أنا عن نفسي ماأوافق لأنه هذا غلط وكفايه إنها تقعد في بيت أهلها 40 يوم النفاس وزواره الاسبوعيه لبيت أهلها وعلى قولة الأوليين(إذا إختلفت المخاد... إختلفت المواااااااد)
لا والله انا ما اايد النوم بيت اهلي ولا احب انام عندهم لاني احب انام بفراشي وعند ريلي حتى لو فكرت انام ريلي يكون معاي ولا ما انام يعطيج الف عافيه اختي على الموضوع
لا والف لا انا استغرب من اللي ينامون عند اهاليهم ماشوف له داعي ابدا عشان يشتاق لي ومادري شنو شالحجي هذا مايدش العقل الصراحه لو بحبج بيشتاق لج وين ماتكونين ببيتج ولا بيت اهلج على قولت البنات بعدين راح يتعود موو شي جذي
عن نفسي ما اايد اللي تنام عند اهلها من غير سبب لان زوجها راح يتعود على هالشي بالعكس ما راح يشتاق لها راح يسير عنده روتين لازم كل اسبوع تنام عند اهلها
انا عني مااااااااااااااأيد النومه ابد عند الاهل وبالنسبه للريال اذا فيه الخيانه ماهمه عنده ولاعند الاهل بس للاسف شكثر اشوف حريم شايله بقشتها وعيالها حتى لو صكوا سته ونامت بالايام عندالاهل وازعاج عيالهابيت اهلها يصك الراس ويجيب الفري
انا ايد النوم عند الاهل بس في فترات متباعده يعني مو تتعودين على النوم عند اهلك يعني في السنه حسنه لاجل زوجك يشتاااااااااااق لك ولازم التغييييييييييير لان لو زوجك يحبك كل مابعتدي عنه راح يفقدك ويشتاق لك وعمره مراح يتمنى فراقك هذا رايي ومن تجربه وتسلمي عزيزتي على الموضوع
انا وجهه نظري امممم حلوه اني انام لبيت اهلي وناسه لي انا وهم ودي ما انام عشان زوجي يتعود على فراقي اما بالواقع انا من عشر سنين متزوجه كل انام بالاجازه ومجبره من عيالي يبون يسهرون مع عيال خلاتهم وخوالهم
انا بصراحه كنت انام عند اهلي بس الحين لا لأن عيالي كثروا ويسببون ازعاج عند اهلي وامي وابوي مساكين تعبوا من ازعاج عيالنا كل اسبوع عشان جذي اتفقنا انا وخواتي انا ما انام عند اهلنا
انا بصراحه انام عند اهلي وادري هذا الشي غلط خاصة اني فبيت بروحي يعني ريلي بيقعد يومين ولا ثلاثه بروحه بس شسوي يضيق خلقي فبيتي كله بروحي مع هاليهال الله يهديهم وريلي حييييل كتوم ومايسولف
انا عن نفسي اااااااااااااااااااااااااااااااااااااااااااااااااااااااااااااااااااااااااااايد وبشده بعد الزوج اللي بخربط بخربط بوجودك ولا بغيابك لاتقولين اذا رحت ياخذ راحت الحياه موكلها هالزوج انا كل خميس انام عند اهلي اناوخواتي نسهر لي الصبح مو امي الغاليه ضحك وسوالف ووناسه نقعد مع بعض نتشكي لبعض نحل مشكال بعض نقعد مع امي بدون لويه الجهال وازعاجهم تسولف لنا عن اول لما كنا صغار نسهر علي فلم مع انها ماعمرها صارت من كثر السوالف حتي اخواني يستانسون وينطرون هاليوم ويقعدون معانا والصبح نطلع مع بعض نتريق بره ولا نروح مع بعض السوق وبالليل نرد بيوتنا وبهالفتره ادق عليه تحتاجين فتره تبعدين عن زوجك تفكرين بحياتكم ومشاكلها يمكن البعد كم يوم يريحكم وتفكرين شوي مو طول الوقت ضغط نفسي ومشاكل يعني اذا مانمت هو مايسهر خميس وجمعه وبتقعدين بروحك
انا عن نفسي ما اييد الوحده اتنام بيت اهلها بعيد عن العين بعيد عن القلب كل يوم جمعه يوديني العصر وارد بليل
والله النومه عند الاهل حلوه اذا عيالج صغار وخدامتج وحده والسهره مع اختج اذا انتم نفسي احنا ثنتين بس اما البنات الواجد ما ادري بس حلوه الجمعه والسهره والسوالف بس الحين لا منزمان مانمت وامي ودها انام بس اليهال والخدامات اخاف امي تتاذى من لجتهم خاص بالعطله بطلت النومه بس ترجع الدوامات ويتعدل نوم اليهال ودي ارجع انام يوم واحد مثل الخميس وارجع الجمعه علشان السبت نتزهب للدوام اما على الريال الله يستر عليه
