسمت تقولي تبين تبدين علاج اللحين ولا الشهر الياي قلتلها لا والله اللحين دكتوره المهم عطتني حبوب حقي وحق زوجي وقالتلي المره اليايه خلي زوجج يجي معاج اخذته معاي قالتله الموضوع باختصار تحاليلك ممتازه والحيوانات ممتاز شكلها وحجمها وعددها لا تموت قبل لا تدخل والسبب التدخين واكتبتله فيتامينات وعطتنا موعد .جاه وقت الموعد ورحنا قالتلي سوي تحليل ما دري حق شنو كاتبه بورقه وانا ما اتبهت سويته وقالولي النتيجه بعد ربع ساعه مليت رحت قعدت بالسياره وقلت حق زوجي روح استلم النتيجه .راح اخذها ونهزل السياره ميت من البجي مو قادر يتكلم خفت قمت ابجي اسله مايرد غصب تكلم وقال ::::: مبروك حبيبتي .... والله انصدمت حسبالي صار مينون قمت ابجي واقوله لاتجنني اشفيك يقولي والله انتي حامل والحمدالله يا بنات على كل شي والله كنت فاقده الامل كلش يا بنات بس الله هداني اجمل هديه وشهر 6 انشالله ولادتي والحمدالله الحمدالله الحمدالله يارب ترزق كل المحرومين يارب
ياعمري انتي والله تاثرت من سالفتج الله يتمم عليج الحمال ان شالله ويكون من الذريه الصالحه ان شالله والله يوفقج مع زوجج ولايحرمكم من بعض ان شالله
سبحاااااااااان الله ماشالله الله يتمم عليج يارب ويخليلج ريلج بس شنو العلاج اللي عطتج اياه بضبط مافهمت
ألف مبروك وربي يرزقج بالذرية الصالحة المعافاة يارب . . . أما سالفة تكيس المبايض فيا خواتي اهي نتيجة لأخذ المنشطااات . . .
السلام عليكم ورحمة الله وبركاته هلا ام عبود تر امس راحت حق الدكتورة وبشرتنى بالخير عسي الله يفرح قلبيها ان شاء اللة وقالت ان شاء الله ع الشهر هذا او الجى راح نفتح اطفال انابيب و تلقيح صناعى ووانتى مالج للى الحال هذا وقالت ابشرج انتى قالتى بشرنى وادعلى امانة عليج :emoticon_U::emoticon_U::emoticon_U:
مبروك على الحمال والفال لي وللبنات اللي ما حملو بعد بس بسألج شنو اسم الحبوب اللي عطوهم ريلج لأن هم أنا زوجي يدخن وقالو له اترك التدخين لكن ماكو فايدة بس جود هل الحبوب تييب نتيجة أحمل ومشكورة
