هاه يا كويتيات هذا اللي تبونه؟؟؟

بسم الله الرحمن الرحيم..

في حياتي اليومية اتابع الصحف و احيانا" اعصر على مزاجي عدد اربع ليمونات حااامضه كي اتابع

الاخبار بالتفصيل ,, منذ دخلت المرأة المجلس بشعار (( حقوق المرأه الكويتية )) و إلى الآن

مازال الشعار قائماً في اللقاءات التلفزيونه و انا مازلت اسمع بحقوق المرأه... لكن منذ ان دخلت

المرأه هذا المعترك الذي كان مخصص للرجال و هي في نظري لم تحقق شيء يذكر !!

بل اجدها مازالت لا تفقه فن اللعبه!!

البعض يقول ان النائبات حكوميات !! لا يهم هذا الاتهام مقابل مصلحة سيدات الكويت و شاباته!!

هل الوضع الراهن هو ماكنتي تتوقعينه فور سماعك بفوز اربعه من سيدات الكويت الأكاديميات

بأربع كراسي بين صفوف الرجال!!

هل موقف المرأة الكويتية من النائبه الكويتية محبط الى حد ما !! أم إن هذا التأخير وارد حصوله!!

هل لو اعيد انتخاب المجلس ستثق المرأه بالمرأه !!

هل ما يحدث من تقصير بعذر أم لا عذر له!!!



اتمنى أن يحظى الموضوع بكثير من الجدية و النقاش فهذا الوضع لا يحتمل حتى تجاهل النقاش

فيه ,,,,



لكم وافر التحايا و دمتم ....​

مشكوووووووره عالطرح
للاسف مالي بهالمواضيع بس ماحبيت اطلع من موضوعج بدون رد
يسلمووووووو

الحريم خل يسنعون نفسهم وعقب يسنعون غيرهم اكثر الحقوق الي نصفت للمراءة للاسف انرفضت من قبل النائبات من دخلت المجلس وانا غاشلة ايدي منهم يعني بيسنعون وهم مايدرون وين الله قاطهم الي ماتزوجت ولي عقيم ولي ماعندها عيال وحاطة الحرة بعيال خلق الله مااحب هالسوالف بس يقثون ولي يومج سنو سوو للمراة سؤال شنو سوو

لا والله مو هذا اللي نبيه أصلن أنا كنت معارضه دخول المره المجلس ..ليش؟؟
صج احنا نبي حقوقنا بس مو بالمساواه لأن المساوه فيها ظلم للمره اولا وأخير وأنا ما أعتبر النائبات الفاضلات يمثلوني ..وبس

هلا أختي . . .

ولاتنسين مع عصير الليمون نعنااااع علشااان ريلاكس نكون بعد ما نخلص من قراءة الغثا اليومي . . .

النائبات مدري ليش داشين بحيل قوي وحدة تنفيه لشركائها والثانية الله اعلم فيها . . .

نبي لهم أجندة بالمطالب ونبي الشي اللي حققوه للمرأة الكويتية . . .

أحنا ما نبي مساواة نبي حقوقنا كنساااء في المجتمع الكويتي . . .

الأخوات تركوا كل هالامور اللي تهمنا وكل وحدة تلعب ع الحبل اللي تبيه واللي ربعها يبونه . . .

اي والله صاجه وجودهم بالمجلس لا زاد ولا نقص

مااشوفهم انفعو اختهم المرا بشي

انا بعد مااؤيد دخول المراءة المجلس

الفرق بين الرجل و المرأه واضح وضوح الشمس الجاهل يلاحظه

المره لها ~بيتها سترها~ و تقول الف حمد وشكر انها تقدر تتوظف و تسوق وينسمع لها راي

مو والله ابي احط راسي براس الرجل وادخل المجلس ..!

انا الي ذابحني نبي حقوقنا نبيها !!

بالله عليكم انتوا ماخذيتوا حقوقكم وزياده

قسسسم بالله غيركم مولقي النعمه الي انتوا فيها

بس لازم شوي يسون جووو يقولون ماخذنا حقوقنا

يعني لادشت وحده من الحريم المجلس بتاخذ حقكم !! وياحسره شنو حقكم الي مأكووول

موفرين لكم كل شي حتى لاتطلقتوا حطوا لكم بيوت وسواويق ووخدم وكل شي !!

انا بصراحه ماأييد كلش دخووولها للمجلس ابدأ ..
مشششكورهـٌ قلبي ع الطرح الهادف ,, "

شكرا لكم من كل قلبي على التفاعل المثمر و قد يكون لتعليقكم الأثر الواضح في ايضاح رأي المرأه الكويتية

في شأنها الخاص ..


اشعر بالحسرة بين سطور احرفكن بل وجدت كافة تساؤلاتي في الرد ذو الاربع كلمات نعم ليست هذه المرأه

التي نريد اضم صوتي لأخت التي تؤيد ان ستر المرأه في بيتها نعم هناك نساء سترهن في بيوتهن و هناك

من تزهو في عملها فتكون ستر لنفسها و لغيرها من الناس المحتاجين لخدماتها...


القانون جعل المرأه الكويتية نصب عين كل حاسد من الدول الاخرى ادام الله نعمته علينا و اكملها بامان هذا الوطن

لكن انا مثلكن لم نجد بعد المرأه التي نحتاج ان تكون القدوة لتمثل رأينا و رؤيتنا و مازلنا في صفوف المتأملين

المتألمين في صنع قرار لنا يقينا ظلم أكثر من اجندة النائبات المظلمه !!!!



لكم وافر التحايا و دمتم .

شوفي حبوبة المرأة الكويتية ماخذة حقها وزيادة وماكان لة داعي دخولها للمجلس من دشت وهية صايرة حكومية مالها راي بلعكس شفناها اردي من الرجل اول نقول بس النواب الي يبوقون الحين حتي النائبات زادة الارصدتهم بالبنوك
المجلس كلة صار خوارة وبيع الذمم علي عينك ياتاجر
القانون الكويتي مافية ظلم للمرأة بس مادري شنوا يبون يوصلولة الحريم

أنا صابني احباط لما فازت المره ودشت المجلس..
اللي لاحظته إن كل البنات مو مأيدين دخولها لمجلس الأمة..!!