مرحبا بنات انا مشتركة جديدة وملجة السنة الي طافت وعرس السنة الجاية بس ماحددنا العرس علشان علي ماكمل دراستي المهم الي املج علي من نفس قبيلتي بس مو من العايلة السالفة ياطويلات العمر انة الي املج علي مايزورنا الة بالمناسبات يعني بالعيد وبرمضان بس مادري ليش حتي اهلة مايدقون علينا الي من عيد ليعيد مادري ليش اهم ودهم العرس اليوم قبل باجر بس احنا شرطنا اني اكمل دراستي عند اهلي تدرون البنت اهم شي دراستها بس سالفت انة يجينة بس بالعيد ورمضان ليش :71_71:يعني من هل هذا امر طبيعي امااااااااااااااانة ردو علي
انا بدويه مثلج ولي الشرف وعادي حبيبتي لازم يثقل الظاهر اهلج مثل اهلي يزور عادي بس لا للطلعات الخاصه انا جذيه قبل بملجتي مايزورنا الا بالعيد وبرمضان وبالايام العاديه بس شي بسيط ينعدون بالاصابع لاتتضايقين عادي يا الحلوه طولي بالج وصدقيني جذيه احسن عشان مايمل منج بس ماادري انتي تكلمينه بالتلفون او لا ؟
هلافيج حياتي سيدة الجمال لاواللة مااكلمة حنا عادي لو طلب من اهلي انة يكلمني جان عادي اهلي يرضون بس ماطلب انة يكلمني انتي علي الاقل يجيكم غير العيد ورمضان احنا مايجينة الة بس بالعيد ورمضان :sad_smile:يعني شدعوة واذا جاء برمضان قعد شوي وراح انا ودي اخواني يتعرفون علي اكثر ويكون بينة وبين اخواني تليفون بس ابد مافي منة هذة كلش زين عادي اقول لمي المفروض اخوي يدق علية ويعزمة علي عشاء ولة عيب اخوي يدق علي جاوبيني بليييييييييز
هلا عزيزتي آنا عن نفسي كنت عادي يجينا البيت واجلس معاه مع اهلي ومع الايام بروحنا وبعدين نطلع بروحنا عادي بس آنا مش بدويه لكن انا اشوف انو عادي اخوانك او حتى الوالد يبادر بالعزيمه عشان تخف رجل الولد ع البيت يمكن هو مايبي ياخذوا عنه اهلك انه خفيف او قطة وجه لازم اتحطين له اعذار والله يوفق بينكم وتمر السنه على خير وتعيشي بعدها احلى حياه
هلا اختي . . . كل بنااات المنتدى بدويااات وحضريااات فيهم البركة . . . بالنسبة لوضعج انا اقولج ليش ما يزوركم الا في المناااسبات لان ما في ميااانة يعني شخص من قبيلتكم لكن من بعيد صعبة تلاقينه يوم وترك عندكم . . . أما سالفة ان اهله ما يتصلون ليشششش بس . . . يعني ما فيها شي امه تتصل وتطمئن عليج وتزورج بين فترة وفترة وتعطيج مصروف منه لانج بذمة ولدهم . . . لكن انتي اللي اشترطتي لين تخلصين دراستج فاصبري وان شاااء الله صبرا جميلا ونهاااية سعيدة . . . وموفقة في حياااتج . . .
حبيبتي ياقلبي يا جبنه بيضه انتي بس متشوقه له لالا تقولين لامج عيب خلي هالسوالف للرياجيل مو لنا وبعدين العزيمه يبيلها مناسبه وصدقيني اهوى مشتاقلج اكثر منج بس الصبر زين واكيد اخوانج يعرفونه عدل واكيد اهوى بعد يستحي لما يقعد شوي عندكم لازم يسوي جذيه عشان ماتقولون هذا ماصدق على الله او انه خفيف وميت على بنتنا انتي ثقلي ومابقى شي ويجمعكم ان شاء الله ببيت واحد فيه البركه والحب والموده يارب خليه اهوى اللي يجي بروحه لاتطلبين منه يجيكم ثقلي وراح يصير **يديه ويركض وراج واي سؤال انا حاضره :wink_smile:
عادى حبيبتى آنا بدوية بس زوجى احضرى ... لما ملجت أهلى ماااارضو يشوفنى أو يكلمنى أو يقعد معاى عشان جذية ماكان يوطوط عند بيتنه كلشششش مع انه كان زميلى بالجامعه وشابع من شوفتى معاه بالمحاظرة بس هذى عادات وتقاليد ... وريلج اللى يسويه نوع من الثقل موأكثر ولاأقل لاتحاتين خل يشتاقلج يامعودة
شدعوووه جبنه بيضه تبينا يطيح عندكم احمدى ربج يجيكم بالمناسبااات انا اذكر زوجى كلش ما يجى خير شر بس يدق تلفون ع ابوي بس عادي طبيعي احنا بدوو وانتى المفروض عارفه هالعادات والتقاليد اصبري مردج بتمليييييييييييين منه وشي طبيعي اللى يصير @@
الله يوفقج انشالله انا داشة عرض انا حضرية بس عاداتنا تختلف عنكم بس في بدو جذي يعني انتي مو شي غريب لاتحاتين كل قبيلة وكل بيت له عاداتة واطباعة
يالبييييييييييييييييييييييه انا بدويه وريلي حضري عادي ابوي كان يخليني اطلع معاه على قولته انتي زوجته على سنة الله ورسوله بس مومعناته اكثر طلعاتي معاه زياده عن اللزوم لاااعلى فكره ماله شغل حضر بدو في بعضهم يرضون وبعضهم لا عرفتي وكلنا اهل بدو ولا حضر فديتنا انتي تكلمينه بالتلفون؟؟ولالا؟؟ لان لو بتكلمينه اكيد بيكون اقرب لج يزوركم عالاقل بين فتره وفتره يقعد معاج تتناقشون عن امور حياتكم الزوجيه المستقبليه
هلابش ام عبداللة انا قلت بدويات علشان انا بدوية وعاداتنا غير الحضر وانا وحيدة امي وماعرف ابهلشياء انا علي بالي المفروض بين فترة وفترة المفروض يجينة
يابعد عمري سيدة الجمال مشكووووووووووووووووووورة علي ردج انا اسئل الاسئلة هذي لاني وحيدة امي انا البنت الوحيدة وماعرف اذا هو المفروض يجينة ولة لا
هلا ياعمري واللة انا ماعرف انا علي بالي يعني للزم يجيي بين فترة وفترة حتي امي تقول غريبة ليش مايزور ابوج بدوانية علي فكرة ترى هو مايكلمني ولا طلب من اهلي انة يكلمني مشكوووووووووووووورة حياتي علي ردج
العفو فديتج دام ماطلب هالشي خلاص بعد شتسوين مالج غير المناسبات تشوفينه فيه او تاخذين اخباره وتوصلين سلامج له عن طريق خواته
