اهاااااات انا ما رحت الطبيب والافرازات اختفت من نفسها .. .بس كنت اكثر ماي قالت لي امي يمكن التهاب بول وانتو بكرامه وصج كنت احس بالم تحت بطني لما ادخل الحمام عزكم الله وامس واليوم الحمدلله مافيني ولا شي لا الم ولا افرازات .. بنات كثروووو ماي خاصه بالصيف الحين ... وايد مهم
بالنسبه للكفر عندج دبنهامز ونكست وزارا هوم هذول اسعارهم حلوة حلو القهوة عندج سلفرينيا وواو امبرس واوبرا حلوهم حلو وذوق الكل الموالح امبرس موالحهم حلوة حطي ككاو مزين بطريقه ذربه على ستاند حلو وفكي نفسج من المحلات المعرفة مثل باتشي وغراوي ولاكشيت و ... يبيلج بعد طقم استكانات وفناييل من اي مكان انتي تتعاملين معاه وقمصان نوم اثنين اتوقع كافي عندج انور والطاهر او مجمع السندس وجذي تكونين خلصتي تجهيزات المستشفى تسوين جاي وقهوة وتطلبين عصير وكان الله غفور رحيم تجهيزاتج للنفاس لازم دوا النفاس من لهوم وحسو ووو ... ويبيلج بجامات دافيه ودلاغات وحاولي تدورين البجامات المفتوحة من جدام عشان ترضعين ولدج ولا بنتج وبعد اغراض عنايتج الشخصيه كريماتج كلها جهزيها معاج نيي حق اغراض البيبي يبيلج افروولات وداخلي هذول تلقينهم بمذركير ... نكست ... سنتر بوينت ويبيلج كبابيس وادسوس ويبيلج مهادات ولفات ... تلقينهم بمجمع عيد النصار بالمباركية فوط حق السباحة وفوط صغار للويه وفوط حق تغيير الحفاظات هم من مذركير وعندج اغراض البيبي من مشط وبودر وكلنكس رطب و حفاضات وشامبو وشور جل و مقص اظافر وشفاطة خشم ودبابيس اللي تنمسك فيهم اللفه ومصاصه ... كلهم تلقينهم بالجمعية ويبيلج مميات انا استخدم د.براون موجودين بمحل بروي منقول عشان نستفيد
(((شوفي عمري قبل لا تشترين اي شي بنصحج نصيحه انا ام لست يهال وعندي خبره طيعيني لا تكودين هدوم بيبي وايد واخذي شي بسيط دافي وناعم لان النونو يكبر بسرعه وتظل الهدوم منظر اخذي اللي نفسج فيه بس اخذي مقاس نيو بورن 6 حبات والباجي من 3 الي 6 اوكي وعن الاماكن التجهيز احلي شي هدوم سنتر بوينت خصوصا سنتر بوينت اللي يم مجمع الاوقاف روعه والصبح هادي مافي ناس وايد ووايد مرتب انزين خذيله 4 تبانات اللي مع كبوسهم ومهادهم و2 التبان اللي من غير ريول يكون مفتوح انتي تلبسينه دلاغ اكو بسنتر بوينت دوري تلقينهم صغار يهبلون وهم نقي معاهم كبوس ومهاد وخذي 3 بجامات واخذي 3 شلات شوفيهم بسنتر بوينت واحد احلا من الثاني ويكون مقاسهم نيو بورن وهم اخذي ملابس داخليه نفس المقاس اخذي تقريبا 6 دخلي شوي البيبي يستهلك داخلي اوكي واخذي الباجي من 3لي 6 اي شي يشوقج تبانات نفانيف القطن البجامات هم اخذي مشط وبودر وكريم للبيبي واخذي فرشه مع جنطتها بالحجم اللي يعجبج مثلا وحده كبيره ووحده وسط للطلعات الخفيفه اخذي 4 امهادات وخذي 4 مميات صغار مع حلم بيقون مقاس سمول تري كل اللي قتلجيياه موجود بسنتر بوينت وانا صراحه عن نفسي مارحت مني ومني سنتر بوينت فيه كل اللي تبينه وحلو وغسل ولبس عرفتي وهم رحي مذركير شوفي هم عندهم اشياء حلوه بس مانصحج تكودين منهم هدومهم تدولع وقت الغسل ملابس سنتر بوينت كد ومد اوكي والاستقبال سواء بالمستشفي او البيت روحي محل الكاروكه اللي بالسالميه وربي بنت خالي مسويه كفر وفرشه بيبي رووووووووووعه ومعطيتهم سرير ولدها القبلي ملبسينه لها بس شي عجيب والله مثل مااقولج وحقج دراريع حلوه اممممممممممم من انور والطاهر عموما مجمع النقره الشمالي تلقين فيه حقج شحلاتهم والله وزهبي لبيبي اعشاب عباره عن ينسون وحبه حلوه وسكر نبات وتلقين عند الحواي خلطه اعشاب لبيبي عباره عن ينسون وكراويه وحبه حلوه كلهم مخلوطين مع بعض هم وايد زين اما اعشاب النفاس اللي هي حقج هذا تخصص امي مالي وايد بهالسالفه يمكن الخوات يفدونج اكثر مني والكاكاو اخذيه من كيك اندبيك عندهم ستاندات حلوه وايييييد هذاك اليوم شفتهم زوغه وهم باتشي وكاكاو لاكادو اللي ببنيد القار هم روعه وفيه حبيبتي بالمنتدي مول وحده تسويلج ككاو وماي لقاح وشكر ملون علي اشكال روعه بنت خالي طالبتهم من النت من المنتدي نفسه وهم الموالح الصغيره حق التقديم مع الجاي عندج امير الامراء اللي بحولي عنده موالح صغار متعديش اشكال ولذيذ وغريب وبعددددددد هههههههههه اخاف نسيت شي اممممممممممم زهبي جنطه المستشفي حطيلج 4 دراريع وداخلي ومشط ومعجون وشامبو وشباصات وملافع اذا كنت متحجبه وفوطه وحطي لبيبي اربع تبانات وملحقاتهم مع مهداتهم و2كبوس وفرشه وان شالله ربي يسهل عليج ولادتج وتبشرينا يارب وان شالله اكون ماقصرت معاج ياعمري))) <------ هالكلام منقوووول اتوقع هالشغلات المهمه اللي نحتاجها ... نقلت هالشغلات عشان نستفيد .. تدرون توني اول طفل يعني مييييح مافي خبره ... خلووونا نفيد بعض
احم احم اليوم كله نقل حطي خمس بدلات حق الياهل شامل المهاد و الاندروين و التبان و كبوس و دس حق الايد وكمبل خفيف هذا اللي يحتاجه بس لأن كل شي متوفر عندهم وانتي ديودرنت -شامبو- معجون - فرشه - استشوار - لفه اذا متحجبه - بجامتين نوم يستحسن يكونون نفانيف اسهلج - وبجامه حق الصبح تكون حلوه وناعمه اذا اي احد الصبح مر عليج و بجامه استقبال اذا بتسوين استقبال - دلاقات - صراويل داخليه اللي لبسه وينقطون من مذركير - ستيانات رضاعه + كلنكس معقم حق الصدر اذا بترضعين + القطن ملوت الصدر حق الحليب - بنطلون قطن او ليقنز حق البروده - اخذي مره بعد علشان تلهمينهم عالريج و اهم اهم اهم شي اخذيلج كورسيه او ربطه حق البطن علشان ثاني يوم تلفين بطنج لوازم البيبي والولاده أولا: التجهيزات الثقيلة والأجهزة: 1) سرير لغرفة النوم 2) عربانة البيبي (مكونة من عربانة ومقعد سيارة). 3) سلة الحمل الصغيرة للبيبي بداية الولادة Curry cot. 4) بانيو للاستحمام. 5) طبق لغسيل الملابس 6) مغرافة أو إبريق لسكب المياه أثناء الاستحمام – Plastic Bowel 7) شنطة البيبي. 8) شنطة فيها مقراضة أظافر/مبرد/ مشط/شفاطة الأنف/مقص صغير/ مقياس حرارة.... 9) غلاية للمياه خاصة لغلي مياه البيبي أوركوة خاصة بالبيبي فقط من استليس ستيل. 10) مطارة لحفظ المياه الحار. 11) سخانة المياه للسيارة Car Warmer 12) Baby monitor الجهاز اللاسلكي لسماع البيبي 13) سخانة للحليب والطعام 14) مقسم للحليب البلاستك فيه كذا طبقة للرضعة الواحدة. 15) فرشاة كبيرة خاصة لتنظيف الرضعات. 16) فراشة صغيرة لتنظيف الحلمات. 17) أسفنجه طبية لمسح جسم البيبي Teardrop Baby Sponge فيها زاوية مدببة 18) أسفنجة طبية لوضع البيبي عليها أثناء تحميمه. 19) رضعات (مميات) نوع Unti-Colic مضاد المغص والغازات: أ- واحدة بلاستك مقاس 0-4 OZ = 0-120 ب- واحدة مقاس 0-8 OZ = 0-240 20) حلمات زيادة للرضعات للتغيير كل فترة مقاس Medium/Large. 21) مصاصة (لهاية) 3-4 Dental/Cherry 22) علبة حفظ اللهاية 23) ستاند بلاستك لوضع الرضعات النظيفة حتى تنشف بعيد عن ستاند مواعين البيت. 24) ملقط كبير بلاستك خاص لمسك الرضعات والحلمات وهي حارة دون لمسها. 25) غطاء للرأس لحماية العين عند الاستحمام ثالثا: أغراض الجمعية والعناية بالجسم: 1) صابون سائل لغسل زجاجات الرضاعة Bottle nipple & vegetable- Pigeon 2) مياه معقمة – Babywater 3) ينسون 4) كحول لتنظيف سرة البيبي في الأيام الأولى (الصيدلية). 5) دهانات للإلتهابات 6) بامبرز. 7) شامبو/ صابون/ شور جل/ كريم/ كلونيا/ Baby oil/ قطن أذن/ قطن مدور كبير لتنظيف البيبي/ مناديل رطبة للتغيير Babywipes/ بودرة ثلج. 8) حليب البيبي _ سؤال الدكتور عنه. رابعا: أغراض النفاس للأم: 1) قطن للصدر لحماية من اتساخ الملابس من الحليب. 2) ستيانات للرضاعة مفتوحة من الأمام. 3) كريم للصدر لمنع التشققات الحلمة. 4) ملابس داخلية. 5) جرابات. 6) قمصان نوم وبيجامات (أفضل) تكون مريحة وعملية للرضاعة 7) كوتكس كبير. 8) حزام لشد البطن. 9) ربطات للشعر الجديدة (2،3) رابعا: أغراض النفاس للأم: 1) قطن للصدر لحماية من اتساخ الملابس من الحليب. 2) ستيانات للرضاعة مفتوحة من الأمام. 3) كريم للصدر لمنع التشققات الحلمة. 4) ملابس داخلية. 5) جرابات. 6) قمصان نوم وبيجامات (أفضل) تكون مريحة وعملية للرضاعة 7) كوتكس كبير. 8) حزام لشد البطن. 9) ربطات للشعر الجديدة (2،3) ----------------------------------------------------------------------------------------- خامسا: لتجهيز غرفة البيبي (اختياري): 1) لمبة صغيرة خاصة بسرير البيبي تركب عليها إضاءة خافتة. 2) الألعاب التي تعلق فوق سرير البيبي. 3) التريات الخاصة بأشكال غرف البيبي (لتحل مكان اللمبات العادية في الغرفة). 4) سجادة عليها أشكال لغرف الأطفال. 5) ستارة عليها أشكال لغرف الأطفال. 6) **الة مخصوص لغرفة البيبي. 7) لوح وتعليقات للحائط لتغيير شكل الغرفة. 8) العلبة الخاصة بأغراض البيبي بكون فيها كذا درج 9) شراشف قطن خفيفة خام فنيلة كثير لتغييرهم عند الإتساخ دون الحاجة لتغيير اللحاف والكفر. 10) كفر كامل مع مخدته وأغراض لسرير البيبي. -------------------------------------------------------------------------------------------------------- سادسا: حقيبة المستشفى (الولادة): 1) 3 قمصان نوم 0منهم واحد يصلح إذا حضر ضيوف مع حجاب (للمحجبات). 2) شحاطة (شبشب). 3) ملابس داخلية كاملة. 4) ستيانات الرضاعة. 5) كوتكس. 6) جرابات. 7) أغراض العناية الشخصية أحجام صغيرة (شامبو/ كريم/ ديوديرانت/ ليفة/ شاور جل/ فرشاة أسنان/ معجون). 8) الموبايل والشاحن. 9) كتيب للأدعية الولادة. 10) الأوراق الرسمية (البطاقة المدنية/ بطاقة الزوج المدنية/ عقد الزواج) 11) كاميرا فيديو/ وعادي. 12) ربطة شعر. 13) عطر. 14) شنطة مكياج صغيرة. 15) طقم للخروج من المستشفى ( ويفضل يكون من ملابس الحمل اللي كنتوا تلبسوها لأن البطن بتكون لسة كبيرة). 16) أغراض للبيبي (3 بجامات بربتوز/ صدارية/ كفوف/ جرابات/ مهادا/ كفر / Currycot). 17) طقم للبيبي حلو.
يااعمري مشكووووره انا 22/7 دشيت السااابع يااقلبي واليووم ان شااء الله برووح اميره بهبهاني بس بشوووف سوناارهااا بشووف شنوو فيني بنت ولا ولد وواتطمن على البيبي
الف الف الف مبروك قولي امين ان شالله تشوفينها بحضنج وتفرحين فيها وتكبر وتكبر وتكبر ليما تشوفينا عروس وتشوفين عيال عيال عيالها ربي يتمم عليج ياقلبي
مبرووووك شوشوه والله يخليها لج ويجعلها من الصالحين يا حلات البنوتات منوووووره بالسابع وتوج بتشوفين ولد ولا بنت؟؟؟؟ انا من اول شهر واحوس ودي اعرف عشان اشتري اللي يعجبني ... يلا لما تعرفين قوليلنا ... وبعدين العيادات اعتقد ما تسكر كله مبطله بس مو متاكده
قووه شلونكم يا حلوات اهاااات انتي مثلي وناسه لول انا اليوم دشيت السابع انزين طمنينا عليج رحتي الطبيب شنو قالج؟؟
هلا ريان الله يتمم علينا وعالكل ان شاالله حطولي مغذي وبس؟؟ ناطره موعدي عشان اسوي تحاليل وفحوصات والله كريم بس الحمدالله هاليام انا احسن تعالي متى موع ولادتج؟؟انتي معاي صح خخخخ
اهاات يالله الله يقومج بالسلامه انا قالولي موعد ولادتي 30 اكتوبر اكون كملت 9 شهور ضبط مثلج صح لوووووول وناسه عاد بلغيني اذا ولدتي قبلي وانا اذا ولدت راح اقولج ان شالله نولد بنفس اليوم
هلا حبيبتي ان شالله نولد بيوم واحد ههههههههههههه انا من تكون فلوس الولاده زاهبه وحياتج ركض اول طلق صناعي خخخخخخخخ
اهااات ليش طلق صناعي انا جربته مو شي النطره وكل شوي يحطون لج تحميله تعور تشلع القلب خلى كل شي طبيعي احسن انا باجر لازم اروح طبيب ليوم كله ترجيع مو طبيعي وفيني حراره وويهي طالعه فيه احبوب حمر الله يستر مادري شفيني تعبانه حدي
