السلام عليكم شلونكم بنات عندي موضوع احب اتناقش معاكم فية وهو زواج الخليجية او العربية من رجل اوربي او امريكي اذا اعتنق الاسلام عن قناعة ومتدين ويخاف الله واخلاقه عالية اشرايكم في مثل هذي الزيجات انا بصراحة احيانا اشوفهم احسن من العربي لانهم يكونو جامعين الدين والدنيا يابنات اذا احد خطبكم منهم توافقو اعطوني رايكم بصراحة ومين شافت مثل هذي الزيجات واكون شاكرة تفاعلكم يلا اتفاعلو هذي اول مشاركة اكتبها لا تفشلوني انا عن نفسي وناسه بس مراح اوافق :teeth_smile:الله ايخليلي ابو ابنياتي بنات ابي تفاعلكم
لا تزعين مني ... زوج الاجنبي من العربية أو الخليجية خاصةً فااااااااااااااااااااااااشل ...بمعنه الكلمه ...مادري أنا أحس جذي لان لاطبعه من طبعنا ولا لبسه من لبسنا ولا حتي أخلاقه ولا لغته عربية .....أوكي.....هو أعتنق الاسلام وصار مسلم ....بس خلينا نحسبها بتفكيرنا لو مثلاً خطب بنت العوايل هل راح يعطونه ......أقل شي يسونه يسكرون الباب في وجه .......أسمحيلي هذي وجهت نظري ...
هلا اختي . . . اذا صارله فترة واهو ملتزم باسلامه وصلاته . . . عااادي ما فيها شي . . . هالاجنبي اسلم عن قناعة ودراسة وفهم . . . مو مثل ربعنا اسلام بالفطرة ولا حتى صلاة يركعونها لله . . . هالامريكان والبريطانين مطورين عنا ب350سنة . . . فما بالج لما يسلم هالشخص منهم بيقدس هالدين وعقيدته . . .
وجهة نظري عندي الخليجية تاخذ اجنبي مسلم ولا من الدول العربية لكن بنت الخليج غييييييييييير عاداتها وتقاليدها اللي تربت عليها ماتقدر تتأقلم مع طبيعة الأجنبي أو اللي مدعيين العروبة>>>اقصد العربي
هلا حياتي هي بالعكس مافيها شي والرسول عليه افضل الصلاه والتسليم قالاذا جاءكم من ترضون دينه وخلقه فزوجوه) ماقال شكله ولا جنسيته 0000 بس حنا بالخليج عندنا عادات وتقاليد متمسكين فيهااا وبالعكس نفخر بهالعادات والتقاليد مادام مافيها شي يغضب الرب سبحانه000 اما عن نفسي فانا ماراح ارضي مو لانه فيه عيب بس لانه العادات والتقاليد 0000 شاكره لج طرحج للمناقشه حياتي000
شاكره ردودكم انا مع الاخت ام عبدالله بس كما ذكرت ان عن نفسي ما اتقبل هذا الزواج لاني احب غيرت الرجل الشرقي (ماكو فايدة فينا )
شوفي الواحد لازم يقتنع بالاول لان مافي اي دولة تنصف المراة كثر الكويت واذا اهيا متنازلة عن حقها عاد شي مااشوف فية شي عادي اما اوربي مسلم هم عادي لانة مسلم بس مو حلوة مادري شوي صعبة من عادات وتقاليد وغيرها وانا اشوف اكثر الكويتيات ماخذين اجني وتتوفا الام مالهم اي حق بما انا امهم كويتية حيل صعبة
بصراحه احسها فاشله ومثل هالشياء ما دووووم يعني احنا بالنسبه لهم ببداية تطورنا واهما مطورين بزود وفوق هذا هالاجنبي تربيته تفرق بالمليون عنا وبعد لو يعتنق الاسلام راح يكون اسلامه الله بالخير نتيجة تربيته والمكان اللي فيه صعب يتأقلم معانا هذا راااايي .. ويسلمو يالغاليه
لا يا اختي العزيزة جذي احنا ما سوينا شيء اذا الحريم تزوج من براة وخلوا ولد البلد واذا ولد البلد اخذ من برة عيل تغير جنس العايلة من فوق لي تحت وبعدين احنا الحريم ننقد على الريال اذا اخذ من برة قبيلتة او ديرتة وشلون اذا اخذ وحدة كانت مسيحية او يهودية حتى لو اسلمت اصل احنا عندنا وحدة بالدوام ماخذة واحد مصري والكل يعايرها على قولتها المصري دمة شبات يمكن صح بس النتيجة ضيعت ولدة ديرتها على حساب الغريب والله يعين عيالها باشر انا ما اقول حق هل الحريم من مثل هل النوع الا مثل ما كان يقول ابوي الله يحفضة ويخلية ((عنز الفريج ما تبي الا التيس الغريب))
