تخرجتى العام أو تعرفين أحد تخرج العام وتعرفين نسبته من 10 إلى 12>>حيااج

السلام عليكم ورحمه الله وبركاته



شلونكم؟>>عساكم بألف خير:teeth_smile:



بنات إللى تخرجو العام أو يعرفون أحد تخرج العام

لو سمحتو أبيكم تحطولى نسبكم أو نسب إللى تعرفونهم مالت التراكمى للصف العاشر والحادى عشر والثانى

عشر وأبيكم تقولولى وين رحتو بهنسبه

لأنى قاعده أخمن جم راح أجيب نسبه :sad_smile:


إدعولى إنى أتخرج وأدخل الجامعه>>يااااااااااااارب إنك توفقنى وتوفق كل الطالبات والطلاب قولو أأأمين

ومشكوورين وجزاكم الله ألف خير :teeth_smile:

انتي نفسي انا ما اعرف شلون اطلع نسبتي

وووووينكم؟

انا العام تخرجت
بعاشر كنت 3.48
ما ادري نسيت بس باجر راح اقولج عشان اشوف شهادتي اللحين انا تحت بالصاله مالي خلق اصعد فوق اختي نايمه تفضحني اذا قعد
شدوووو حيلكم وايي شئ تامرون فيه انا حاضر

بنت التجارى تسلمين حبيبتى

شوفي حبيبتي انا العام تخرجت
وبعاشر جبت 3و97 من 5 حلللوووو يعني ضمنت اربعه بالاميه تقريبااا
و11 جبت 28ونص تقريباااا من 35
و12 شديت ححيييلي حيييل حيل يعني درست عدل ممدل وجبت 52 ونص من 60
ونسبتي بالضبط 85.1 والحمدلله دشيت الجااامعه والفال لج يارب بس شدي حيييلج وخلي المهايت والطلعات لاحقه عليها


موفقه

الله يسمع منج إن شاءالله تسلميين حبيبتى ريانه العووود

سبحان الله ةبحمده سبحان الله العظيم

هلا والله ببنات 12 شلونكم وشلون الدراسة ........ والله انتم تخلوني ارجع ايام الثانوية الحلوة
مابي اطول عليج بس ان نسبتي بعاشر 4.46 وحادي عشر 31.55
وثاني عشر 56 ومادري جم وراه
بس اخر شي نسبتي 92.66 اذا ماني غلطانة والله
ودخلت الجامعة كلية العلوم الاجتماعية


الله يوفقج انشالله ويرزقج النسبة اللي تعجبج والله يرزقج النجاح والتفوق



واي شي تبينه لا تستحين انا مع طالبات الثاني عشر قلبا وقالبا:

انا جبت بعاشر 4.12
وبحادي عشر29وشي
والكورس الاول 83 %

تهقون جم تقريبا بتطلع نسبتي؟؟ ردوو ضروري

مشكوووورين

والله يستر علينا إحنا ونسبنا

للأمانة ما أعرف ....... بس حبيت أسير عليكم وأترك توقيعي ومشاركتي وربي يوفقكم وتوصلون للي تبون بس درسوا عدل وعن مجابل التلفونات والتلفزيونات والطلعات الزايدة ........ لاحقين خييييييييير

أنا حاصلة ع الشهادة الجامعية من مصر ومن 4 سنوات ......... فنسيت الورقة والقلم ملوت الدراسة لأنهم غير بصراحة ............
وبالتوفيق مرة ثانية ,,,,,,,,,,,,,

مشكوووووووره

والله انا بعاشر 95%
و من 5 %
4.75


الحادي عشر

94%

من 35
خذيت 33.07


الثاني عشر( وااايد سهلة )

خذيت 97.5%

ومن 60

58.5


المجموع
96.25 % ( عــلــمـي )


وللأسف كان طموحي طب
بس القدرات والله يحطم !


وان شالله يا علوم ادارية او تربية


بس والله شدوو حيلكم

انا لعبت بـ10 و11

وصج نسبتي عالية والحمدلله

لكن والله لعبت لعب ونووم وطلعات ونت
وتحسفت !!

يعني يبت هالنسبة لاني كنت انتبه حيييييييييييييل بالحصة
واحاول احفظ

بس انسو ادرس حق الامتحان حتى لو بليلتها ما ادرس

اروح المدرسة الصبح حدي متوهقة واتأخر بالطابور عشان اراجع

الله يوفقناو يوفقكم يا رب وتدخلون الكلية اللي تبونها