اشلونكم يا بنات انا عندي مشكله يمكن مو كبيره بس ابي حل اشلون اتعامل مع هالفئه انا تعرفت على بنت خلوقه وحبوبه وجميييييله ماشاء الله ماعليها قاصر وجسمها حلو ورموشها تبارك الرحمن الله يهنيها وشعرها حلو حتى للامانه فيها شبه من هيفا وهبي بس عيبها اذا سولفت معاها ماعندها الا ان بنات الدوام مسميني جميله الاداره ومشبهيني بهيفاء وهبي ومن امشي كله يطالعوني منبهرين من جسمي لانه مغري ومخصر وعندي الخلفيه بارزه وانا البس ضيج والبنات يغارون مني ومن جمالي والشباب يانين عليي وجمالي مافادني ليلحين ماتزوجت والشباب كلهم يقطون لي نغزات قصدهم مو شريف حتى المتزوجين يانين عليي وانا كله حاسيديني عيوني ورمت ورموشي طاحوا ومادري شنو وجم مره اتكرفس والسبب العين بنات لا تعتقدون اني اغار بالعكس انا احبها وما انكر اهي اجمل مني للامانه عليها بالعافيه مع ان انا هم ماعليي قصور بس كلمه الحق تنقال ومو مشكله سولفت مره مرتين بس مو كل ما اتصل عليهاهذه سوالفها قمت ما احب اتصل والسبه هالشي كلنا عانينا من العين والحسد انا وحده اعترف عانيت بس ما احب اسولف وايد بهالاشياء ومو على طول ماله داعي انا احبها والله واعزها وايد بس اتضايق يعني اهي تفضفض لي عن مشاكلها وان ييت بسولف ماتعطيني فرصه يعني افضفض لها وتسمع شويه وعقب تقلب السالفه على سوالفها ومانخلص تكفون انتوا لو مكاني شتسوون
و الله اذا اهي فعلا جميلة و كل اللي تقوله فيها .. الله يهنيها و يبعد عنها العين .. و عادي قاعده تفضفض لج لأنج قريبه منها اللي يبطون الجبد اهم اللي ما فيهم ريحة النعومه و كله عندهم الناس حاسدينهم .. يخلونج بقلبج تقولين (على شنو تكفووون؟؟ )) انا عن نفسي سواء الحلوة و لا الثانية اذا فضفضت .. ما فيها شي .. ليش أتضايق؟؟ عادي!! بس لا يصير وايد وايد و تاكل قلبي و أصلا الوحدة اللي تتشكى عموما انا ما أحب أخالطها وايد .. محد يحب التشكي .. الواحد يبي يقعد مع الناس ينسى همومه و لا يشيل هم على همه؟؟؟
اذا مضايقتج لا تردين عليها0 ليش تضغطين علي نفسج بعلاقه تضايقج؟ واذا يت وصارحتج عن سبب تحاشيج لها قوليلها بكل صراحه بطريقة النصيحه انه اسلوبج مو قاعده تحسين فيه بس تري انحش الناس عنج0 وانه مايصير طول الوقت تتكلم عن نفسها عشان لا يعتقدون الناس انها مغروره0 واذا مستغربه ليش ما تزوجت لي الحين فمو من العين ولكن من هاللبس0 الريال اذا بغي زوجه يبيها حقه مو حق الناس
لاتعليق الصراحه مداح نفسه يبيله رفسه اسمحيلي بس لهدرجه الحمدالله انا جميله حيل بس ماشي واقول هذا خزني وهاذي غارت مني وفلان وفلان ويييه مصاخه وبعدين الناس بتكرهني مولهدرجه حتى لو بتفضفض مره موكل مرة عاد ترى في بنات اجمل منها بالجسم وشكل بس الجمال جمال القلب والرووووووح والعقل الظاهر عقليتها صغيره كااا انا ياما ناس احسدتني خصوصا احنا العيم جمالنا جمال فارسي رباني بس ماسوينا سواتها وقعدت اقول انا وانا امبيه ضحكتيني اذا تحبينها تحملها او صارحيها انه هالشي او هالسوالف تزهق وتبعد شخص عنج الصراحه ماعندها سالفه او ماتعرف تسولف الا لاعن نفسها ههههههههههههه اخذيها على قد عقلها هههههههههههه
يا بعد عمري حياكم ماقصرتوا انا ودي انصحها اخاف تفسر اني غيرانه منها اهي مره عرفتني على رفيجتها وهم رفيجتها جميله بمستوى جمالها بس رفيجتها طويله وجسمها احلى وحبوبه ذهبه وعقب فتره شكت لي ان رفيجتها ابتعدت عنها والاسباب مو معروفه بس ما استبعد ان مدحها لنفسها اهو احد الاسباب بس تعبت مو كل ما اتصل عليها هذه سوالفنا ماتسولف الا عن نفسها وماتعطيني مجال اسولف وافضفض
لج نصيحه شوفيلج رفيجه تسمعج وتسمعيلها مو تكون انانيه هاذي تحب نفسها مبين والله ولاتكدرين نفسج افا عليج
والله بالنسبه لي أكره هالنوعيه واي احد يكثر من كلمة انا وبسولف عن نفسه نصيحه ابعدي عنه وابعدي حييييييييييييييل لأنه بالنهايه يحب نفسه ويحب تمدحينه وتواسينه وتنسين نفسك .. اختي انت قلبك طيب وماتبين تخسرينها بس اذا هي ماتسمعلك وتشاركك وشوله تستمرين معها حبيبتي صارحيها بطبعها وهي بعدها بتتركك صدقيني وتطلع حقيقتهااا هذي مريضه نفسياً وتعاني من نقص داخلها وتدور احد يملأ هالنقص موفقه يالغلاااااااااا
شوفي حبيبتي اولا مداح نفسه يبيله رفسة وانا انصحج انج ماتختلطين فيها حيل عشان ماتأثرين فيها وايد يقولج من عاشر القوم اربعين يوما صار منهم وحاولي اذا شفتي بنت تقولين هاذي شحلاتها وعشان ماتاخذ فكره انى اهيا احلا وحده بالعالم وسلامتج ياقلبي
يا بعد قلبي ما قصرتوا المشكله ان لما اتصل عليها غالبا ما ترد واهي لما تتصل انا ارد وتفضفض واسمع لها ولما ماترد ادز لها مسج تتعذر سامحيني ياقلبي كنت مشغوله وقمت اسوي نفس الشي طنشتها مره ومرتين واتصلت بعد ورديت عليها جان تقول لي وينج احاتيج اتصلت عليج ومارديتي وطبعا تشتغل عليي صار فيني جذي وجذي و........... الخ
يا عمري عليهـآآآآ .. وربي قاعدة تفضفض لج عندها ضغوط نفسية وقاعدة تكلمك كأنها تكلم نفسها أكيد تقول مع نفسها اذا كانت بروحهآ أنا جميلة لكنني محسوده شمعنى ما تزوجت ليلحين مثل مآ تقولي شكوك ووسوااس حاولي أنها لما تكلمك عن هاي الامور أنك تسولفي لها عن بناات شكثرهم جميلااات ولسى ما جاءهم النصيب يمكن خير .. > يعني أثنين في وآحد انو مو بس انتي الجميله حتى لآ يصيبهـآ دآء آلنرجس وأنو مو بس أنتي آللي ليلحين ما تزوجتي بس بطريقة سلسلة مو مبااشرة أنا نفس الحكاية مع وحده من صحباتي ما شاء الله شديييييدة الجمال والله العظييييم يا بناات أنها أحلى من لميس ما شاء الله تبارك الله جميلة بكل ما تعنيه الكلمة لكن مشكلتها صاير عمرها 22 ولسى ما أحد خطبها لدرجة انها صايره تنتقد نفسها كثير تقول أنا مو مقبولة .. وتسولف معي وتفضفض تقول عمتي عينها حارة > يعني تحسد .. والله يا بنااااااااات لازم نرااعي نفسيات اللي معنا أكيد تبي تفضفض يعني انتي قريبة منها وما فدتيها ولا خففتي عنها أجل منو اللي يخفف عنهاااا آلله يسسعدك أنتي وصآحبتك ويرزق صآحبتك وصآحبتي آلآزوآج آلطيبين آلحنونين عااد بهآي آللحظة حآولي أنك تسوين لهـآ مثل آللي تسويه فيج أو صآريحيهـآ عآدي بطريقة حلووة وفيهـآ غشمرة وقولي آنـآ لمن أبيك مآ آلآقيك وآنتي لمآ تبيني تلآقيني وهي لو يكون قلبهـآ طيب رآح ترد عليج وتحآول آنهـآ مآ تحسسك بهآلشيء لكن لو كآنت تبي مصلحه آنهـآ بس تفضفضلك رآح تحسين آنهـآ مآ تغيرت وووو بث ^_^ آلله يألف بينآتكوون // ع طآري آلمدح بروحهـآ أول مآ آفتكرت حليمة بولند .. أسأل آلله أن لآ يبتلينآ بمآ آبتلآهـآ .. أظن أن داااء النرجس أصابها يعني وحده مسلمة ومن آلخليج آلمحآفظ .. تشتري شهرتها ومدح الناس لهـآ بلبسهـآ آلمتكلف وفي ليآل رمضاااااان آلمقدسسسس !! كل هذآ عشآن تلحق ورآ آلشهرة !! ترآ كلنآ حلوآت وفيه وآلله أجمممل منج بعد . وكلنآ نعرف نتدلع ونتغنج بس مآ نبي أي أحد يشوفنـآ مسكينة الله يهديها آحزن عليهـآ وربي ..
ماقول غير تدري وش اسباب ضيقتي واغلب اوجاعي .......... وجيهن ماتستحي وانا استحي منها اقول قطيها بوجها صاجتك ولاجتك بجمالها قولي لها احمدي ربك واسكتي ترا لاصار فيك حادث محد معبرك وانا قول دامتس بتفضفضين خلي اسرارتس لتس او اسدحيها بمنتدى محد يعرفتس فيه عشان لا سمح الله تهوشتي معها ماتنكب عفشك واجيب اجلتس والشكوى لغير الله مذله
اسمعيني يالغاليه.. و الله فيه بنات واايد ردو عليج بس احس كلامهم مو صح.. بس هذا شي يرجعلج.. اذا انتي تحبينها و تحسين ان البنت على نياتها.. لا و الله ليش تتركينها .. المفروض انج تنبهينها على تصرفاتها بطريقة غير مباشرة .. ادري شي صعب بس شوي شوي .. و قوليلها اني احبج لو ما احبج جان انا تركتج من زمان مثل البنات الي تركوج بدون سبب.. و قوليلها لازم تتعلمين مهارات التحدث للاخرين حبيبتي لا تقولين لي بقولها عن مهارات التحدث جنه مو عليها لأ قوليها عليها لان هي مبين شايفه نفسها مثاليه و الله يعينها و انتي فيج الخير الي بتساعدينها و اذا ما سمعت بكيفها اخر شي راح تتاكد انج صح لما تشوف كل البنات تركوها
حيااتي اذا اهيا صج حلوه الله يبعد العين عنها و قوليلها انا مضايقه منج كل ماتدقين تقوليلي صارحييها واذا ماتبين تحمليها او بيني لها انج تتضايقين من هالتصرف
ماقصرو البنات تاقينها ىمريضة نفسيا ولي تقول جذي اعرفي محد معطيها وجه وتبي تفرض نفسها بالمجتمع عادي كلميها لاجابت طاري الجمال قوليلها خلاص حفضت الشريط انتي كيت وكيت وكيت خلاص بضحكةةةةةةةةةةةةةةةةةةةةةةةةةةةةةةةةةةةةةةة ترى اسويها اذا لاعت جبدي من احدج ويفهمونها
هلا اختي . . . طيب لا تتصلين فيها لان هذي زميلة مو رفيجة الرفيجة تكون بينكم عشرة عمر لكن زمالة الدوام للدوام فقط تركيها ولا تتصلين فيها . . . وبس
حبيبتي انا لو منج اخليها او اواجهها اقول لها اسمعيني مثل ماسمعج لان واضح عليها والله اعلم بس من حجيج انها اللهم نفسي وانانيه وانت مو مجبوره تخالطينه واتعبين نفسج
امبيه موضوعج قريب من موضوعي اقريييه عنوانه ( شلون أتصرف معاها) بس انا المشكله عكسج رفيجتي عاديه وانا احلى منها بس ماهو غرور بس امر هالبنات عجيب خصوصا هالنوعيه انا اصلا قمت اكره اقعد معاها شي غررريب انتي رفيجتج يمكن يحقلها تتكلم عن نفسها انا لا مملوحه وزوينه مو جميله ودايما تحاول تسمعني وخصوصا انا من بد البنات بالدوام مادري شموضوعها *
