امانه من سمع عن خلطة غصن البان

بنات حبايبي
سمعتوا عن خلطة غصن البان للتخسيس
قريت عنها في منتدى وفي ناس تمدحا وناس تذمها
ابي بنات للأمانة واكرر للأمانه الي مجربتها تقولنا عنها
هل ضعف شنو اثارها الجانبية
تكفون بنات الخلطة عجيبة في المنتدى الثاني كل الأعضاء يتكلمون عنها
وناس يقولون ربع اللي تبيعها هم اللي يمدحونها علشان تمشى البضاعة

تكفون اللي مجربها يقول تجربتها لنا

نبي نضعف ​

وينكم بنات محد سمع عن الخلطة

انا مثلج قريت عنها وكتبت الرقم بس خايفه اطلبها

اول مره اسمع عنها

مشكورين على التفاعل مع الموضوع وبانتظار ردود الاعضاء

انا اقولج يالغاليه استعملتها اكثر من شهر تخليج طول اليوم بالحمام اسهال اكرمكم الله بقول لكم انا اخذها من عطار الفردوس ق 3 الكل يعرفه طبعا واهي يجيبونها من السعوديه المهم علمت اختي عنها وهي ساكنه في الرياض قلت جيبي لي كميه وبصراحه تروح البطن وعجيبه بس شوفو الصدمه وزارة الصحه في السعوديه ما نعتها وقامو العاطارين يطلعونها بر السعوديه ومن جابها لنا اليمنيه المهم هذا كلام عطار في الرياض اسمه عطار البحرين الكل يعرفه مظمون وثقه انا قمت ودقيت علي الشركه اللي مكتوب رقمها علي العلبه محد يرد خير شر وهذا دليل ان فيها شي خطر

نسيت شي ممنوعه تباع في السعوديه

يا حليلهم الممنوع عندنا نصدره للسعودية

والممنوع في السعودية يصدرونه للكويت !!

تبادل ممنوعات !

دام فيها شبهه ابتعدي عنها . . .

مشكورة اختي اقوى الصبر ما قصرتي على المعلومات
الله يجزيج كل خير

مشكورة احتي ام عبدالله الله يستر علينا وحنا بعد اي شئ ما صدق كل شئ نبي نجربة بس الله يستر

مشكورة أختي علي المعلومة اللة يعطيج العافية

حبيبتي انا شريتها من وحدة في احدى المنتديات اسمها غصن البان والله انها مقصة في مقصة نصيحة لاتاخذونها خسارة فلوس على الفاضي

فعلا اختي عيوشة هذي اللي اقصدها
اقرى بالمنتدى واجد يمدحها
لدرجة ان الموضوع عدد صفحاته 224 من ردود المدح
واذا سألت برة المنتدى الكل يذم
ما ادري اهم ربعها
بس والله حرام اذا فعلا كل الردود جذب

اي ياحبيبتي هذيل يدشون المنتدى باكثر من اسم

مشكور اختي عيوشة على اهتمامك بالموضوع
والله لا يحرمنا من ردودك

هلاا قلبي انا شريتهاامن كثر ما مدحوها من وحده بالمنتدى خلطة غصن البان مع قاطع شهيه بصراحه الاعشاب طعمهاا مقبول مع اني ما احب الاعشاب وتخليج تروحين الحماام كثير بس مو بصوره كبيييييييييييييره يعني البطن يمشي كنت ماحب اطلع لان بطنج يعورج فجا تبين الحماام تكرمون مو سهاال محشومين بس على طول الحمام ونفسج على الاكل نص ونص يعني تحسين ماودج تاكلين احس صرت اشويه اشويه نفسيه ومالي خلق تقريباا عشر ايام خذيتهاا اي صج مع نظام غذائي تعطيج اياه خالي من النشويات بالعربي رجيم وخلال العشر تيام نزلت كيلو ونص بس وخليتها تولي لاني احس تعبت عليهاا لا اطلع ولا شي واكل رجيم شنو سوت الخلطه ولا شي اي بعد كثري ماي ومادري شنوو يعني الكيلو ونص اللي راحو من الرجيم والماي اللي ساد الجبد ولا ابشرج ما امداني قلت بسم الله نزلت كيلو إلا زادو دبل الدبل الله كريم وان شاء الله اضعف انا وياج مع ان اللي حوالي مو مشجعيني كاسرين فيني المختصر من تجربتي لها ما انصح فيهاا لان فلوسها خساااااااااااااااااره واذا تبينها عندي بالثلاجه ماتغلاا عليج لأنج لو تسوين شنو تقول مع الخلطه تضعفين من غيرهاا
اولا:شرب ماء دااافي ممنوع اي شي بااارد
ثانياا: ممنوع النشوياات منعاا باتاا
ثالثاا: الاكثار من الفواكه والخضروات
رابعاا : كثرة شرب المااء
بالامانه مو رجيم قااسي ^ـ^
السموحه ادري طولت بس انتي امنتي وهذي امانتج بالتوفيق ان شاء الله .

مشكورة أختي لنصيحتج

والحمد لله أني ماخذيتها

أنا اتصلت فيها صاحبت الخلطة وكانت تقولي أنها تييب العشبة مالتها من برا ومو بكل موسم تطلع

ونادرة ومادري شنو بعد

حتى فتتر راسي من كلامها...............<<<<زين ما صدقتها وشريت الخلطة

وسعرها شوي غالي بصراحة إذا الواحد بيجازف ويجرب

وكل الشكر لج أختي

انا ماسمعت عنها والبنات شكلهم مايمدحونها الي فيها شكه ابتعدي عنها

مشكورة اختي شوواقة ما قصرتي عز الله انك حفظتي الأمانة وقلتي كل شي بالتفصيل
الله يعطيج العافية

مشكورين حبايبي على الرد قطعة سكر ورمادية
شكرا على التفاعل
اسعدني مرورك

يااااااااااااااااااااويلي وأنا مسيفة رقمها......... قلت بعد العيد ان شاء الله بطلبها
تسلموووووووووووون ياحبوبات ما قصرتوا

اهلين اختي محبوبة انا بعد سيفت رقمها واتصلت عليها بس اشوة ما ردت صارت خيرة

وبعدين كتب الموضوع والبنات نوروني الحمد لله