مرحبا بناات مبارك عليكم الشهر شنو جدولكم في رمضان؟ يعني من بعد الفطور لي صلاة الفجر شلون تقسمين وقتج مع زوجج وشنو الأفكار اللي تقدرين تسوينها تخلي جو رمضان الخاص فيكم ثنينكم غييير ؟ يالله شاركووو وفيدونا بردودكم
:red_smile:وأنا أول وحدة بعد الفطور أتسبح وضبط الشاي والقهوة مع الحلو والموالح نتقهوا ونروح نصلي التراويح بعدين الكل يروح عند أشغالة وربعه وزوجي طبعا يتعشى عند ربعة يعني إذارد بليل ألبس اللبس الحلو خااص برمضان مثل دراريع قصيرة مطرزة نفانيف يعني جذي أحط الأكل وسوالف رمضان من كريمة ومحلبية وجلي وحلا وكل ما لذ وطاب وبعدين نسوي شغلنا.....((red_smile) ونصلي ونااام
وأنا اتشرف اني ارد 2 وحده ممم انا هذا 2 رمضان بيني و بينه و الرمضان اللي طاف كنا مملوجين يعني ما حسيت بطعمه و الحين انا حامل مسكييين ماتهنى فيني ولد الحلال .. بس رحت جم معرض شريت لي نفانيف حلوين قلت أكشخ فيييهم قبل لا اوولد و خنشووف أفكاركم
يشرفني انا ثالث وحده ارد لووووول والله ياطويلة العمر هذا ثاني رمضان يمر علينا طبعا رمضان اللي طاف كنت حامل بالشهر الرابع بس الصراحه كان وناااسه سويت ك شي معاه سهر ونوم وطلعه ووناسه بس الحيين ..... انا ولدت وولدي عمره 5 اشهر مراح يخليني اسوي شي ولا اسهر لان انا ما اصدق ينام عشان انام نوومته ماتعدلت بعدها واذا على حبيب قلبي بوفاارس احطه بعيوني وطول الوقت انا لابسه وكاشخه له بس انوم ولدي ونبلش لعب لي الصبح خخخخ
آنا أتفطر عند حمولتى لأنى ساكنه معاهم بعد الفطور أقعد مع حمولتى أشوف التلفزيون من أذان العشا أصعد وأصلى التراويح واتابع مسلسل بعده أناااام على الساعه 10اقعد أسوى أى شى ليما السحور واتسحر على فكرة الطلعات كلشششش ماأشتهيها برمضان بس أحب زوارات الأهل يعنى طلعات بيوت
