مرحبا كنت اتمنى الزواج عن حب والحمدلله الله رقني في بعد معانات بس السؤال في فرق بين الحب قبل الزواج وبعده وخصوصا مع اليهال
والله مادرى شقول ... فى أيام تمر عليج تحسين الحب نفس الحب ومرات لأ يكون أكثر ومرات عاادى .. ترا على حسب لأن الحياة مواقف تمر عليج وطبيعى تأثر عالإنسان أما بخصوص اليهال بالعكس تزيد المحبة يكفى انج تكونين أم عياله بس عيبهم يخربون الرومنسية تلاقين كله قاطين ويهم ومخربين القعدات الرومنسية عن نفسى كل ماقعد يمى ريلى ولمنى نط ولدى الله يحفظة وقعد بالنص
اي والله صاجه يااحلى قمر المشكلة جيل هذا الوقت يطفشون الي مايطفش وانا عندى الله يحفظهم 3 بنات قصدي شريجات اصلا نسيت الرومنسية بس بنسبه لي قبل وايد احلى
صح كلامج عليا وياما ناس تطلقوا بسبب الشك اللي بينهم وكانو متزوجين عن حب يعني ماله شغل واعرف وحده كانت تموت على زوجها لويطلب ماي عيونها تعطيه بس تعالي شوفيهم الحين كانهم اعداء كله خناق حاى جدام الاوادم وفي العكس عقب الزواج موفقة
يعطيج العافيه عالموضوع الحلو انا بقولج عن تجارب ،.. اول شي الزواج عن حب مو مع الكل يضبط لان في ناس لماتعاشرينهم غيييير غيييير بالنسبه حق وحده من اهلي خذت حبيبها بعد 3 سنين وكانو موووت يحبون بعض ماشاءالله وللحين ماتغير شي جنهم اول مره يشوفون بعض وعندهم بيبي الله يحفظه لهم واختي نفس الشي بس... صديقتي تزوجت عن حب وهي حامل الحين و تبي تتطلق .. اكتشفت اشيا وايد بعد الزواج... يعني ياتصيب ياتخيب وعلا حسب اختيار الريال اتمنى فدتكم ... ؛-**
وانا اقووولج يا تصيب يا تخيب .. يعني انا خذيته عن حب و الحين كله نجره اغار عليه و اهوة يغار وصايرين اعصاااب بشوووف يمكن من الحمل النفيسه تغيرت والله يسهل دعواتكم ..
بنت خالتي ماخذه عن حب بس ملعووووووووووووووزها يشك فيها وبأهلها ومايخليها تطلع ولاتروح الا معاه ويفتش باغراضها ماااااااااااااااايسوى عليها تلعن الساعه اللي تزوجته اصلا كرهته مع ان عندها بنت وولد منه بس خلاص طاح الفاس بالراس سبحان الله حظوظ الله يوفقكم
هلا بالغلا كله بالاخر نصيب عن حب او لا لكن اساس الزواج الاوكي التفاهم قبل الحب :wink_smile: وربي يخلي لج شريجاتج ههههههههههههه والله موتني من الضحك
