شلووونكم بناااااااااااااات حبيت اسألكم بناات انا توني داااخله الشهرر السااابع وابي اعررررف الحركة البيبي شلووون صايره وابي اعرف نوووومة الظهررر ما اقدر استغنى عنهااا عادي ولااا لأأأأأأ والله يجزاااكم خيررررررررررررررررر
الله يسهل عليج يارب الحركه تكون واضحه نووعا ما يعني رفسه لفه نغزات ونومة الظهر عاديه واريح اصلا بس رفعي راسج شويه والله يقومج بالسلامه
قلبي نومة الظهر بالاشهر الاخيرة مو زينة يحذرون منها يخافون الحبل السري يلتف علي راس الجنين واصلا كل ماكبر بطنج ماترتاحين بنومة الظهر تحسين بخنقة
صاجة حاولي على جنب تنامين اريح ومع كلام كيييكة كان يرفس رفس سبحان الله لما ابوة يحط ايدة يوقف كانة يكذبني تخيلي والله يرافس مرات احس بنغزة وكانة بيطلع عادي لله يتمم عليج شكلج بكر انشالله تشوفينة طالع منج وتفرحين فية
هلا حياتي حركه الجاهل بتكون كثيره وقويه ليش؟ لانه كبر البيبي اي حركه يتحركها بتحسين فيها وخصوصا اذا شربتي او اكلتي شي حالي(فيه سكر) النومه عالجنب اريح لج وللبيبي 00000 الله يسهل عليج يارب000
خواتي ماقصروا المهم نامي عالجنب ونومة الظهر موزينه نامي عالجنب احسن وحركة البيبي تكون واضحه ماشالله لادشيتي الثامن والتاسع بتقل تدريجيا
