.. وجعلنا من الماء كل شيء حي ..

مرحباا

يسعد صباحكم بنوتات ,, شلونكم شخباركم إن شاء الله بخير ^_^ ؟؟

أغلب المشاكل الي نواجها هي جفاف بشرتنا وأنتشار الحبوب والهالات السوداء والبقع فيها يمكن أكثرية البنات جربوا كريمات وحبوب أستفادوا منها لفترة معينة وردت رجعت بشرتهم كما هي لكن يا بنات ومثل ما أخترت عنوان موضوعي فالماء هو الحل وعن تجربة ,, صار لي يمكن أسبوع وشي هذا إذا ماكان أسبوعين أشرب ماي وايد وبالذات الصبح من أقعد من النوم وأغسل وكل شي كنت دايركت أشرب كوبين ماي وماكان غرضي أني أشربه عشان أحسن بشرتي بس كان فيني التهاب في البول " مكرم السامعين " فالحل الوحيد له عشان يروح هو الأكثار من شرب الماء وكان في شخص عزيز علي دوم ينصحي أني أشرب ماي عشان تتحسن صحتي وتعتدل بشرتي وما كنت أطاوعه والحمدلله الحين لا شعورياً أنتبهت أن بشرتي متحسنة وصايرة الحبوب تخف وااااااااايد وملمس البشرة ناعم والسبب هو الماي ..

حاولوا يا بنات تشربون ماي وايد وشوفوا بعيونكم وياريت تقولون لي النتيجة حتى أعرف إذا كان تحسن البشرة من الماي أو من الهرمونات ..

تقريباً أشرب باليوم يمكن عشرة أكواب ماي إذا مو أزيد ,, صج أني من أشرب الماي خلاص أشبع لأن تكون معدتي أمتلت ماي بس أنتظر ساعتين وبالدقيقة أروح الحمام عشان أفضي المثانة وتالي إذا حسيت أن صار مجال حق الأكل آكل ..

لا تغربلون روحكم بالكريمات والحبوب وعندكم الماي موجود هو الي يحيي خلايا البشرة وينعشها ويعوضها عن الكمية الي تفقدها من الماء وتساعد على ترطيبها وتمنع التجاعيد ..

waiting for your reply as soon as possible​

مشكورةةةةةةةةة

فعلا الماء مفيد للجسم وخاااصة على الريج الصبح . . .

نصيحة ثمينة وتجربة مشجعة للبنااات للإكثاااااااااااار من الماااي

وخصوصا في هالجو البااارد لازم نشرب ماااي . . .​

العفو حياج الله عمري ..

ومثل ما قلتي الماء مفيد وبالذات على الريج لأنه يساعد على تنظيف المعدة من السموم ..

تحياتي​

مشكوره ماقصرتي فعلآ الماء مفيد في كل شي