السلام عليكم اشلونكم حبيت اطرح عليكم موضوع مهم عن اطفالنا الاحباء . مثلا اذا تعرض طفل لا سمح الله الى حادث منزلي وما تقدرين اتلحقين تودينة الطبيب شنو اتسوين كل وحدة فينا تكتب السؤال والتي عندها خبرة او معلومة تطرحها وجزاكم الله الف خير اما المعلومة فهي الآتي اذا طاح الطفل بعيد الشر وعقب الطيحة بشوي يبي ينام حاولي تخلينة صاحي ساعتين الى ثلاث ساعات وبعد ما تتأكدين ان ما فيه شي ابتدي انا اول وحدة بالسؤال اذا بلع الطفل ادوية امه او ابوه شنو نسوي او بمعنى اصح ماذا تفعلين؟؟؟؟؟؟؟؟؟؟؟؟؟؟؟
مشكووووره على هالطرح الحلو بهالحاله لااااااااااااااازم تشربينه حليب بارد مره اخوي شرب كلوركس وامي بسرعه عطته حليب وودته الطبيب سألها الدكتو انتي عطيتي شي ؟؟قالتله اي حليب بارد قالها: خلاص عيل ليش يايبته انتي عالجتيه ومن ضمن الحالات اللي تشربين فيها الياهل على طول حليب اهي ((((اكل او شرب الدوا)))))
هلا أختي . . . الله يستر ويعافي عيالنا يارب من أذى وشر أو مصيبة . . . بصراحة احيانا لما يصير شي لحظتها ماتعرفين تتصرفين !! لي عودة للموضوع بعد ما احصل معلومات واضيفها -بإذن الله -
انا عندي ولدي الكبير اسم الله عليه من يبجي يصير ازرق مايقدر يتنفس وانا اظل اصرخ اقوله ماما تنفس كذا مره اوديه الطبيب يقوللي طبيعي وماني عارفه شسوي واخاف لمه يبجي
هلا حبيبتي اذااا نفس اخوي قبل كانت امي تمسكه حيل من موخرتهاا وتنفخ بوجهااا بعدهاا يرجع يتنفس "" ما ادري تنفع معاه ولا لا لان اخوي كان بوقتهاا عمره تقريباا سنه وشي موفقه
اي تنفع معااه ان شاء الله اختي ممرضه لان هذي الطريقه الصحيحه .. واذا شرب الجاهل ادويه والا شي موزين حليب باارد او حليب وملح ورااح يرجعه كله .. الله يحفظ عيااالناااا
اشلونكم اخواتي اليهال بطبعهم حركيين وما يهدون ألا بس بوقت النوم اسم الله عليهم ومن كثر الحركة فجاة يطيح اويطق راسة بحافت شي حاد مثل الطاولة المربعة اول ماتشوفينة ينزف بغزارة جيبي فوطة او خرقة نظيفة وحطي فيها قهوة ناعمة عشان يوقف النزيف واذا من الطيحة شفتيه تكرمين ايرجع ودايخ يبي اينام يعني معناتة انه بحالة خطر طيري فيه لاقرب مستوصف والله يحفظ اعيالنا من كل شر قولوا آميييين
رسالة الى اخواتي بالادارة العزيزات وايد امهات مايعرفون شيسوون عندما يتعرض طفلها لا قدر الله الى حادث منزلي وفي امهات عندهم خبرة ايفيدونا فيها مفبغيتكم اثبتون موضوعي اذا مافي مانع علشان الكل ايفيد ويستفيد والله يجعله في ميزان حسناتكم ولكم مني كل ود وتقدير
تسلمون خواتي ممرضه جلديه وعسوله الصراحه جربت الطريقه وانفعت مع ولدي الله يفرجها عليكم وعلى صاحبه الموضوع والصراحه موضوع يستحق التثبيت يالله يابنات نبي تفاعل تبي نستفيد ونفيد
اخواتي لا قدر الله وانكب الشاي او القهوة على اطفالنا علاجة وضع العسل على الحرق على طول روعة او اكريم ميبو ان وجد وعلاج الفلعة ووطلعت صعرورة على طول قطعي بطاطة وفركي مكان الفلعة تروح على طول وتوقيف الدم حشي الجرح بقهوة او مسمار مطحون عجيب ولاقدر الله ان شبه انقطع اصبع اطفل على طول حطي ثلج ودية المستشفى ومعاج الثلج بس ضروري الثلج لعدم تعفن الاصبع على فكرة جميع الي قلتة عن تجربة شخصية وانشالله اكون فدتكم وادعولي بالولد الصالح
يعطيكي العافية اختي شوكولاتة على هالمعلومات القيمة ما قصرتي وكلنا في هذا الموضوع نفيد بعض خصوصا اللي ما يعرفون يتصرفون بهاذي المواقف المفاجئة بعيالنا اسم الله عليهم وانا كتبت الموضوع لان تعرضوا اعيالي لحوادث ما عرفت اتصرف فيها
لاعلاج التهاب والحساسية الحفاضات كريم سودوكريم افضل شي عن تجربة جميع الكريمات ماكو فايدة غير سودو كريم وعلاج تسنين يعني الاسنان ان بدات تطلع تتعب اطفل وعلاجة مرة مطحونة وكمون مطحون ومحلب مطحون وخلطيهم عدل ونخليهم لين يصير ناعم وحطية بعلبة نظيفة وان حسيتي متعبتة يعضض ومتعومس بللي صبعج بماي ونشفية وغرسي صبعج بلي خلطناة وجنج تفرشين اسنانة راح يرتاح وعطية بعدها ماي دافي وادعولي ارجوالتثبيت لتعم الفايدة للامهات الجدد انا استفدت من امي كل المعلومات اللهم افرج همها
