هل عندك (عسر هضم غثة حموضه قولون غازات ضعف شهيه هنا العلاج باذن الله)

السلام عليكم....



اذا كنت تشتكين من :

حموضة بالمعدة ,, عسر هضم وبالذات لمن تأكلين أكلة دسمة بوقت متأخر,,
قولون عصبي أو مضطرب
مرة أكرمكم الله امساك ومرة اسهال,,
غازات وبالذات لمن تأكلين بعض الأكلات مثل الملفوف أو الفاصوليا
والفول والبرغل (أنواع الكبة والتبولة) فتحسين بعسر هضم وكتمة بالنفس وتتكرعين كثير (التجشؤ)
اللي البعض يسميه (تترغين تراغ ),,
ضعف شهية ,,غثة وهي اللي تخليكي تحسين أنك شبعانة رغم
أنك ما كليتي لافطور ولا غدا بس الهواء مالي معدتك ,,
غازات مستمرة فتعيدين الوضوء أكثر من مرررة,,
كبر حجم البطن لأنتفاخات المعدة والقولون ...

كل هذه الشكاوى حلها بسيط وسهل ورخيص وسريع جدا,,

بشرط مهم :

أولا تعملين التحاليل اللازمة عند الطبيبة حتى تستبعد الأمراض- لاسمح الله - المستعصية ...

وأنك ما تكونين حامل ولا عليكي الدورة الشهرية والعمر فوق 15 سنة ,,,

العلالالالالالالالالاج هو :

لمدة 3 أيام متتالية يوم بعد يوم (يوم أي ويوم لا ) وقبل النوم وبعد عشاء يكون خفيف خبز ونواشف أو خبزمع خضار مسلوقة (مرق أو ايدام),,,,

الليلة الأولى:
بعد العشاء الخفيف تاخذين كسرة حلتيتة (الحلتيت ) حجمها قد حبة الحمص
الحلتيتة اليابسة وقاسية مو الرطبة اللي مثل العجينة ,, وتكسرينها كسر صغيرة
وتغلفينها بتمر وتبلعين الكسر مثل بلعك لأي حبة بنادول مثلا...وتحطين عند راسك جيك ماء
وكل ما عطشتي تشربين نص كاس ماء وتنامين والماء عند راسك........

الليلة الثانية:
لاتستخدمينها تعشي عادي ونامي بدونها....


الليلة اللي بعدها:
أبلعي نفس الكمية ونفس الطريقة....

الليلة اللي بعدها:

لا تستخدمينها....

الليلة الثالثة للاستخدام الثالث و الأخير:

نفس الكمية والطريقة,,,,


وبعد شهر تقريبا أو شهرين:
اذا رجعت الأعراض للقولون العصبي تعيدين ثلاث مرات بنفس الكمية والطريقة...
أما الغثة وعسر الهضم وبقية الشكاوى والغازات,, عادة سنة كاملة الى 3 سنين ما ترجع بإذن الله...

والله هو الشافي....

ولا تنسون استخدام الرقية الشرعية...والدعاء والصدقة ...


وأدعو لي...​

مشكورة وما قصرتي . . .

ان شاء الله بنجربها . . .

مشكوره الموضوع وا يد مفيد شكرا

يعطيك العافيه ياقلبي
الله يوووفقك

عساك عالقوة ماقصرتي>>>>تصدقين قالت لي وحدة زي كلامك بالحلتيتة بس انصحتني خلال العلاج مايكون عندي مناسبة او طلعة عشان ريحة الحلتيتة الصرعة
ذكرتيني فيها الله يجزاك الخير وبجربها مادام اني بإجازة

اول مشكووووووووووره وما قصرتي بس مره جربتها وحسيت بمغص مو طبيعي كان سكاكين في بطني من وجهة نظرج اختي شنو الحل والله الكثير نصحني فيها بس مو قادره

مشكوووووووووووره جاري التطبيق0000000000
بس ياربي انا احس ان نظام حياتنا كله غلط بغلط مافي حركه ومافي نشاط مو شرط يكون من الاكل
بس شورانا نجرب
يسلمووووووو

هلا فيكم خواتي ويسعدني مروركم العطر.......بصراحه انا ماجربتها الموضوع عجبني ونقلته لكم وشريت حلتيته وانشاءالله بجربها لاني سألت امي وامدحت فيها بس الله يعينكم على الريحه ............وموفقين

موفقه والله يفتح عليج دنيا واخره

خوش نصايح اختي موفقة

حياكم الله

شكرااااا اختي

نورتي اسرار الغلا

يعطيج العافيهـ ,,,

المشكله الحلتيته ريحتها تصرع ع بعد كيلو شلون تجيني نفس ابلعها

مشكورة قلب وتسلم الايادي

خل اقول حق عمتي وأبوي

حرام ماخلوا شي ما جربوه

يعطيج العافية

الله يعافيج حبيبتي