السلام عليكم و رحمة الله و بركاته ذاك اليوم خالتي تسولف عن الرياييل اللي مايضمر فيهم الخير و قالت هالعبارة اللي بالعنوان ( عطته عينها عايرها يالعورة) واااااااااااي صج اثرت فيني احس كسرت خاطري انا ادري انه مثل بس في رياييل ما يبين فيهم المعروف و منكر حسنة تلاقين بنت الناس معطيته دم قلبها وبلحظة ينسى كل هذا لا ويعايرها انتو شرايكم هل هذا طبع بالرياييل كلهم ووقت الصجية يتخلى عنج و لا ناس وناس؟ ومنهم نوع ثاني اللي بس يعاير و يطالع سلبيات زوجته و ينسى الاشياء الزينةيعني مثلا اذا كل يوم البيت مرتب و نظيف و مبخر و يوم تعبت و مانظفت تلاقينه انتي مهملة ومن هالكلام اللي يحبط و يسد النفس حتى بشكلها مايراعي اذا كان عليها الدورة او حامل او تعبانةانتي شرايج؟ اي انتي انتي لا اطالعين وراج انتي اكلمج لا تتصددين ردي يلا!
والله مو كل الرياييل جذي فيي بعضهم يعطون المره اعيونهم ومايبين فيها وفي بعضهم مثل اللي قلتي عنهم لو اتحطه المره فوق راسها وتمشي ماكو فايده بس الحمدالله لازم نرضى بنصيبنا مافي انسان خالي من العيوب ومشكوره على موضوعج الحلو
كاني رديت فشلتيني تناديني جدام الناس ههههههههههههه شوفي يامحفوظة السلامه انا اتوقه ان المرأه يطلع منها هالشي اما الرجال لاااااااااااااااا والف لا لاني مجربه صراحه لاني اذا زعلني مااتذكر الا الاشياء السيئه ما اتذكر الشي الزين بس اهو لا حرام مراااااااااااااااااااات يغثني على سالفة البيت والحوسه بس ناااااااااااادر وشكرا على هالموضوع ياالله اللي بعدي
واي ذكرتيني بمسلسل ياسمين بس انها عطت عينها لولدها وفعلا ناداها يالعورة عاد مو ضوعج ومانرد اتوقع ماانقدر دايم مميزة تبين الصج اغلبهم جذي بس مو كلهم الا ماقل مشكورة كيييييكة ضحكتيني
والله اختي شوفي اصابعج موسوى وفي رياجييل مايبين في عينهم ويعايرون وفي بعضه حنون ويقدر ويساعد بعد الله يهديهم ويسخرهم لنا ياارب
لا والله يالغاليه مو كلهم لاتجمعين في منهم الزين وفي منهم الشين وطبعااا هذا الطبع الحريم اكثر بس تزعل تتذكر كل شي شين والزين تنساااه >>>> هذي انا اذا زعلت ما اتذكر ال اخطائة يسلموو علي الموضوع وهذاا المثل كانت تقوله جدتي الله يرحمهاااا
الله يرحمها مشكورين حبايبي على الردود في تباين في وجهات النظر (اموت على الثقافة) اعتقد انه الريال يسكت عن عيوبج و يتغاضى عن المشاكل الصغيرة بس فجاة تلاقينه حط على راسج مرة واذا كلمتيه طلع عيوب الدنيا فيج اثاريه كاتم بقلبه طول الوقت و لا يقول احس احنا غير بكلمة اسف ننسى كل اللي صاار بس اهم نفس البعارين ماينسون(خوش مثال خخخخخخ) وطبعا انا ريلي حبيبي استثناء من هالقاعدة مو مثلهم كلش.. بتشيش الحريم على رياييلهم و تنحاش !!!!!!!!!!!!! علوي لو مو شايفة ردج جان طلعتلج من الشاشة و خنقتج (حتى انا حبي دموي مو بس انتي) فديتج يالغالية
تلاهي ياوخيتي تلاهي!! صارلي 4ايام عند اهلي حطيت الموضوع ورحت عشان جذي لا حسو لاخر عساكم ما تفقدون غالي
