لو خيروج يموت زوجج أو يتزوج عليج ؟!!

بما أن هاذا اول موضوعي لي :>

حبيت افرفشكم معاي شوي


لو خيروج بموت زوجج أو يتزوج عليك؟

هذا الله يسلمكم سؤال انطرح في منتدى نسائي ماكان عندي نيه أدخل هالموضوع لأني عارفه الأجابه أكيد يتزوج عليها كنت فاضيه ودخلت هالموضوع وانصعقت من أجابات الحريم لهالدرجه الحقد....؟
طيب معليه أحقدي بس لا تتمنين يموووت بس الظاهر الوحده تنعمي وماعاد تشوف لا جاء هالطاري
يخوفوا هالحريم ههههههههه



الموت حق وكلنا بنموت بعدين الدنيا كلها فتن وش يبي بها
<<<< عاش مصرف
.....

خليه يموت لان الموت حق
بس انه يتزوج علي لالالالالالالالالالالالالا
انه بصراحه اخاف يتزوج ويدلع زوجته الجديد
وانا ما شفت منه حتى المعامله زي الناس
و اصلا دايما اقول وبصررررررراحه مطلقه
اكون ارمله ولا اكون مطلقه

<<<<<<تسمع بالحكمه الاخت

........

والله كل الإثنين صعبات


بس الموت أسهل والله .......


أحس بالنقطة هذي تصير

عقولنا صغيرة وماصلين


بس غصب غصب عنا

........

يموت ههههههههههههههه على الاقل يموت وانا اموت وان شاء الله يارب ربي يرزقنا الجنه ويكون زوجي واكون زوجته فيها

اما لو اتزوج فراح اتطلق وخلاص بتنتهي علاقتي فيه وقلبي بينحرق وباموت من الحزن والهم

<<<< حلو تخطيطك

........

للأسف عشان أحبة بختارالموت بعيدالشر عنه!!

<<<<<الحمد لله إنك ماتحبينـــــي خخخخخخخخخخخخخخخ

.....

يموت وابكي من حزن فرقاه ولا يتزوج و ابكي قهههههههههههههههههر منه

<<<< يعني صايحه صايحه

........

يمووت وادعي له

ولا يتزوج عليه ثم ادعي عليه

هههههههههههههههه <<<<<< فيه شي يضحك

........

والله يقولون ارمله ولايقولون اعرس عليها
وادعي له ولا ادعي عليه
ويموت وانا احبه وهو يحبني ولا يعرس علي وينساني جعله يعاف الحريم الاانا وامه خخخخ <<ولو فيها خير

.........

لايموت احسن ولا اموت انا من الحرة <<< وش نسوي لها هذي

.....

الله يغفر له ويرحمه المقبرة قريبه <<<<<< بايعه أم أم جابته

.....

الموت على الاقل احط راسي على المخدة وانا عارفة انه ماهو في حضن حرمة ثانية واموت من الحرة

<<<<<<ياساتر على الغيرهـ وش تسوي بالوحده

......

انا اقول يتزوج بشششششششششششششششششششششرووووووو وووووووووووط يعني يحطلي فيلا دورين وافرشها من جديد وسواق وشغالتين ومصروف شهري ورضاوة طقم ذهب ابو 20 الف تراني مرة قنوووووعة وادرس عيالي بمدارس انترناشونال و مااشوف وجهه ابد يجي لعياله بس هههههههههههههههههه وبعد كدا ادعي عليه يموووووووووووت هههههههههههههههههههههههههههههه هه وش رايكم

<<<<< ماطلبتي شي

.........

يتزوج وبعدين يموت عشان ما ازعل عليه اذا مات خخخخخخخخخخخخخخخخخخخخخخخخخخخخ

<<<قمــــة الدناءة في التفكير

.....

الموت ارحم من أني أشوفه مع غيري <<فديت روحها

......

الا الله يستر علية يمممووت ولا يموتني وانا حية<<< أنا مش أنانيه

.......

يموت أريح اصلا وجودهـ مثل عدمـه<<<<صرييييييييحه

.......

يموت ولو ما مات احرقه هو وزوجته بسيارته بديزل او اسيد احسن وعسى يبرد قلبي<<<وش تقرب لك ريا أخت سكينه.؟!!!!

....

يموت ولايتزوج علي

.....

لا طبعا ارملللللللللللللللللللللللللللللللللللللله ولا مطلقه لانه لو تزوج علي ماني جالسه معه هو ووجهه

......

جنااااااااااااااااااازة ولا جواااااااااااااااااااااااازة
خلوني مو مثالية عادي ماحد يموت قبل يومه لو ادعي عليه العمر كله اما يتزوج لا والله
وبعدين هو في كل الحالتين بيصير في نظري ميت اذا ربي اخذ عمره بأدعي له واتصدق عنه ان شاء الله يعني بيفارقني وانا احبه اما اذا تزوج فهو بيموت من قلبي وعقلي وبأدعي عليه حتى لو دعوتي مو مستجابه يعني بيفارقني وانا اكرهه
ارجع اقول وبدون تردد يطلع من عندي وهو جناااااااااااااااااااااااااااا اااازة ولا بجوااااااااااااااااااااااااااز ةِ

<<<<<< ياشين الفلسفه الزااااااااايده



منقول من ايميلي ​

مشكوووورة خوش موضوع
بس صح الله يخلية لي بس يموت أحسن من لا أموت من القهر
ياحلااااااااااااااتي تكون ليلة الثانية وأنا أطق راسي بالطوف آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
الله يكافينا شر الموت والشريجة ياااااااااااااارب

اب اب اب اب اب اب
اب اب اب اب

مع ان زواجه موت لي الف مره بس ارحم من موته

تبين الصراااحه الموت ارحم ولاتبيني كل يوم امووووووت قهر إذا شفت شريكتي لا والله خليييه يموت احسن من الحررررره

تبين الصرااااحه الموت ارحم علي من اني اشوف شريكتي واموووووت من الحرررررررره

استغفر الله العظيم والله يتزوج علي ولايمووووووووووووووووووووووووووت اسم الله عليه الله يحفظه لي يارب واذا تزوج عاااااااااااااااااااادي مرده بيعرف قيمتي وبيرجع لي اخخخخخخخخخخخخخخ منكم يالحريم

مااحب طاري موته حتى لو على ضحك الله يخليه لي

لا بعد عمر طويل بس اذ بيتزوج موته على ايدي
هههههههههه

يمووووووووووووووووووووووووووت ويكفي بتحمل اعيش وحيده وبصبر وادخل الجنه ولا اخذ اثااام من الشريكه
الله يكفينا شرها

والله الصراحه الاثنين موت يعني
بس اسم الله عليه الريحه ولا العدم
يعني اقله ان تزوجت صح انقهر
انابس ارقص بعرسك واضحك واوقف على باب حجرتك اشوف طلباتكم ولا على اسريك انت
واهى بس الصباحيه اثنينهم بمكينه اللحمه
اسويكم كباب للريوق لي وسلامتك
قال يتزوج عليا شنو لعبه اهى