الله يهون عليج وعلينا حبيبتى امشى وايد على تراب البحر وشربى دارسين وجف مريم واكلى تمر بس قبل كل هذا تاكدى انه البيبى نازل بالحوض وضعه عدل يعنى براسه نازل وكل شى طبيعى ولاتستعيلين نطرنا 9 شهور ماننطر شهر وانا وياج بالتاسع وامخليتها على الله بس قاعده اشرب جف مريم لانه يسهل الولاده
يختي لاتقولين هالجمله ابي اولد بسرعه شلون ولا ابي ارتاح وافتك انا قلتها من دشيت التاسع ويوم راجعت قبل يومين قالي ان البيبي مالف وحطلي موعد قيصريه اهم شي تراجعين لان دكتوري قالي وضع البيبي اهم شي عند الحامل فشوفي مثل ماقالت لج اختي كنده البيبي نزل بالحوض ولا لا والله يسهل عليج وعلى ام كنده وعلى وعلى كل حامل يارب ويهون علينا
واذا البيبي نازل بالحوض انا كذا وحده قالت لي اخذ خروع مع حليب حار عشان لا احس بطعمه ولا مع عصير منجا ويحلفون ان الطلق بلش فيهم وماخذو اكثر من 4 ساعات الا اهي والده وهذا على ذمة الي قالو لي وخالتي قالت لي ان اكل تمر وايد
هلا حبيبتي امشي على تراب البحر وكثري من اكل التمر والاناناس الطبيعي من محلات العصاير عرفتيه وحده بوحده وعقب ماتاكلينه امشي بعد كثري جماع مع زوجج لان المني مال الزوج فيه ماده طلق طبيعيه سبحن الله وشربي دارسين وهالسوالف
انا جربت الزنجبيل صج وحده بوحده شربته وجاني طلق قوي ورحت للمستشفى وقالولي ولادة والحمدلله ولدت عاد انا لما دشيت التاسع ماشربت ولا شي قلت متى ما الله كتبلي راح اولد بس اني كنت امشي كل يوم ومره شتهيت الزنجبيل وشربته مو علشان اولد لاني كنت مشتهيته وسبحان الله جاب مفعوله بسرعه
هاااي حبوبة اول شي الله يهون عليج وانا صراحة كنت امشي على رمل البحر وشربي دارسين انا كان باقيلي اسبووع واخلص التاسع وكنت نفسج بس ابي اولد بأي طريقه ابي اخلص ودام كل وحده تقول انا شربت جذي وكليت جذي تدرين انا قبل لا اولد ب4 ساعات شنو كنت ماكله) كلييت باستا من باستا مانياا عاد انتي جربي يمكن تولدين لووول ,, والتسااهيل من الله سبحانة
شوفي حبيبتي انا كنت استخدم كل الأشياء اللي البنات اذكروها وماكنت أولد بسرعة بالعكس كنت آخذ اسبوعين عقب التاسع يعني الحريم مو نفس الشي وبالنسبة للدارسين والخروع لا تاخذنهم قبل تخلصين التاسع لأنها تسبب طلق والرحم مسكر وهذا كلام الدكتور وبعدين كلها اسبوعين قضيهم مشي والله يسهل عليج ان شالله
