قوه بنات انا اول مره اشارك معاكم وانا اول مره احمل وخايفه من الولاده واراجع عند دكتور مدحت شربيني بمستشفي الراشد بس شكثر خرعوني من المستشفي وكل وحده تمدحلي مستشفي غير وانا امر بمرحله مايعلم فيها غير رب العالمين بس بنات الله يخليكم ابي دكتور او دكتوره تعتني حيل فيني وتكون شاطره مابي اتعور او اتعذب بحزت الولاده لاني حيل افكر فيها وجزاكم الله خير
حبيبتي انا بكريه ولدت شهر 3 بالراشد عند دكتور تيودور الدكتور حلو ما حسيت الا بالطلق لكن معاملة السسترات زفت والمستشفى يضيق الخلق وعموما التساهيل من الله يمكن تجيج سستر زينه
حبوووبة انا اراااجع عند دكتوورة ليلى اشكناني و بشهادة الكل الدكتوورة روعه و عيادتها فوق سنتر بوينت اللي بحولي عند دار الشفا وحدها زييتة و خياطها حلو و تصبر عالطلق هذا كلام البنات وان شالله اذا الله كتب راح تولدني ببجري بمستشفى المواساه والكل يمدحه انا وايد بعد ما مدحولي الراشد ..
نفس حالتي حدي خايفه من الولاده وتوني بالخامس ودي اولد بالهادي او الراشد بنات شرايكم بالهادي يمدحونه للبجر
مستشفى الراشد اعرف ناس واجد يذمونه عندج مستشفى طيبه عجيييييييييييييييب لا يطوفج كل شي فيه حلو ومعاملتهم حلوه ويصبرون عليج ولو شنو تسوين وتصرخين بالهم طويل
السهاله من رب العالمين والوحده لازم تحس بتعب الولاده بس مع تطور الطب في مسكنات للالم وابرة الظهر وهالسوالف فوضي امرج لله ولاتخافين توكلي على الله اكيد الله معاج وين ماكنتي اقري سورة البقره وادعيه تسهيل الولاده والله كريم
حياتي لاتخاييين من الولادة التساهيل من الله والله انا اقووول اخاف و اخاف الحين بيني و بين نفسي قاعده اقووول لو الولادة صج صج تذبح و تعور جان ولا وحده يابت 3 و 4 و 5 جان كل وحده ظلت على بيبي واحد بس التساااهيل من الله وربي يسهل عليييج و يسهل على كل الحوامل ويرزق كل محروومة آميييييييييييين ياااارب ..
حبيبتي التساهيل من ربي وأنا انصحج بالهادي انا وخواتي كلنا نولد فيه خاصة البجر يهتمون فيها حيل والكمام روعة انا جربت اكثر من مستشفى ... صراحة ما فرط بالهادي كافي انه قديم ومعروف من زمان وانصحج اولدي عند الدكتورة بهواني او اختها رشمي .
السهالات من الله انا اولد بالمصلخ العدان والحمدلله على كل حال بس الراشد دشيته مرة كنت بزور مرت حماي والدة من اول ما عرفتها وعرفتني وهي تمدح بالراشد ويوم دشيته لاعت جبدي يعني لو الولادة عندهم بدينار ما اروح قمتة وضيق ومظلم ويسد النفس واللي ولدت فيه تعذبت
حبيباتي جزاكم الله الف خير علي الردود وفعلا التساهيل من رب العالمين وربي انشالله يسهل اموركم بخير وصحه وعافيه
شوفي حبيبتي انا شهر عشره اللي طاف كنت بجر بولدي وكنت خايفه نفسج ويمكن اكثر منج بعد وكانت الولاده بالنسبه لي رعب وا رحله للمجهول بس الحمدالله كانت سهاله من رب العالمين ولدت بمستشفى الهادي عند دكتور احمد معاملتهم رووووووووووووعه والحين انشالله طبعا قولوا ماشالله انا على وشك ولاده وراح اولد انشالله بالهادي بعد بس انتي ادعي وامشي والسهالات من رب العالمين وغير الهادي ما انصحج
حياتي توكلي على الله واحتسبي الاجر وصدقيني تساهيل من الله حتى لو تولدين بالفرولنية اختي ولت بدار الشفا وسبحان الله تعسرت الولادة ماختنق الجنين والمستشفى اخلا مسؤوليته وحولوها على الصبح والحمدلله تسهلت والجنين مافي الا العافية كل شي بيد الله بس انتي على طوول اعي ان الولاة تسهل
هاي انا توني بالشهر الأول وانشاءالله ولادتي بالمواساة كلمن يمدحه خالتي وبنت خالتي دايماط ولادتهم هناك وطبعا" ما انصحج بالهادي اهوا فعلا" مستشفى وايد زين حتى اختي ولدت فيه بس ما في خصوصيه كلش حتى الدكتوره تقول يعني حزة الولاده عادي اي احد من الناس بالغلط يبطل الباب ويكون الباب امبطل وانتي تولدين اصلا" راح تحسين بتوتر وتحسين ان الكل يطالعج وانتي تولدين .. والله يعينه صج ع الولاده انا اول مره احمل اهئ اهئ مستانسه اني حامل وخايفه من الولاده انشاءالله سهالات
توني والده بالمواساه عند عادل مرسي كمامهم فظيع انصحكم فيه اخذي اي دكتور شاطر كيفج بس اولدي بالمواساه الكمام فظيع تشمين تروحين بسابع نومه الهادي مرت حماي ولدت فيه ببجرها تقول ما خدروني كنت صاحيه
الولاده سهالاااااااااااااااااااااااااااااااااات لا تحاتون و لا تخافون أنا والده قبل جم شهر بجري و الحمدلله كانت تساهيل مع اني كنت خايفه موووووووت بس ربكم سهلها و دكتورتي كانت عسسسسسسسسل و الهادي يهبببببببل للولاده بصراحه دكتورتي كانت رشمي و الله رووووعه و كمامهم عجييييييييييييييييييب نمت على طول و هم عطوني ابره من ورا خدرت جسمي عجييييييبه حدها اسمها ابرة الفخذ كل وحده تولد عندهم يعطونها هالابره و الله تخفف الالم حيييييل مع الكمام طبعآآ
الله يسهل عليج وتولدين بسلامه والله يكون بعونج على التدقر من ناحية اي مستشفى تختارينه والكل يذم فيه والمشكله ماتكون اهي حتى والده فيه :/ بس سامعه عنه انا سمعت بلاوي عن مستشفى السلام بس انا على من الي اشوفه بمراجعاتي عندهم طول فترة حملي وانا بجر وولادتي قيصريه فكنت تخدير عام ماحسيت بأي شي لاطلق ولا غيره ولادتي مبكره كانت فربج بيده كل شي والله يسهل عليج يارب
الولاده بمستشفى الراشد رووووووعه أنا ولدت عندهم مرتين ماتحسين بشي ماشاء الله والسهاله من الله والله يهون عليج وتقومين بالسلامه إن شاء الله
