تعالي وشوفي . . . الزين من الشين وبالصور متجدد . . .

لا حبيبتي غلا ما يرهل الجسم يس الحمام مرة كل 10 ايام

بصراااحة مجهود كبير وتشكرين عليه يا غلا

والشامبو الاحمر ما في مثله للشعر وهو شامبو العبايات ما غيره

بس الاصلي اللي مكتوب عليه صنع في تركيا

حبيبتي الخلطة حق شنو ؟؟؟واشلون استعمالها ؟؟

بنات ابي شي يكثر الرموش...رموشي حتوا حتوا مابقى الا جم وحدة

بس لا تقولون لي خروع ...حطيته وعيوني التهبت اسبوع




ومشكورين بنات يعطيكم العافية

يعطيج العافيه حبيبتي
ممكن أعرف اسم الماسك الي من ماليزيا
ومنوين شريتيه؟
واذا مممكن صورته

يعطيكم العافيه ياريت بعد نستفيد من تجارب بعض

يعطيكم العافيه وبعد هذي الخلطه وايد حلوه من على ايام امي العوده وبالصفه عرفتها من امي العوده وصج اصلا انتي لمن تستخدمينها تكرهين نفسج من الوصخ الي يطلع مع اني على طول سنفرات وغيره لكن هذي غير
مكوناتها
1- تحتاجين طحين

2- زيت نباتي

الخلطه مفعولها حار بحار وانتي راح تحسين بالفرق المهم تخلطينهم لين مايصير عندج شبه ماي يعني خفيفه مو تهرسينها بين البينين لاهي خفيفه ولا ثقيله بس الغالب عليها تكون خفيفه يعني لما تمسكينها تكون خفيفه مو عجينه وبعدين تبدين تحطينها على جسمج وتنطرين لين مايتشربها جسمج وبعدين تفركينها بإيدج وتدعكينها راح تشوفين الجرايد الي تطلع من جسمج ورقبتج على الناشف تستخدمينها:wink_smile: يعطيكم العافيه ياريت بعد نستفيد من تجارب بعض

حلوه وآستآاهل:: تهبل هذي الخلطه اتذكر امي العوده ربي يرحمهآ ويغفر لهآ , كآنت تقٌول مرتين بالاسبوع نسويهآ لنآ ولجنآينآ ..,

آرنوبه غنآاتي ,.. آلخروع وبًــــــــــــــسّْ , وع الالتهىاب يمكن استعمىالج غلط, آهو لآزم تفرغين علبة ماسكرا, يعني فديمه عندج ونظفيهآ وحطري فيهآ الخروع و بس , حزت النوم حطيهآ ونآامي وشوفي , انا هذي طريقتي

.,...

ويعطيج العاافيه غلآوي عً الطرح الحلووو,.. ولي باااك مع استعمآالآتي هع

.,..

مشكورة مريومة
بس الخروع بالذات ما يسويلي شي جربت على رموشي وعلى حواجبي ..بفرشة المسكارا احط بس هم يدش بعيوني ...

الله يعطيكم العافية ويجعله في ميزان حسناتكم والله افدتونا الله يعطيكم الجنه

مشكوره غلاتي انا استخدم خروع رول مخصوص للرموش فاد معاي حيل
بس للامانه انا عيوني من قبلها وعقبها ملتهبه ماادري اذا منه ولا لا

وللشعر انصح بالسدر مفعوله رائع ...

وانا شاريه من سوريا صابون الغار بس جاري التجربه للحين ......

وانصح حييييييييييل بعصير الخيار مع الشوفان تسوينه ماسك ينضف الوجه استعملته مرتين وبين معاي
وانا استخدم اسكينول اليمون لتنظيف الجسم يهبلللللل خصوصا الاماكن السوده,,,,,,,
واستخدم جرجنز للترطيب صراحه رهيب بس انا مستغربه اول شهرين استخدمته خلاني حرير من النعومه
بس عقبها كنه ثقل الي يعرف السبب ياليت يبلغني ؟؟؟؟

وبنات استخدموا فيتامينات مهمه

مشكوووووووره حبيبتي

مشكوره يالغلا واتمنى يفيدونج البنات

فديتكم كلكم وماسويت شي ابي افيد واستفيد

تسلمين يالغلا على هالموضوع
والاخت ارنوبة ديري بالج من الخروع تحطينه على رموشج لانه يسبب ارتخاء اعصاب العين لانه يعتبر من الملينات ويسبب التهابات وهالكلام من مصدر مضمون. واذا تبين شي للرموش في مسكرة تنباع في قزاز اللي بالسعودية تطول الرموش اسمها( ما فالا دبل لاش) ابحثي عنها بقوقل وفي حريم يبيعونها بمنتديات ثانية واعتقد بسعر اكثر.

وندخل بموضوعنا :
الاشياء اللي فادتني ..
1- شامبو (فيتشي) من الصيدلية لتساقط الشعر عجيب.
2-شامبو همالايا خفف التساقط بس مشكلته يجفف الشعر شوي .
3-حمام زيت فاتيكا بالجمعية.
4-صابونة البحر الميت روعة للبشرة.
5-حليب وتو*** من همالايا.
6-خلطة (شو السالفة) للجسم ابحثوا عنها بقوقل (اللي فيها صابون غار مبشور مع ماي ورد) والله روووعة تصفية وتنعيم خيااال وبعدين تغسلين الجسم بصابون مغربي وليفة بودي شوب واذا عندج الخلطة الصابونية يكون احسن..
7-لوشن مرطب للجسم من همالايا.
8-خلطة التنعيم (جلسويد+ليمونة معصورة) لليدين والرجلين.
9-غسول (سافوريل) بالصيدلية للمناطق الحساسة انتعاش موطبيعي.
10- (مسك مبشور انا اخذ مسك حجر من القرشي وابشره +شبة مطحونة) لازالة العرق ( احسن من هالمزيلات اللي تسبب السرطان)
11- لتعطير وطهارة المنطقة الحساسة وخاصة المتزوجات (مسك حجر من القرشي تبشرين نص حبة وتخلطين معاها فنجان ماي ورد وفنجان ماي عادي وتحطينه بعلبة بالثلاجة وطريقة الاستخدام اخذي قطن وحطي من هالخلطة وامسحي المنطقة. ملاحظة : المسك ماراح يذوب راح يتكون طبقة فوق عادي ... لاتخافون يابنات من هالخلطة انا شخصيا استخدمها وما ضرتني ولا سببتلي اي التهابات مع العلم ان جسمي حساس.
12- في لوشن اسمه سورسير ينباع بالصيدلية وعلبته لونها احمر واعتقد انه بخلاصة الثوم بس ريحته حلوة حيل كانها كلونيا واذا حطيتيه كأنج مو حاطة شي مايدهن ولا يبين بالشعر عجيب يوقف التساقط وينبت الشعر ويطوله والله انصحكم فيه وعن تجربه.

واذا تذكرت شغلات ثانيه راح اضيفها بهالموضوع بإذن الله عشان نفيد ونستفيد.

لو ترجعون لصفحة 8 بتلقون شنو استخدمت>>>نتايجها كويسة /اكتسبت من الطريقة النظارة والنعومة بالبداية بس خلصت الخلطة رحت غيرت المكونات بدل الاسكينول حطيت ليمون طبيعي واضفت زيت اللوز
والتجربة واااااااااااااااااااااااااااااااااااااو

وحبيت افيدكم بصابونة الفحم من محلات لشlush للصابون آنا آخذها من السعودية ويقولون فتح فرعه بمول360 انصحكم بتجربتها نظافة ونظارة وريحة تجنن
بس يابنات عيب صابونات لش لازم تنحط بالثلاجة قبل وبعد الاستخدام لانها طبيعية وبسرعة تذوب

يسلمووووووووووووووو ياحلوات ونبي بعد الشين الشي اللي ماعجبكم مو بس الحلو نبي الردي عشان نبعد عنه

الردي لوشن ماجيك >>>الله يبعد عنكم الشر بقع جسمي

مشكووووووووووووووره

جزاج الله خير صاحبة الموضوع ...
وهذي اسراري...

1- قبل النوم اكحل عيني بهالوصفة..
أثمد+قطرات خروع+5حبات طعام التمر محروق على الجولة ومطحون وحاولي تحوشين منبت الرموش بدون العين نفسها مع الاستمرار بكون عندج ان شاء الله اهداب سحرية.


2- ادفي ماي ورد مع كم ورقة نعناع واحطهم في قوالب الثلج داخل الفريزر واذوب قطعة كاملة على وجهي ورقبتي وكف ايديني اول مااصحى من النوم وبعد ردتي من الدوام خصوصا الصيف

3- شعري مايناسبه اي نوع من الدهون لانه اصلا دهنييي ومعتمدة على الحنة المعجونة بمغلي اكليل الجبل (يعالج التساقط وبعد كم شهر بتحسين بالفرق)