مشكورين خواتي وحدة وحدة مشكورين على دعواتكم لي .. انا فاهمة كل اللي قلتوه بس كنت محتاجة اسمع من احد هالكلام محتاجة تشجيعكم ودعواتكم ماتتصورون نفسيتي بس الحمدلله قاعدة التزم بصلاتي وادعي ربي انا متابعة كل كلمة تكتبونها .. (وعلى قولة ام عبدالله لومصبحج زوجج بطراقات كان تعدلتي القهر تدرين وين انج ماذكرتي الله ولا استغفرتي) بالعكس اختي اللي خلاني افكر اهده وابعد عنه طيبة ريلي وخوفي من الله انه يعاقبني بزوجي لو كان العكس لو كان زوجي جاسي يمكن استمريت معاه وانا كل يوم استغفر ربي وادعي .. مشكورة ام كانا .. مشكورة waha.. مشكورة غلا دبي .. مشكورة q8-3soola.. مشكورين خواتي كلكم ..
اعذريني اختي يمكن كان كلامي قاسي عليج بس والله ابي مصلحتج والله قهر اللي سويتيه المهم صلاتج لاتخلينها وصومي لوجه الرحمن ونسي اللي فات بس لاتنسين التوبه مو بس انت عليج توبه كلنا يبيلنا توبه اللهم اغفر لنا واصلح امرنا انك سميع الدعاء
حبيبت قلبي انتى انا اقلج ماقصرو الاخوات عليج بس بقلج شيء ماقالو لج انتى صدقينى ربي يحبج تعرفين ليش لانه اراد لكي الخير واراد لكى ان ترجعي لعقلك وتلحقي على نفسك ولم يفضحك طول هاى المدة صدقينى بمنتديات الاخرى كانت تصلني مشاكل اسوء من ذالك بكثير ونتيجتها لاتحمد عقباها ولهذا اقل لكي لعله اختبار لكى من الله وان شاء الله نجحتى فيه وحاولي ترجعي لزوجك وانتى اتقربي منه اكثر واكثر دلعيه مثل الطفل يكون عبد لكى وعلى هواكي وانا حاضر لكي باى مساعدة قلبي اللهم تقبل توبتها واشرح صدرها بنورك العظيم واجعلها قرة عين لزوجها وابنائها
انا حاسة فيج بس حبيبتي انتي كبيرة وعقلج براسج لا تخلين المشاعر الخداعه تلعب عليج .... صدقيني مافي شي اسمه حب بهالزمن ,,, الزواج امان واستقرار وعاطفة حقيقية مو حلوة تصيرين بنظر نفسج وبنظر الناس الثانية خاينه
لاحول ولا قوة الا بالله ... الذنب اللي سويتيه عظيم جدا بل من الكبائر.. يا أختي اذا بنيتج تتوبين صج!! أول شي اتسوينه انج تندمين على فعلتج ثم تستغفرين وتوعدين نفسج انج ماترتكبين هذا الغلط مرة ثانية ابد.. الله سبحانه غفار عظيم يغفر الذنوب جميعا الا الشرك ... لكن مثل ماقلت لج مافي توبة بدون ندم خلي الله بين عيونج دايم .. وخلي زوجج وعيالج بعد بين عيونج ..لا تسببين لهم فضيحة وتنزلين روسهم بالقاع.. انسي اي حب غير حب زوجج ,,,بينج وبينه عقد سماوي من رب العالمين صونيه وحافظي عليه.. اليوم الله ستر لكن باجر الله العالم شيصير
اول شي الحمدلله انج عرفتي غلطج وتبتي ماباجي شي على رمضان خلي رمضان فرصه لتقويتة علاقتج بربج ادعي الله يسخرلج لزوجج ويسخره لج ويحببكم ببعض وماتشوفين غيره ووتووووبي الى الله الشيطان اهو اللي محليلج الحرام صدقيني ورفيجج من كثر مايخربط والله العالم جم نايم مع وحده قبلج وعارف لهالسوالف تشوفين انه احسن من زوجج بشسمه خافي الله حبيبتي هذا زناااا تعرفين شنو يعني زنا من الكبائر والعياذ بالله فكري بعيالج لي باجر كبروا و دروا باللي سويتيه ريلج امج اهلج شنو راح تكون نظرتهم لج احمدي ربج ان الله ستر عليج وعدي الموضوع على خير غيري رقمج انتي لو ماتحبين ريلج جان ماقلتي انه اذا صار بينكم شي بتموتين من القهر !! الله يهديج ويثبتج ويبعد عنكم عيال الحرام ويسخرج لزوجج يآآرب
ابلة زمن ماتتصورين شلون ريحتني كلمتج انج حاسة فيني انا محتاجة احد يحس فيني ويتكلم من هالمنطلق مشكورة على كلامج .. مشكورين خواتي .. الخاشعة للرحمن بنت عاقلة سرابي88 نونو86 والله ان زوجي اهوا اللي خلاني انتبه للذنب اللي سويته كل موقف يعاملني فيه باحترام احقد على نفسي طيبته اللي شجعتني .. اللهم الصبر الهداية ..
حبـيتبي الله يستر عليج ويهديج ويصلحج ! بس بقولج شغله شنو موقفج لو زوجج قرى الموضوع اللي أنتي كاتبته سواء من باب الصدفه أو باب الترصد ! شنو موقفج ؟ حبيبتي شلون تخونين زوجج أبو عيـالج عشان واحد نذل شوفي شنو سوى فيج لا وانتي راضيه اتركيـــــــــــــــــــــــــــــــــــــــــــــــــــــــــــــــــــــــــــــــــــه شالفساد اللي قاعد يصير ؟ شنو موقفج وانتي زنيتي وانتي على ذمة رجال ؟ وعندج عيال ؟ ترضين زوجج يسوي الاشياء اللي انتي سويتيها انا ماراح اتكلم أنتي أكبر مني وأفهم مني لكن الحلو بالموضوع أنج حسيتي بغلطتج أرجعي لعقلج وحياتج الطبيعية وزوجج المسكين و عوضيــــــه عن كل الاغلاط اللي سويتيها عوضيه تراه يستاهل المسكين وخلي توبتج صالحه وصادقه والله يوفقج ويستر عليج ويفرحج بحياتج وعيالج وزوجج
حياتي الله يسامحج انشالله بس عفيه لاتعيديت هالغلطه والله اني حاسه فيج بس لازم انج تسمعبن هالكلام من خواتج الي بالمنتدى وكلامهم عين العقل كل الي عليج رجعي لربج وانا اكتب دمعتي نزلت حسيت انج صج ضايعه يارب ياكريم يفرج همج وتكونين الام المثاليه الي زوجها وعيالها يفتخرون فيها
اختى اهم شى انج حاسه بالغلط الفظيع اللى ارتكبتيه فى حقج وحق زوجج واعيالج وحق ربج بالاول واهم مافى التوبه انها تكون صادقه لله ولا رجعه فيها والصدق والعزم على عدم الرجعه بالامور اللى حصلت وكثرت الاستغفار والصلاة فى اخر الليل مع الدعاء والبكى عسى يغفرلج يارب ولاتنيسن تاخذيلج عمرة اطهر قلبج وان شالله انها فاتحت خير يـــــــــــــــــــــــــــارب
نسيتي عيالج باجر لي انفضحتي راح يتعايرون فيج طول عمرهم واذا عندج بنات منو راح يتزوجهم واذا عندج صبيان من راح يزوجهم منو يعطي بنته ولا ولده حق عيال زانية ... نصيحة توبي إلي الله توبة نصوحة وفكري بعيالج قبل لا تفكرين بواناستج .. احمدي ربج على الستر وغيري رقمج مهما كلفج الأمر قولي حق زوجج اي عذر لأنه هذا الحبل بينج وبين ابليس اللي تعرفينه
السلام عليكم ورحمة الله وبركاته البنات قالو كل شي وما قصروا في بعضهم أعتبر نفسه أمج وقسى عليج والبعض الثاني صار مثل الاخت اللي تخاف على أختها وهين راح أقول أن (أمة محمد عليه السلام تمرض ولا تموت) أنا أستانست من ردودكم وأنفعالاتكم وخوفكم عليه ربي يستر عليها بس اللي ما ركزنا علي أن الحب فطرة والشيطان شاطر وكل واحد فينا غلط وأستغفر لذنبه ورب العالمين يقول في الحديث القدسي "لو لم تذنبوا لذهب الله بكم، وجاء بقوم يذنبون ومعناه يستغفروه وأن الله يغفر لهم ليظهر بذلك فضله سبحانه وتعالى وآثار صفته الغفار والغفور، وهذا كما في قوله تعالى: {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ، وَأَنِيبُوا إِلَى رَبِّكُمْ وَأَسْلِمُوا لَهُ} [سورة الزمر: الآيتين مدام أختي أن الله ستر عليك والرجال ذهب لحال سبيله أحمدي ربك وأيقني برزقك والله الغفار وكرري دعاء((اللهم أني أسألك حبك وحب من يحيك وحب عمل يقربني الى حبك اللهم ما أعطيتني من حب فاجعله قوة لي فيما تحب وما زويت عني من حب فاجعله فراغ ليفيما تحب))
الوحدة اذا حبت وفارقت مصيبة على مشاعرها لكن اذا ردت حق اللي تحبه وفارقته مرة ثانية فعلى مشاعرها السلاااام .. اسفة مو قصدي الاحباط بس انا حاسة فيج الله يصبرج على اللي انتي فيه ويرد مشاعرج حق زوجج وعيالج بالسلامة ............
البنااات كفوا وفوا بس اسمحيلي على الكلام اللي بقولة .. عندج رجال يحبج وانتي خاينته صعبة ولوريلج خاينج شنوا بتسوين راح تنقهرين حراااااااااام تسوين فية كذا كل هذا حب ترى هويكذب عليج لويحبج حبيبج الاولي امكان يخليج تروحين معة بشقة ولا سوا اللي سواها فية الله ستر عليكم لو انفضحتي بتروحين فيها؟؟ اول شي راح يتركج زوجج وثاني شي راح يكرهونج ىالناااس وعيااالج ويتوقف نصيب البنات اذا عندج بنات اهلج راح يسبون اويمكن يطردونج وين بتروحين من بعدها الله ستر عليج .. مااالج الا الدعاء ولاتقولين لاي احد حتى ايمن كان لو امج استري على نفسج طلعي خط جديد وانسي رقمج وانسي اللي سويتية وحبي زوجج لاتتركينة ترى ابو عيالج الدعااااااااااااااااااااااااااااااااااااااااااااااااااااااء تقربي من الله
لاااااا حول ولا قوة الاااااا لالله العلي العظييييييييم.... ماااا عندي تعلييييييق ...... حدددددددي مصدووووومه وقلبي معورني من هالساااااالفه .....
مشكورين خواتي على كل كلمة قلتوها ومشكورين على وقفتكم معاي .. والحمدلله والشكر لله حالتي في تحسن .. يا ريت اي وحدة تقرا موضوعي تدعيلي ولها مثله انشالله ..
