السلام عليكم ابي كل وحده فيكم تقول سوالف عن خا لتها ام ريلها ان كانت زينه او شينه مواقف حلوه :teeth_smile:وشكراا
والله خالتي ماعليهااا تهبل وحبوووبه ومالها شغل فينااا شنو نسوي مانسوي عاادي عندهاااا .. بس الخااله ان كانت شينه والا حبوووبه فأحترامهاا وااااااااجب اولاا من اجل عين تكرم مدينه ثانيااا جدة عياااالي ولازم احترمهاا ومااتكلم ةعنهاا بالشينه عشاان يتعوودون هالشي ويحترموون جدتهم لانهااا تعتبر امهم بعد هي .. وثالثاا وهو الاهم اطيب فيهااا عشان يطيبوون فيني عياااالي وكما تدين تدااااااااااااااان وان ضاااع عن العبااااد مايضيع عند رب العبااااااااد ..
بالضبط علشان عين تكرم الف عين الخاله بحسبة الام لو شنو تسوي وعلشان ا**ب رضا ربي علي ثم رضا زوجي لازم اطوف..........وتسلمين يالغاليه
يووووة عسل على القلب اللة يخليها لي ياربي عاملوهم بالطيب واللة لو انها قشرة تصير عسل على القلب جامليها
عليا عاد انتي بروحج اسمله عليج عسل تبارك الرحمن والله اني اتمنالج كل خير اسلوبج راقي جدا اما انا أم زوجي خالتي اخت امي ماجربتها لي الحين ههههههه الله يستر ادعولي
الله يخليلي خالتي يارب والله انها حبيبه وما تهش ولا تنش مالها شغل بشي مسكينه على نياتها وآخر ولاده لي انفست عندها والله انها كانت حنونه مثل امي والله يخليلكم خالاتكم
والله خالتي زينه بس مافي خاله تخلا من سوالف الخالات بس الحمدلله على نياتها حيل مهما قالت تضل على نياتها...
بنات والله فتحتوا موضوع كنت اتمنى افضفض فيه ولا عندي احد افضفضله اناخالتي كانت تمثل الطيبه اول سنه زواج ولا كنت ادري ان المشاكل اللي بيني وبين زوجي بسبتها وكنت ظالمه زوجي والله عبالي اهو النجري ماكنت ادري تخيلوا بشهر العسل كانت مسافره معنا اهي وبناتها الثنتين وعيال بنتها والله حدي متضايقه حياتي كلهاخربت بسبتها كنت اذا تضايقت اخذ رايها ثاني سنه من زواجي سافرت اهي وبنانها وعيالها ومحرمهم زوجي وراح الحج عقب سنتين ونص من زواجي وحجج العائله الكريمه وللعلم انا ماحجيت وقالي انتي بعدين اوديج وكل ماقلت خل انسافر قال انشاء الله بنافر واذا قلت يلا قال يعني السفر شي اساسي والله انا السفر مو ضروري بس ودي اكون انا وزوجي بروحنا وانا لي معاه اربع اسنين عمري ماكنت معاه ابروحنا الا بطلوعتي بثنوي وحنا حراميه ليلة بفندق وعقب العزر والبجي وافق وحلفني اني ماقول لحد انا رحنا (كان قصده اهله من كلامه فهمت )والله يبنات ليله بس من صار الصبح بسرعه قعدني وقطني عند اهلي الظهر ايأذن هههههههه عشان اهله مايفقدونه
على فكره يوم سافروا ثاني سنه انا كنت عند اهلي واهو امسفر اهله واناكنت ابجي عنده ابي اروح معاهم والله ماخلاني ويقول اهلي ماله غيري مع العلم ان عندي حما اضغر من زوجي بثلاث اسنين وعمي عايش بس مايحب السفر واهم ابحياته ماسافروا الا لمن تزوجت بس الحمد لله اني عند اهلي شايفه نعمه وسافرت ورحت ،بنات انا ماكتشفتها الا بالسنه الثالثه من الزواج تخيلوا اختلفنا انا وزوجي على لبسي للعلم انا يوم اخذه ماكنت البس عبات ولمن اخذه لبستها ولبسني نقاب ورضيت بقدري دامه يرضي زوجي هجرني اربع تيام وماخلاني اروح حق اهلي يقول ماخليج تركبين معاي السيارة وهذي عباتج والله يابنات ان عباتي من وسعها تكفي ثنتين كلمت اختي الكبيرة لانها حكيمه لان الهجر اكثر من ثلاث اياه مايجوز قالت كلمي خالتج احنا ماراح انتدخل كلمتها وقعدنا انا وزوجي معاها تخيلوا شتقول اخذ مرتك وروح عشها بالمطعم لا تزاعلون نزل معب ونزلته دق علي معص ب وقال زهبي قشت بوديت لاهلج ولين اللحين ماحسيت ان اهي السبب خبالي وقعدت عن اهلي عشر ايام تخيلوا ولا دق علي احد منهم لمن شك اخوي فيني وقال انتي وين زوجك جان ابجي عنه جان ايقول له عشر ايام مادق عليج انت وعياله قلت اي تخيلو كلمه وجا خذاني وكأن شيء لم يكن وانا صبرت عشان اعيالي ،كيف عرفت ان هي السبب كنت قاعده اكلما بالتيلفون كالعادة اتطمن عليها كنت كل يوم ادق عليها قمت الفت كلام ماقلته وقالته لزوجي واحنا عند اهلة شهدني جدام امه قلت والله ماحصل قالت اخته الله ايسامها امبلا انا سامعتها قلت شلون انا كنت اتكلم بالتيلفون والتيلفون مايسمعه الا شخص واحد والله يابنات طقني طق جدام اهله وقالي انتي اتجذبين امي لكن والله لولا عمي الطيب جان الله يستر اهو اللي وخرة عني الله يعلم شنو قالتله من الحرة دقيت بسرعه على اخوي جدامه وكلمته وقلتله كل اللي صار اخوي هذا حيل حكيم ويحرجج بالحكم والجج اللي عنده وزوجي حيل ينحرج منه قالي اخوي زوجج اهو اللي متوهق لان غلطان سكري السماعه وانطري لين ايجيبج لنا واحنا انتصرف لانا لوجبناج راح يركبنا الغلط تخيلوا زوجي طلع بالحوش ودق على اخوي وتأسف وقال انا امي وامرتي ارفعوا ضغطي رد اخوي وقال النار ماتنحط عند الحطب (يعني لاتودي بنتنا عند اهلك ) وبنتنا امانه اما صونا والا ردها واحنا انصونها
بنات مع كل اللي صار اللحين عذرت زوجي لان وراه ثنتين امه واخته واللعياذ بالله من الفتن يغارون من كل شي قمت ماجيهم واجد الا بالشهر مرة وعيالي كل اسبوع اوديهم مع ابوهم بس المشكله ان زوجي عب السالفه قعد شهر ونص ماكلمني والله يابنات رحت مع اهلي العمرة والله ماقالي تروحين وتجين بالسلامه ورديت ماقال تقبل الله طاعتج ولا الحمد لله على السلامه عباله انا الغلطانه مارضا الا لمن زرنا حماي وقلتله هذي صوغه خالتي وصلها لها والله بنفس اليوم رضا زو جي لانه درى اني ما اكن الحقد بقلبي
الباحثه عن السعاده الله يعينج على مابلاج احتسبي الاجر عند ربج وادعي ان الله يسخر زوجج لج واكثري الاستغفار وعسى ربي يرزقج على قد نيتج بس نصيحه لا تخلين احد يتجرأ ويوطى لج على طرف الناس تمادوا معاج لانهم شافوج حيل طيبه وصدقيني بهالزمن مافي احد يستاهل الا مارحم ربي والله يكون بعونج
استغفر الله عيل انا خالتي مافيها شي الا الغيره مو طبيعيه تغار من لبسي من جنطتي ويبين عليها وتطنقر ما ادري ليش مع انها من فلوسي مو ماخذته منها الله يهديها ..
عسى ربى يخليها يااااااااااااااارب حبيبة الى درجة ماتوقعونها تموت فينى وانا بعد امووووووووووووت فيها عسى ربى يحفظها ياكريم ويخليها لنا حبببببببببببببيبة فديتها
