السلام عليكم ورحمه الله وبركاته اخبار الحلوين انا عضووووه جديده وحبيت اناقشكم وأخذ من خبراتكم شوي وانتوووو خواتي وانشالله ماراح تبخلون علي بشي انا الله يسلمكم متزوجه لي سنه وجم شهر وماحملت ولله الحمد وطبعا بس صارلي 5 شهور رحت وسويت تحاليل انا وزوجي وقالوووو مافيكم شي ولله الحمد بس قالتلي الدكتوره عندج البويضات صغار بس مايمنع الحمل وقعدت يمكن 4 شهور وماحملت بعدها اخذت كلوميد والحمدلله نفع معاي وكبروووو البويضات واخذت الابره التفجيريه وانا الحمدلله منتضمه الدوره عندي مع الكلوميد تأخرت 3 ايام توقعت اني حامل والحمدلله على كل حال جت الدوره نصحتني رفيجتي اروووح لحرمه تعالج عشان تشوف الرحم صاد او منقلب معني ماكنت اثق بهالسوالف بس قلت خل ارووووح يمكن الله يطرح البركه بيد الحرمه واحمل بأذن الله وبنفس الوقت اتأكد بأوضاع رحمي المهم رحت قالت صاد ومرتفع مدري شلون بس هي قالت جذي ومرختي جنبي عورني قالت عادي لان الرحم صار المهم الشهر الثاني جتني الدوره وتحطمت بس الحمدلله على كل حال والدوره جت قويه تعبت منها حيييييييييييييييييييييييل ورحت للحرمه وقالت الرحم منقلب والله ماعرفنالها مره صاد ومره منقلب سوري على الاطاله بس انا مثل اختكم وطمعانه بخبرتكم احس اني ضايعه وخايفه واٍالأسأله ليش الرحم يصد لما تجي الدوره شنووو اسباب الصد والله تعبت وودي احمل تنصحوني ارد اخذ كلوميد والا واذا جتني هالشهر بعد بروووح امرخ هي قالت 3 شهور لازم مدري شنووو اسوي شرايكم تكفوووون ردوووووووو وسوري على الإطاله وشكرا .........
والله يا قلبي انا ماعندي خلفيه عن هالموضوع بس المفرووض ماتروحين لاي مره لازم مره معرووفه لانه نص الحريم نصابات مايعطوونج الكلام الصح بس انا بنصحج بوحده يمدحوونها اسمها ام محمد ساكنه بالفردوس ورقمها 24880216 رووحي لها نصيحه مني بس لازم تكون الدوره فيج يعني ثالث يوم من الدوره او رابع يوم لانها ماتكشف الا وفيج الدوره والله يرزقج ويرزقنا معااج .....
هلا اختي . . . الرحم المايل يأخر الحمل . . . أما المنقلب فهذي ما ادري شلون تصير او اول مرة اسمع فيها يمكن الاخوات يفيدونج اكثر . . . هم بعد قصر عنق الرحم يأخر الحمل . . . ومثل ما قالت اختي الملاك النائم روحي لوحدة ثقة . . . وربي يرزقج عاجل غير آجل يارب
شوفي انصحج نصيحة روحي لام فيصل الي بجابر العلي وسوي سبرجبالنت عنهااا وشوفي البنات وش كاتبين يمدحونهااا وايد واهي ممتازة وتعرف ...
الملاك النائم ام عبدالله دمثه الله يعطيكم العافيه على النصائح والردود الجميله انشالله بشووووف ام محمد الفردوس حيل يمدحونهااااا والله كريم
هلااااااا اختي قمووووووره اخذيهاااا مني وعن تجرربه عند ام محمد قالتلي نفسج رحمي صاد ومرختني من ثاني وثالث ورابع يوم الدووره هذا الكلام كان بشهر 2 وشهر 3 جتني الدوره ويأست ومارحتلهاا مع انها قالتلي اذا جتج الدوره تعاليلي شهر 4 تأخرررت علي الدوره اسبوعين وماتوقعت اني في شي وسبحان الله طلعت حامل بس اجهضت الحمدالله ع كل حال لان كان حمل ضعيف
وانا معهم وماازيد على كلامهم بس عندي ام ممدوووح بالحفر رحتلهاااا مرتين مره مرختني بس اليوم ثلاث مرااات وعطتني علاج ونزلت الدوره والحمدلله على كل حال وثاني والشهر الثاني رحت لها قالت الرحم زين وبمكانه يعني بالمختصر تقووولج الصج ولا تكذب عليج
اهلين فلونه وسارونه مشكورين على ردودكم يا احلا خوات اقولكم الشهر هذا جتني الدوره بس الحمدلله بوقتها وما عورتني نفس الشهر اللي طاف وصراحه مارحت للحرمه غاليه الله يهديها وهي قالت لأمي خل تجي بس استخرت وطنشتها ورحت عند الدكتوره امل عبدالعزيز عيادتها بالسلام كويتيه خووووووووووووووووش دكتوره صراحه تعاملها حيل راقي وتريح المريض وسوتلي سونار وعطتني كلومفين منشط والله كريم وقلتلها عن الرحم المائل والمنقلب ضحكت قالت مدري شلون تصدقون الحريم ابفهم هي شلون تمسح على بطنج وتقووووول الرحم منقلب ومائل شلون تمسك الرحم اصلا بعيد نقدتني حسيت ان الحريم ماعندهم سالفه وقالت يا امي في رحم منقلب صح بس مائل ماسمعت فيها وحتى اللي رحمهم منقلب يحملون بس لهم وضعهم الخاص واصلا حنا الدكاتره بالسونار نكتشف اذا الرحم منقلب والا لا مو بالمس حشاااااااا وانتي رحمج مافيه الا العافيه بس عندج البويضات صغار ونعطيهم منشط والله ييسر امورج صراحه ريحتني الله يوفقها وقالت اهم شي تريحين نفسيتج لان النفسيه تأثر والله كريم يرزقنا ويرزق بنات المسلمين اجمعين وهذي تجربتي مع الدكتوره امل وقلت انقلها لكم والله ييسر الامور انشالله
بس انصحكم بالاستغفار وسوره البقره شغليها كل يوم لمده شهر واقريها كل يوم شوفي النتيجه باذن الله يصير حمل بس ادعي ربج من قلبج وقبل اذان الفجر ادعي وربي يستجيب دعاج ياربي اسالي مجرب
