مع منة اطباق مصرية صحية

العيش الشمسى :
العيش الشمسي 'الملتوت' يصنع من دقيق القمح ويمر بست مراحل.ويتم عمل عجينة الخميرة في الليلة السابقة للخبيز حيث يتم وضع خميرة البرباسة في اناء صغير ويضاف كيلوجرام من الدقيق وكمية من الماء الدافيء ويتم العجن حتي تصبح العجينة سائلة ثم يغطي الاناء بغطاء محكم ويترك حتي صباح اليوم التالي. وفي الصباح تقوم سيدة عفية ذات مهارة بعملية العجين.
وتستغرق مرحلة العجين ساعة تقريبا وبعدها يتم تجريص 'تقريص' العجين اي تقطيعه الي قرص صغيرة وترص الدور 'جمع دورة' تحت اشعة الشمس حتي يتم التخمير ثم تقوم احدي الفتيات المشاركات في العجين بعملية التجريح بعملية التجريح بواسطة سلاعة 'شوكة نخيل' والتجريح هو عمل خط دائري حول قرص العجين وفي المنتصف يتم عمل الرقم 11 والخط الدائري هو معتقد فرعوني يرمز الي الاله 'رع' رمز قرص الشمس.

المكرونة باللبن "طبق حلو" من الوجه البحرى
مكرونه اقلام التى تستخدم فى طاجن المكرونة بالبشامل بتتسلق مع لبن وسكر وسمن لغاية ماتسيح ومعالم المكرونه تنتهى وتبقى وبعدين تتحط فى صينيه وطبعا فيها مكسرات و**يب ( وز ب ي ب ) وبعدين يتحط على وش الصينيه سمن ..وتدخل الفرن..........

طريقة عمل الثخينة:
اولا نجيب الرقاق عارفينه طبعا ونكسره قطع كبيرة نسبيا فى طبق عميق ونسخن الشوربة ونضيف بالملعقة بعض الشوربه على الرقاق حتى يتشرب ويلين بس مش كتير
لاننا هنجيب بعد كدة عصاج " لحمة مفرومة مع بصل مفروم " معروف طبعا ونحطه على النار مع شوربه برضه ونتركه يغلى ثم نضيف اللحمة بباقى الشوربة على الرقاق
ونحمر لحمه " قطع" بالسمنة البلدى ونضعها على الوجه
كلها لحوم؟؟؟؟طبعا " لانها اكله صعايدة" وعلى فكرة بتتاكل بالايد مش بالشوكة ولا المعلقة

الشعرية باللبن
وهى عبارة عن شعرية عادة نحمصها فى طاسة حتى تحمر ثم نضيف اليها اللبن تدريجيا يعنى شوية ولما تغلى نزود وهكذا حتى تستوى لان لو صبينا اللبن مرة واحدة هتتشربه وتعجن وهى المفروض تبقى شبه الشوربة وبعدين نزودها ملح حسب الرغبة
وطعمها تحففففففففففه...
وفى اكله كمان بالشعريه هى
الشعرية بالسكر:
نسلق الشعريه فى ماء عادى حتى تنضج وتشرب مائها ثم نضيف لها السكر وناكلها

البامية:
اولا بامية بالصلصة معروفة طبعا "تسبيكة اللى هى بصل محمر مضاف له طماطم معصورة وبعدين تترك على النار حتى تتسبك ثم نضع فيها البامية وافضل طعم ليها لما بتتزود لحمة ضانى وشوربة ضانى وتتحط فى طاجن فخار وتغطى وشها بورقة فويل وسيبيها تستوى فى الفرن براحتها
واللى تحب تعملها طشة تومة ( ثومة بربع ملعقة **دة او سمنة او اللى تبوه )وتحطها عليها وتغطى بسرعة قبل ماتدخل الفرن

مع مراعاة التقليل من الدهون يابنات بلييييييز

المفروكة او الويكا:
بامية خضرا نقطعها قطع ونحطها فى الشوربة مع فصين توم سليمين بدون تقطيع وقليل من الملح تترك على النار حتى تنهرس البامية او يعنى تستوى تماما وبعدين بالمفراك " وهو حاجة كدة خشب ذراع وفى اسفلها قطعه تشبه المروحة توضع فى الطعام ويتم لف او برم الذراع الخشبية للتقليب وممكن بمضرب سمى مضرب اليايى وهو مضرب حلزونى او حطيها فى الخلاط وريحى دماغك حتى تختفى قطع الباميا تماما وبعدين صبيها فى طبق وصبى عليها باقى سمن تحمير اللحم على الوجه

الباميا الناشفة:
باميه مجففة وبعدين نطحنها حتى تصير بودرة وبعدين تتعمل زى الملوخية الناشفة بالظبط لكن بدون طماطم يعنى نحمر توم وبعدين نحط البامية قليل جدا لانها بتتقل بسرعة وبعدين نحط عليها الشوربة و الملح ونقلب وتغلى غلوة واحدة فقط

البصارة او بيصارو "بالفرعونى"
ربع كيلو فول جاف بدون قشره
ربطتين ك**رة ( ك س ب ر ة )خضراء
بصلة متوسطة
عدد من فصوص الثوم حسب الرغبة
قليل من النعناع الجاف
ملح و فلفل حسب الذوق
- للتقلية عدد من فصوص الثوم مع ك**رة ( ك س ب ر ة ) جافة او بصل


الطريقة:

- ينظف الفول و يضاف كمية من الماء كافية لسلقه , تضاف الك**رة الخضراء و النعناع الجاف و البصلة و الثوم , يجب عدم وضع اى ملعقة اثناء تسوية الخليط لكى ينضج الفول و ندعه حتى يستوي تماماً .
- بعد تمام النضج , ندع المزيج يبرد قليلاً ثم يخلط بالخلاط .
- يعاد الخليط للنار قليلا و يتبل بالملح و الفلفل حسب الذوق .
- تتم عمل التقلية بالثوم و الك**رة الجافة المدقوقين جيدا و يحمر فى القليل من الزيت و السمن ثم يزين بها وجه الطبق او يتم عمل بصل محمر "شبه المستعمل فى الكشرى " وهو الافضل و تقدم .

طاجن عكاوى
نشترى العكاوى وهى "ديل البقرة او الجاموسة" وعشان كدة بتبقى عبارة عن فقرات عظمية
نخليها نخلى العظم عن اللحم نسلق العظم عشان الشوربة واللحم نحمره مع بصل واى خضار تفضليه وبعدين شوية شوربة عكاوى السابق عملها وطماطم وصلصة طماطم وندخله الفرن

الخبيزة على الطريقة المصرية


المقادير:
1/2 كيلو خبيزة
حزمة سلق
حزمة شبت
حزمة كسبرة
نص وعاء شوربة لحم
ربع كوب أرز
2 بصلة كبيرة
4 ملاعق كبيرة سمن
رأس توم مدقوقة

الطريقة:
يغسل الشبت والكسبرة ويقطع إلى قطع رفيعة جدا بالسكين ثم نضعهم على الشوربة على نار متوسطة.
نغسل الأرز واضعه ليسلق مع الشوربة.
تنظف الخبيزة جيدا (تقطف الزهرة (وتغسل وتُصفى ثم تُخرط مع السلق، أو نضعها على النار لتسلق مع السلق ثم نضربهم في الخلاط.
خذي الخليط وضعيه على الشوربة وبعد غلوتين وبعد أن نجد الخليط قد أصبح سميكا بعض الشيء نطفي النار.

الطشة:
نقشر البصل ونبشره بالمبشرة ونضعهم مع السمن في وعاء على نار متوسطة لتحمر.
بعد أن يصفر لونه ضعي عليهم رأس التوم المدقوقة
بعد أن يحمر الثوم ضعي عليهم الخبيزة (الخليط الذي تم صنعه سابقا)
ثم أقلب وأطفي.

كشك الصعايدة
هو عبارة عن كور ناشفة كدة بتتباع
تجيبها وتحطيها فى مية لحد ما تتطرى وبعدين بنعملها بالبي المقلى يعنى تحطى السمنة وبعدين البيض وبعدين تحطى عليه الكشك وتقلبيهم
الكشك التركى
من الأطباق التركية المحبوبة لدى المصريين ، وهو سهل الإعداد والتحضير ومفيد فى نفس الوقت لإحتوائه على اللبن والدقيق .

المقادير :
- 2 كوب شوربة ( فراخ – بط – أوز ) مضاف لها ملح وفلفل .
- 3 ملعقة دقيق .
- كوب كبير لبن .
- بصلة متوسطة .
- 2 ملعقة أرز.

الطريقة :
- ترفع الشوربة على النار وبعد غليانها يضاف الارز بعد غسيله .
- يخفق اللبن مع الدقيق جيداً ثم يضافوا على الشوربة بعد نضج الأرز ويقلب .
- يستمر التقليب حتى يصبح القوام مناسباً .
- ثم يصب فى أطباق ويستخدم البصل المحمر للتجميل .

كفتة الارز :
لحمة مفرومة مع رز مصرى مغسول مع بقدونس وتوم وبصل وتوابل "ملح وفلفل اسمر وكمون"
وتطحن مع بعضها
وبعدين تتعمل صوابع وتتحمر فىالزيت و بعدين تتحط فى صلصة توم "توم محمر نحط عليه عصير طماطم حتى يتسبك" وفى ناس بتحب تحط معاها بطاطس مقطعة مكعبات بطاطس وتتاكل جنب الرز حبة وحبة وهو بالمناسبة نجيب شوية رز ونحمرهم حتى يتحولو للون الذهبى وبعدين نحط باقى الرز ونقلب ونزود الملح وبعدين الشوربة وهكذا الى اخر طريقة الرز العادى

السبانخ بالصلصة:
اولا نعمل الصلصة " التسبيكة" بصل مفروم نحمره وبعدين نضيف له طماطم معصورة و ملح وتوابل ونتركه على النار حتى تتماسك ثم نضيف السبانخ " بعد تنضيفها وتقطيعها طبعا" وشوربة لحم وممكن نضع اللحم ايضا بها وبعدين نتركها حتى يذبل ورق السبانخ فى الصلصة ثم نحمر قليل من الارز المصرى " واحيانا يستعمل الفريك" فى طاسة حتى يتحول للون الذهبى ثم نضيفه للسبانح ونضيف الملح و التوابل حسب الرغبة ولكن للعلم السبانخ لا تحتاج لكثير من الملح لانها تحتوى على املاح ويكون علامة نضجها هو نضج الارز الموجود بها وتؤكل مع ارز محمر "حبة وحبة"
احيانا فى الصعيد يتم طبخ السبانخ خضرا بدون صلصه حمرا
وذلك بوضع السبانخ فى الشوربة حتى تذبل "دون صلصة" ثم الارز المحمر وباقى الخطوات عادى

طبق اليخنى
المقادير
1/2 ك خضار مشكل حسب الرغبة
1/2 ك لحم بقرى
2 حبة بصل
2 فلفل اخضر
فلفل اسود -حبهان - ورق لورى - كمون - ملح - بهارات -4 فصوص ثوم
صلصة طماطم
2 كوب ماء
**دة ( ز ب د )
الطريقة
1 - ضعى القدر على النار و ضعى فيه (ال ذ ب د )مع البصل مقطع شرائح وقلبى حتى يصفر لون البصل ثم ضعى الفلفل الاخضر و قلبى تم ضعى الثوم وقلبى لمدة دقائق ثم ضعى الحم مقطع مكعبات وقلبى حتى يشرب الحم ماؤه ثم ضيفى اكواب الماء حسب حاجة اللحم للنضوج وتضيفى البهارات و التوابل جميعها
2- قبل ان يتم نضوج اللحم (يعنى تجدى قطعة اللحم تمضغ ولكن ليست تامة ) ضعى الخضار المشكل (بطاطس مكعبات و كوسة و جزر و بسلة و فصولية ) وقلبى واتركيه على النار حتى تمام النضوج و بالهناء والشفاء

طريقة ورقة اللحم
اولا هاتى اللحم يفضل لحم ضانى او سمانة اللحم
وتبليها بالملح والفلفل الاسمر الخشن "المدقوق " مش المطحون البودرة وبعدين هاتى ورقة فويل وحطيها فيها وهاتى بصل كتيييييييير وقطعيه قطع كبيرة يفضل جوليان وحمريه على النار الى ان يصفر فقط
وحطيه على اللحمة ولو كنتى جبتى سمانة افتحيها واحشيها بالبصل واقفليها وبعدين اقفلى الفويل كويس عليها ودخليها الفرن وممكن تبشرى عليها بطاطس

معكرونة بالخضار وصوص الجبنة اللذيذة!!




المقادير



معكرونة مسلوقة
جزر وبروكولي ، ذرة وبازيلا وفطر...مسلوقين (أنا بسلق الخضار على البخار)



حلاوة هذه الصوص أنها الذ بكتير من البيشاميل وأخف دسم من صوص الكريمة البيضاء وممكن تتحكمي بالدسامة بتغيير المكونات إلى قليلة الدسم وحتى الجبنة...



الصوص الرااااااااائعة



م ك **دة (ممكن استبدالها بالمرجرين أو الزيت النباتي)
م ك دقيق
2 كوب حليب (ممكن خالي الدسم يلي عاملة ريجيم)
2 حبة جبنة مثلثات (أنا حطيت البقرة الضاحكة )
2 من رقائق الجبنة الشيدر المغلفة (يلي بتكون كل واحدة بوحدتها مغلفة بنايلون شفاف)

و انا اضفت من عندي بقدونس وحذفت البروكلي


الطريقة



تحضير الصوص: نذيب ال**دة ونضيف الطحين ثم نحرك بسرعة بالمضرب اليدوي ونضيف الحليب إلى أن يمتزجوا جيداً ويصيروا متل الكريم...للآن نفس طريقة البيشاميل..



نتركهم يغلوا 3 دقائق ثم نضيف الجبنة مع النحريك المستمر....



لاحظوا إني لم أضيف لا بهارات ولا ملح..الجبنة ملحها كفاية والبهار ما بيحبوه الأطفال..بس ممكن إضافة رشة جوزة الطيب وبهار أبيض..



لما يغلوا مع بعض حوالي 2 دقيقة وتكون دابت الجبنة نعدّل الكثافة..يعني إذا كثيفين كتير ضيفي حليب مع التحريك وعدلي الملح إذا بدك..



ممكن خلط المكونات كلها مع بعض وتقديمها بالجاط المناسب أو إضافة الصوص على الوجه..



أترككم مع الصور...

هاااا بنات ما حدا ابدا برأيه ليش

مشكوووورة انا من عشاق الاكلات المصرية

اهلا بيكى حبيبتى ياللى من غير اسم
واى اكلة مصرية محتاجاها اطلبى احنا حاضرين ياجميل
كل عام وانتى بخير

يعطيج العافيه قلبي ..~ ​

مشكوووووووره