قـــــــــــوة يمكن طرا في بالي هالسؤال لأن الموقف صار فيني .. باختصار بقولكم اللي صـار مرة ام زوجي طلبت مني طلب غريب .. واهو ان اييب ورد لحد من اهلهم لأن كان عرسهم بنفس اليوم .. والاغرب مافي ذلك انها تدري ماكنت بروح العرس لأن عندنا حالة وفاة !!!!!!!!!!!!! وبما ان خالتي طلباتها غريبة .. ولازم تكون (كُـن فيكـون) صراحة طفح فيني الكيل انا شكوووووووو تقوليلي .. قلت لزوجي قاللي لاتروحين انا اروح محل الورد واييب .. بس شرايج تيين معاي تقعدين بالسيارة نسلي بعض.. قتله اوكي المهم عقب ماوصلنا المحل .. نزل زوجي وانا من ذكااائي الزايد ماصدقت زوجي ينزل من السيارة جان ادز مسج حق امي اتحلطم واول مرة اتحلطم واول مرة ادز مسج .. جان اقولها ياربي اهي تدري ان عندنا حالة وفاة وتدري ان مالي شغل لا بالعرس ولااهله ليش تطلب مني انا .. ولاحسبالها سايق عندها .. اللي صار اني بالغلط حطيت رقم زوجي .. واصابعي بروحها حطت send لووووووووووووول .. لحظتها كان شعوري مادري شلون صاير علطول يالي الهام ابطل باب السيارة وانحاش لووووووووووووووول دقيقة ولا اشوف ريلي راد ووبطل الباب وصكه حيل . وطالعني بنظرة غريبة !!!!!!!!!!!! قلت خلاااص اللي بييلي اتحمله لأني استاهل .. من الخرعة جان ابجي بروحي (دموع تماسيح) . .جان اقوله والله قبل لاتتكلم وتاخذ فكرة عني افهمني واسمعني .. وقتله عن التفاصيل والطلبات اللي تطلبها مني خالتي واهو مايدري عن شي .. بس كنت حزتها ناطرة طراق منه خخخخخخخخخ بس اشوا قال ماعليه ادري نفسيتج تعبانة بس انا انصدمت قلت مو انتي اللي تسوين جذي .. بس بنفس الوقت انصدمت من امي ليش تطلب منج !!احنا عيالها شكثرنا ليش ماتقولنا؟ يعني اللي هون الموقف انه كان مصدوم من سوالف امه .. بس اضطريت اقوول عشان يعذرني ************ المهم وانتو شنو مواقفكم ؟؟ و ديرو بااااااااااااااااااااااالكم بنات لاتصير فيكم جذي مواقف .. من يومها حررررررررمت ادز مسج حق احد فيه سوالف .. لووول منـــــــــــــــــــــــــــــــــــــقول
موقف تحسد عليه صراااحه .. الحمدلله ماصاارت وياااي اذكر صار وياي كذا موقف بس سوالف عاديه ويرد لي المسج يقولي تأكدي منو دازته له عاد يشتغل كيد النساا واقووله شسوي قلبي اللي دازلك مو انا خخخخخخخخخ يسلموووو ع النقل حبوووووبه وماننحرمش من جديدج ..
امبيييييه انا دزيت مسج بالغلط حق عمتي كنت بدزه لامي عااادد المسج كاتبه فيه كلام عن يدتي وعمتي اتحلطم فيه بس كان عادي مافيه قلت ادب ودزيته لعمتي بالغلط جان تدزلكتب لي : سوري كنت بمسحه بس طرشته بالغلط لج ومن يومج هذا اهيا مابطلت الموضوع معاااي اشواااااااه
امبيه صارت فينى اشكثر عد وخربط لأنه اسم زوجى الإسم الأول بالمفضلة وأى ظغطه بالغلط عالإسم الرسالة تروووووووووووووووح .. بس أنا مسجاتى عادية ماأحش بأحد بحالى عايشه مالى شغل بحد .. ومرات أسويها بقصد أى شى بخاطرى أطرشه له على انه مسج لإختى مثلا تشتريلى شغله معينه على انه آنا ماأقدر ريلى مايرضى يودينى ومرات أقولها مخنوقه أبى اطلع أبى أشم هوا أغير جو ومن هالسوالف وهوه إفقير مصدق ويراضينى كييييد نسواااان ههههه
ههههههه انا صارت فيني بس سالفتي غير مرة توني والدة نفاس عند اهلي دزلي زوجي مسج كاتب فيه: (منورة انا مادل بيتكم)وانا مو اسمي منورة عاد لما قريته مادري اشصار قيني قمت ارجف وابي ادق عليه ماني قادرة والدموع شي عجيب واقول بقلبي انكشف الخاين كان بيدز لها ودزلي الحين شنو عذرة والله ما اصدقه لو شنو وادق عليه جان اقوله شنو هاذا المسج اللي دزيته؟!!! جان يقول مادري عن اختج دازته لي بالغلط ورديت دزيته لج ابي ابين انكم غلطانين واثاري بنتي كانت تلعب بتلفون اختي الكبيرة واسم زوجي ابو فلان من الاسماء الاولى وكانت اختي دازه المسج لرفيجتها وردت بنتي دزت المسج حق ابوها بس صج شعور الخيانه يعووور ان شالله مانحس فيه!!
واااااااي انا مرة كنت بطلع مع بنات عمتي و كااشخه حدي حدي حدي موو من صج يعني بقزززز و شاريه نفنووف حوامل اشحلاته وواعدتهم ان بنطلع نغير جو المهم يومها كان ريلي دوام ولا الاخ مزرق من الدوام و ياااي و لا يقولي الله كاشختلي لأ مش حأدر مش كده >>>>>>>>>> حرام عليييييييييييييك المهم قعد قالي ها عمري كاشخه قلتله اي البنات بمروني بنطلع حمدلله اني كاشخه قبل لا يأذن المغرب بشوي و اهوة طالع شوي و بيرد الدوام المهم عصبت حدي و لا ادز مسج حق بنت عمتي >>> واي يااربي كل ما بطلع يتسلط ياااربي مادري شمسوية بحياتي انا الله مسلطة علي اففف لا يرحم و لا يخلي رحمة ربه تنزل افف يعني ما زرق و ما حبني الا يوم اللي بطلع معاكم قطع و اتحلطم و كاتبتلها جان زيين طالع بطلعني و لا حباا فيني طالع عشان احطله اغراضه و هدومة و ............................... >>> ماخلت شي بنكيااا لووول ولا ادز المسج حق منووو حــقققققققققققققققققققققققققققققققققـــهـ لاتشوفون شصاار فيني قمت اناقز بمكاني حمدلله ان تلفونة كان عالشحن و اهوة كان يصلي المغرب ولا اروح ركضضضضضضضضضضضضضض امسحه واي الله ستر و بس باسني على راسي كسر خاطري و عطاني مصروف و قالي غيري جو وانا اللي ظالمته فديييته بو قرعه
هلا والله حبيبتي دايم منوره بمواضيعج والله صار فيني الموقف كنت بطرشه لختي ودزيته لزوجي بس الحمدالله كنت مومبين في منو اتكلم عنه وعدى الموضوع وانا كذا مره تجيني مسجات ناس تتكلم فيني ويطرشونه لي بالغلط وكنت اتجاهله والحمدالله
ايام الملكه ما كنت اكلم زوجي استحي بس بينا مسجات ومن كثر ما ارسل له خلصت مسجاتي فكتبت مسج لرفيجتي ابي مسجات حلوه بس مو جريئه برسلها لزوجي وارسلته له بالغلط ومن بعدها صارت بينا مكالمات
انا اكثر هالمواقف تصير بين ربعي يعني ابي ادزه لفلانه يروح للثانيه وعادي مافيه حش .. اكثره طلب ويمكن يخص الدوام ههههههههههههههه بس مواقفكم .. الله يستر لك تحيتي
بنات بقولكم على موقف اختي دقت عليها زميلتها بالدوام (تقول عنها مليقة) وقالتلها انا يمكن انتقل بس لاتعلمين احد ليما اشوف اشصار على النقل جان تقوم اختي تدز مسج حق رفيجتها اللي معاهم بالدوام كاتبه فيه: ابشرج فلانه بتنتقل بنفتك منها والخبر هالمرة اكيد!!!!!!!!!!!!!!!!!!!!! ودزته حق زميلتها اللي تقصدها بالمسج ههههههههههههه والله يابنات كانت عندنا وتكتب المسج لقيناها فجأة تناقز وتطفي تلفونها وتخربط بالحجي ماندري شتقول ولما فهمنا السالفه مادرينا الا فلانه يتصل بك..... وقمت انا وكلمتها وعدى الموضوع بس مو على خير!!! هاذي اخرت الحش!!
ههههههههههه خوش موضوع انا مره كنت قاعده ادز لامي الله يطول بعمرها مسج كاتبه في الاتي واااااااااي يما ذبحني لايرحم ولايخلي رحمه الله تنزل لازق فيني 24ساعه شنو ماعنده ربع يطلع معاهم لازق فيني بالبيت والطلعه والزواره وساعات تكرمين حتى بالحمام شنو مومصدق عنده مره والا بالغلط ادزه لزوجي المصون كنت انا وقتها بالمطبخ قاعده اسويله عشا والا اييني يقولي شوفي اختج ماتبي تطلع روحي معاها غيري جو وعطاني كرت البنك عشان اشتري الي بخاطري وقالي لاتكملين العشا روحي لبسي المهم دقيت على اختي ولبست وطلعنا وانا معاها بالسياره دزلي المسج والا انصدم جيكت على تلفوني والا طلعت دازته له صكت فيني الدنيا شنو اقول شنو ارقع المهم مارديت بعد ماخلصنا رجعنا البيت والا اهو يايبلي بوكيه ورد وكاتبلي سامحيني ياروحي بس ماعندي اعز منج اقضي ايام عمري معاه جان ابجي ومن يومها وانا لازقه فيه بعد قلبي مادريت هذا شعوره
