عندي حلمين ماعليج امر فسريلي ياهم ؟؟

الحلم الاول :

حلمت ان ابوي يقولي شوفي ريلج يعني كأنه يسوي شي من وراي ويا ابالي شي مو زين
يعني يسوي شي بنفسه اتمنى انج فهمتي شنو اقصد وانا وابوي واختي كنا موجودين
والمكان ماكان بيتنا وكان ابوي يطالع تلفزيون وانا واختي منسدحين يعني المكان كان مثل قلعة او شي جذي وابوي يقول حق اختي ان مايبي يزوجها يبيها تقعد يعني مايبيها الحين تتزوج
وللعلم اختي واايد كان في حجي ان يبونها بس ماكو فعل محد يا البيت بس حجي بالتليفون


الحلم الثاني :
حلمت اني رايحة بيت يدتي وبيدي بنتي توها ماصارلها شهرين وبفتح باب الديوانية
وبنقل بنتي لي ايدي الثانية مسكتها من راسها وجسمها مهدود لي تحت وسمعت صوت طق براسها يعني بعدين لما دخلت ولا عمتي متربعة وحاطة بنتي بحظنها وعمتي شكلها كان تعبان وللعلم انها مو متزوجة ومرييضة فيها اسم الله علينا اورام برحمها
واهية بالصج مو شايفة بنتي ليلحين ولا زارتني البيت بس بالحلم كأنها شايفة بنتي يعني هذي مو اول مرة
ثاني مرة تشوفها فقلت بنفسي اييي اكيد مروينها صورة بنتي
وللعلم ان علاقتنا مع اهل ابوي مو ذاك الزود لان نيتهم مو صافية
واول ماقمت من النوم
قمت اوسوس ابنتي ليش اللي مسكتها عمتي ومريييضة
يعني خفت ان بنتي اسم الله عليها تصير مريضة

طمنيني الله يخليج ويخليلج عيااالج

اختي الغالية الرؤية الاولى تطفل من الشيطان واضغاث لاتفسر والله ااعلم
الرؤية الثانيه اشارة انك لازم تحصني بنتك بالقران من اعين الحاسدين واللحاقدين
حتى لا تتبدل امورها وتنقلب والله اعلم

مشكورة ماقصرتي .. يزاج الله خير