السلام عليكم اخواتي انا مشكلتي معقده شوي ما ادري شلون ابدي انا اول ما تزوجت كان شوي استيعابي بطيء كان احد طاقني على راسي وماشى انا يابنات باختصار تزوجت قبل ما اقروا الفحص الطبي للازواج بشوي ولما تزوجت قال لي زوجي انه فيه " التهاب الكبد الفيروسي " بس "خامل" في البدايه ما فهمت بس بعد مرور الايام احس اني عرفت خطورته شوي طلب مني اروح اطعم ورحت وسالت الدكتور وقال كل اربع سنوات تطعمين مره يعني لو نسيت شنو يبكون مصيري ... اهوا ما يحب يتكلم عن الموضوع لانه اهوا مهموم منه حيل ويحاتي .. وصرح لي ان هذا المرض والعلم عند الله ينتقل بالمعاشره الزوجيه وانا حامل الحين ... واهلي ما يدرون عن مرضه ... واحس انهم لو دروا بيصير شي ما راح يسرني احس اني مهمومه حيييييييل وقلبي ما عاد يتحمل مصايب اكثر تكفون شوروا علي ... الله يوفقكم ...
حياتي هذي قسمت ربج اللي كاتبها لج وله والله يثبت حملج ويرزقج بالولد االمعافى وخلج عون لريلج وسنده دامه مو مقصر معاج يقلبي ومالج الا تصلين وتدعين له وحق اللي ببطنج واهلج ماله داعي يدرون خلج ستر وغطى لزوجج وربي يوفقكم ويسعدكم
مشكوره على الرد يا قلبي احس قلبي يعورني وكل مره يطري على انه ليش ما قالولي قبل الزواج هموم ووساوس تطري علي لان مرضه اذا انتقل يسبب الوفاة وانا ما ودي اطلق قلبي مو ناقص هم ... بس اخاف ينتقل لي المرض او ينتقل لاهلي باي شكل... وعلى قولتج الصلاة والدعاء ... واالله يثبت قلبي ... ولج الشكر مره ثانيه
حياتي الله يصبرج ويعينج على ماابتلاج دام التطعيم مايضرج عادي وهينة كل 4 سنوات تحملي واذا تطعمتي ماينتقل المرض وماراح تنسين شي مثل هذا صح من رايي اصبري وتحملي ولاتخلين عنة لان لو فيج المرض مايتخلى عنج صح اصبري والله يفرجها لج من عندة ونتي حامل منة يعني في مولود بيربط اسمة فية لاتطلقين وتحرمينة من ابوة وهوا في امس الحاجة لة ياقلبي انا مادري شنو طبيعة المرض بس الي فهمتة اذا تطعمتي مايضرج تطعمي كل 4 سنوات واذا نسيتي انا اذكرج لاتحاتين ونشالله مايصيبنا الا ماكتبة الله لنا اذا مكتوب بينقل المرض بينقلة لو تسوين المستحيل توكلي على الله ومافي الا كل خير ونصيحة لاتقولين لهلج لانة مايبي يصغر بعينهم والرجال شاريج لاتبيعينة الله يشافية ويعافية ويخلية لج وتفرحين بمولودج يارب
تسلمين يا قلبي على الرد ... وان اشاء االله امشي على نصايحكم ... والله يقوي قلبي ادعولي بالذريه المتعافيه والذريه الصالحه .. ولكم الشكر على ردودكم ...
اختي كان فيهااا وطعمو عيالهاا وزوجهااا بس رااح منها الحمدلله وتعالجت ومنتشر هالمرض الحين بكثره الله يكافيناا شره وترى موخطر حييييييل يعني له علاااج عرفتي واصبري على زوجج وربي يأجرج في مصيبتج ويخلفكم خير منهاااا .. والله يشااافيه ويرزقج بالعيااال المتعااافين الاصحاااء ويبعد عنكم الامراااض ..
اخت رفيجتي سوت فحص مع خطيبها طلع فية وانصدم بس قالو يمكن من طليقتة انتقل لانة اهوة ما في شي الله يشافية ويعافية يارب ويحفظكم لاتتخلين عنة هذا ريلج حطي نفسج مكانة مدام مومقصر معاج بشي خلاص واخاف تقولين لاهلج يطلقونج فلا تقولين واهتمي بصحتج وتطعمي وبحثي وسالي اطبة عشان تاخذين حذرج واكيد فية له علاج والله الحافظ وانشالله توليد بسلامة وطمنينة
ترى لامعقدة ولا شيء قلبي هسه الكل اسمع منه في عائلتهم والعياذ بالله واحد مصاب بهاى المرض والكل يتعالج ثم الحرمه دائما احرص من الريال بهاى الامور انتى توكلي اول واخر على الله واخذى العلاج والابر وخليه مايسكت يحاول يتعالج منه وان شاء الله خير ترى جارتى مثلج ولله الحمد جابت لحد الان 4بنات مثل القمر يلى شدى حيلج وكافي دلع
الله يشفيج انتي وريلج انشاءالله من هالمرض ماعليه هذي قسمتج وانشاءالله في علاج لهالمرض ولا تكبيرين الامور مافي احد خالي
حبيبتي احمدي ربج ان زوجج خاف عليج وقالج طعمي يعني لومايبيج تدرين ماقالج صح حبيبتي كوني عون لزووج وهو الي بينفعج تطعيم تطعيم جداا سهلاااااااااا يعني لوتطعيم كل شهر شتسوين اعرف وحده تطعيم شهري والله راضيه وقابله والحمدالله اربع اسنين والله هينه استغفري ربج وكوني عون لزووجج وطلعيه من همه ولاتبين له انج متضايقه من هالشي بالعكس احمدي ربج انتي احسن من غيرج الله يشافيه يارب ويعافيه ويرززقكم الذريه الطيبه المعافيه يارب وويبعد عنكم الحزن والهم امين موفقه انشالله
ارضي بالمقسوم وهذا نصيبج والانسان مبتالي وصدقيني ماراح يصيبج الا اللي الا كاتبه لج عساربي يشفيكم ويرزقج بالذريه الصالحه ويجزاج خير علا صبرج لانه انسان مبتلي الله يشفيها ويرفع عنها
