السام عليكم اولا حبيباتي انا وحده مرت بظروف صعبه صعبه حيل ماتوقعونها وادري في ناس مرت بظروف اصعب بس مشكلتي انا حيل حساسه وعشت صدمات بحياتي اهيا اللي خلتني انطوي عن الناس وانطوي بروحي والسبب تتوقعون شنو غدر الاحباب مويعني زوج لا لا لا غدر الاصدقااااااااااااااااااااااااء للأسف كثرت وايد بالكويت الحين عندي سؤال للي يحب يغدر ليش ابي اعرف السبب ليش !! انا وحده طيبه حيل وكنت اعز وحده اكثر من دنيتي اهيا اخت ريلي والله كنت ابديها على خواتي صدقوني بنات عشرة 10 سنين نصدمت فيها بعدين متى بعدين بعد زواجها وزواجها من منو من رفيج ريلي رفيج ريلي كان وايد يحترمني كانوا اهله يموتون علي بس تزوجت انصدمت بنيه ثانيه صارت ارفعت الخشم علي وتكبرت ولمن تشوفني بس تقعد انا وانا وانا ليش هالتكبر الله نسينا اول كنا نتلابس مع بعض والله اني احبها على كثر ماسوت فيني تكلمت علي وعلى شرفي وقطت حجي على ريلي اللي اهوا اخوها سمعوا قصتي .. انا كنت احبها واسويلها كل شي وماقصر لها بشي وكنت ادافع عنها وازعل من اللي يزعلها حلو بعد 10 سنين كنت على ويه ولاده وحاشني طلق ويت معاي المستشفى وجابلتني وقبل لا اولد قالت ادعيلي اتزوج وفعلا دعيت لها وانا اطلق حلو والله والله يابنات ولدت هني بساعه بثاني ساعه ودوني لفراشي ولادش علي وتبوسمي وانا حيل تعبانه تقول يفلانه تقدم لي رفيج اخوي استانست مومصدقه دعوتي استاجبت بساعتين مشالله لا اله الا الله حلو وصارلي 8 ايام من اربيعيني والبنت تبي تتزهب بيسون لها حفله ملجه والله يابنات قمت لبست بخياطي امشي بتعبي وديتها وشريت لها وحطيت لها علشان تتزهب حلو وصارت الملجه وراحت البنت وانا بجيت بس استانست لها وايد على فكره اهل ريلي ماكانوا راضين بالمعرس واهيا قالت ابيه حلو وانا ويا ريلي بالغصب قنعنا اهلها علشان جذي كنت اجابلها بروحي خواتها زعلانين منها ومن تصرفاتها حلو المهم راحت البنت لبيتها وكتشفت بعد فتره قطعت عني وقامت تشوف نفسها علي قمت ادق على خالتها خالتها تقولي كلام يضيق الصدر قالت اني انا متكلمه عنهم ومادري شنو قلت لها منو قالج تقولي ناس مولازم تعرفين والمشكله الهحجي جذي بس مومصدقتني خالتها وكانت خالتها تموت علي ومرت شهرين تقريبا ويتله دوره ريلي وسافر بره سنه المهم بس بسفرته راح بعدها بجم سبوع البنت تكلمني تبجي تقول يايه عندكم مابي ريلي وفعلا يت وتسب وماخلت ولا احد من اهل ريلها الا وماسبته وطلعت كل شي وماخلت ماقالته انا كنت مصدقتها موظروري اقول نو كانت تقول بس كلام قوي المهم قعدتها عندنا وخليتها ايام عندي ويا على حز العيد قلت قومي لبسي وتزهبي بوديج لريلج تراضينه حتى لو اهوا غلطان بيتج مسكيه ترى بداية زواج ولازم هالمشاكل وكل امورج اتعدل وبدعيلج وفعلا وديتها وتعدلت امورها والحمدالله والله يابنات مكيجتها بايدي ولبستها احلا لبس ووديتها وصارت ايام وكلمتني ماسنجر تبجي البنت تقول ريلها يطقها طق على بطنها واهيا حامل ومن هالحجي انا صراحه عصبت وبجيت وظاق خلقي قلت هذا حيوان شنو ماعنده قلب شلون يسوي فيج جذي موزين وبعدها قمت اهديها وقلت لها تحملي والله يصبرج ميخالف بداية زواج والله العالم شكثر كنت انصحها ورب الكعبه والله ماضريتها وبيوم كوكتها على ريلها ويت ايااام واياام و ومادقت كلش البنت اشفيها شصار فيها مابي منها بس بطمن عليها بسال عنها 10 سنين موشويه اذا اهيا هان عليها انا ماهان علي خل اتطمن وادق وتشيله خالتها وتسفل فيني وتقول البنت ماتبي تكلمج انتي ليش تقولين عن ولدي حيوان وليش ت****نها على ولدي وليش ت****نها علينا والله يابنات افترت فيني الدنيا ماعرفت شقول بجيت مت ودقيت على ريلي واهوا بره كان مغترب بجيت دم وريلي دق عليهم وقال لخالتها حطي سبيكر وخل اختي تكلمني لاني بواجها بالحجي لانها كانت عندنا فنره وببين لكم منو الغلطان مرتي ولا اهيا وطبعا البنت قالت مابي اكلم احد وريلي حقد عليها وطلعت انا بشينه وانا الموزينه وانا اللي فيني وفيني يابنات احبها وايد وكنت اعتبرها بمثابة اختي واليوم اشوفها لاسلام لاكلام وتقعد قبالي تقول انا جذي واسوي جذي وريلي جذي وحجي وايد شافت عمرها وكاني وحده غريبه اييييه 10 سنين كنت مخدوعه يبنات اهيا الحين بتولد الياهل الثاني وللحين جبروتها عالي ومافكرت ليش الحقد والجذب ومادرت انه الدنيا دواره انا موهامني حقي صدقوني ولاهامني اني مظلومه انا اللي معور قلبي انها راح تنحط يوم من الايام بموقف خايس لمن تلف الدنيا فيها مو حلو الواحد ينكسر من بعد تكبر الله يعينها :sad_smile: والله قاعده اكتب وانا ابجي لاني جد انظلمت واغلبية الناس حسبالهم اني انا سبب مشاكلها مع ريلها واهيا للحين تمشي وتقول اني كنت بطلقها سوت فعلتها وقطتها براسي ومن بعدها انقرصت وايد من رفيجات هم حاشتني حالة صدمة كبيره وقمت انظوي على نفسي وقمت اشوف كل الناس نفس الشي لدرجه ريلي يترجاني انه ترد ابتسامتي مثل اول بس موقادره ياناس ابي افهم ليش الدنيا جذي ليش قلوب الناس صارت من حجر حسبي الله ونعم الوكيل حسبي الله ونعم الوكيل كنت عايشه بفرحه وضحك وتعالوا شوفوا حالتي من غدر الناس وصدمات اللي عشته كانت فوق وطحت بفتره ومحد وقف معاي وقفت مع ناس ومحد وقف معاي والحمدالله قمت اوقف على ريلي مرة ثانيه وربي معاي هذا غلطة الـــــــــــــــــــــــــطــــــــــــــبـــــــــــــه قصتي اللي اثرت بحياتي ابي رايكم لاني صج تعبانه حيل موشويه :sad_smile:
والله اني ألعن من مشكلتك بكثيييييييييييييييير بس خليها على الله كل ماذكرت تحسبت الله عليهم >>>>>المهم خلك شخصية قوية....والحمدلله اللي بانت على حقيقتها لانها كانت تغار منك واعتبري طيبك اللي سويتيه صدقة عن نفسك وعلى قولة المثل"القافلة تسير والكلاب تنبح"
لا يهمج شئ ترى كلنا صار فينا هالمواقف فمالج غير رب العباد اشكيله وهو اللي ياخذ حقج من كل وحده ظلمتج فقولي لنفسج لا يهم السحاب نبح الكلاب تكرمون وطنشي مصيرها بيوم بتجيك تبجي ندم وماراح تلقا الا انتي عاد الله يخليج عطيها كلام يهزها شوي وذكريها باللي سوته علشان تحس باللي حسيتي فيه لان هالاشكال ماينفع معاهم الا نفس تعاملهم والله مو كفو هالاشكال تضايقين نفسج عليهم استانسي دام زوجك معاك ولا تظايقينه انتي ماخذته مو ماخذه اخته راحت ماتشوف شر اهم شئ ابو لعيال حطي بالج عليه
حبيبتي اهيا غلطانة ماتدرين لو غيرة منج لان زوجها يعرفج ويحترمج اكيد يطريج قدامها انتي 10 سنين انا 25 سنة صداقة وقريبة مني بس بعد بينا القدر الله يسامحها الله يسامحها هذا الي اقولة وشوفي كما تدين تدان خليها تمشي على هواها ترى الدنيا دوارة ومو انتي الي تنطرين منها الفرج اهيا الي تبي الفرج منج وربج بيحدها عليج وصدقيني دايم المضلوم دعوتة مستجابة ادعيلها بالهداية اقولج شغلة مرة وحدة اشوف نفسيتها متغيرة المهم سالتها ماخليتها جان تقولي فلانة تقول كيت وكيت عني انا ظلمت الدنيا فيني لانها مالفة سالفة البنت عني تبي تخرب بينا ومارتحت الا لما واجهتهم ببعض ماتدرين يمكن سامعة شي صارحيها ترى مافيها اي شي كلميها بشعورج ناحيتها شلون كانت وشلون صارت ترى مايتشرة عليج الا الي يعزك وانتي تحبينها كلميها شوفيها شنو فيها ترى عادي حلو المواجهة بهالامور لاتخلينها على عماها بالعكس افتحي معاها الموضوع ويمكن مافي شي بس النفسية تغير بعد الزواج تلهى مع الزوج يعني انا حالتي مو مثل قبل الزواج اهلي بالاسبوع مرة اشوفهم الواحد بعد يقدر الالتزامات يمكن مضغوطة من شي حاولي تكونين معاها ونصحيها
ماقدر اكلمها ناس وايد يوو يكلمونها وقالت لاتبطلون لي موظوعها مو ناقص هالاشكال تكلموني عنها انتي فاهمه شي سوته اهيا قطته براسي يعني طبخة طبختها وتقول انا ماسويتها ومنو اقرب الناس لها انا قطتها علي مشكلتها اللي كانت بتوصلها للطلاق وشنو اللي صار بينها وبين اهل ريلها الله واعلم اللي خلت الكل يكرهني وقالت انا كنت بطلقها واكوكها وانها تغيرت على اهل ريلها بسببي الله العالم اني كنت انصحها وجدام ريلي بعد انا صح احبها بس مابي اكلمها حتى لو تييلي مااكلمها بس انا بفهم ليييييييييييييييييييش الناس صايره جذي ولا يسوون سواتهم ويقولون احنا ماسوينا واحنا مظلومين مشكووورين على المرور وماقصرتوا حبببببببببياتي ربي فوقي وعالم بكل شي وماقول غير حسبي الله عليها والله ياخذ حقي يارب انا ريلي وايد زين معاي المشكله موجذي ريلي هم قطته بسالفه والحين قاعده تكره ريلها باخوها علشان لايحتك معاه وايد خايفه لاريلي يفضها عن كلامها البايخ اللي قالته عن اهل ريلها عند ريلها ايييييييه الله كريم المشكله موواقفه عليها وايد بنات انجرحت منهم ليش صايرين جذي مو الكل الاغلبيه ليش بفهم ليش من جدامي يحبوني ومن وراي شي ثاني صج شي يعور القلب
هلا اختي . . . طيب اذا شريتي تفاااح وطلع فيه شي خااايس تقطينه وإلاتقعدين يم الصندوق وتبجين ليش غشوج فيه. . . مع فارق ان التفاح شي ماعنده احساس والانسان احساس ومشاااعر . . . التفاااحة الخايسة قطيعها ولا تهتمين لها كلششششششششششششش . . . يعني اخرب نفسيتي وحياتي واخليها تدور حول محور هالانسااانة !! في امور في حياااتج اهم منها زوجج نفسيتج اطفالج . . . واهي صدقيني بدوووور فيها الدنياااا وبيعرفونها عدل مدل اهل زوجها وزوجها بعد . . . وخلي زوجج يقول لرفيجه كلمة وحدة :زوجتي وقدامي حاولت تصلح بينكم دوووم واهي اللي ردت اختي لك لما زعلت . . . وسوالف الحريم لا تأثر ع علاقتنااااا ابدااااااااا . . . وخليها عنج واهتمي بالامور الاهم في حيااااتج . . . ولج رب اسمه كريم . . .
تسلمون ياقلبي على الردود اللي ترفع معنوياتي وانشالله مابحط اهتمام لهل الموظوع وعلى فكره ريلي قال لهم اني انا اللي كنت انصحها واقولها صبري وردي لبيتج المهم ماقصرتوا وادري كل ظالم له يومه
حبيبتي لا تزعلين نفسك هي مي كفو تزعلين عليها بعدين أنتي رايتك بيضاء قدام الله وهذا أهم شي بالعكس إنتي إنسانه عظيمه نادر وجودها ليش تزعلين وإنتي طيبه والله يحب الطيبين وهذا ابتلاء من الله والله يبتلي إللي يحبهم الدنيا فانيه لا توقفين حياتك عليها ولا تهتمين لها إنتي على حق وواثق الخطى يمشي ملك وإنتي ملكه بطيبتك عيشي حياتك اضحكي واستانسي وسافري وتكشخي وهي لا تخافين الله بينصرك عليها تذكري قول الله تعاالى وعزتي وجلالي لأنصرنك ولو بعد حين صدق الله العظيم
قلبي انتى ترى كل وحدة على وجه الارض عانت وتعبت مثلج واكثر بس مثل مايقولون خلي الي بالقلب يجرح احسن مايطلع ويفضح فاهمتنى انا غريبه عن عيالي من ديرة يالشرق واهم من الغرب وعانيت اسوء الاحتمالات فاهمتنى حتى اني بالعيد انزل اعايد عليهم واجرهم وحدة وحدة وابوس راسهم لانى غريبه ببلد غريب بس انك لاتغير مابقوم حتى يفيرو مابانفسهم والمريض مريض مافي له علاج واحسن طريقه هوة الحقران يعنى حقريهم لانه الحقران يقطع المصران ومن قمت اطنشهم صارو اهم يركضون وراى صدقينى
شوفي ياقلبي باب يجيك منه ريح سده واستريح خلاص خليها وعامليه بالرسميه بالنسبه لحساسيتج اخذيها مني موضوع راح ياخذ وقته من الحزن والبجي سنه سنه وشي بس صدقيني راح ينتهي وتردين شوي شوي قويه وتتعودين ع عدم وجودها بحياتج والصبر كلما اشتد الباء اشتد الصبر وانا اختج والله يريح بالج ويكفيج شرها
السلام عليكم و الله يا خييتي لا تعطين المشكلة أكبر من حجمها ، لأن ان اكرمت الكريم ملكته و ان اكرمت اللئيم تمردا ،أصابع مو سوا ، و لو خليت خربت ، الدنيا فيها الصالح و الطالح ، مايصير أشوف الدنيا سودا و ما فيه أحد أصادقه الدنيا من غير ناس ما تنداس ، شوفي حبيبتي ،شوفي الدنيا لوحة بيضها وهذي المشكلة نقطة سوادا بحياتج ، و ضحكي بويه رييلج أحسلج من حماتج ناكرة الجمييل
يسلمووو على مرووركم فديتكم والله تدرووون اني ناسيه موظوعي وتوني اشوف الردود الباجيه سامحوني ماتشكرت لككم على نصايحكم الحلوه تبون الصج انا صرت وحده ثانيه الحمدالله الحمدالله الحمدالله والله العالم شلون تغيرت نفسيتي ولله الحمد على فكره صصصصصصصصصصصصصج الدنيا دواره وانه الله موغافل عن شي انا مابي اتشمت بس بكمل قصتي لين اليوم شنو صار بس بختصر الحمدالله علاقتي صارت حلوة مع الكل بطيبة قلبي سامحت الكل بس اهيا ريلي مارضى قال بعدي نفسج ولاتكلمينهاا تبي اهيا تييلج المهم خواتي الحين اللي شلتها وعزيتها وداستني شوفو شصار فيها بتطلق ومتبهذله حدها وتبي ترد علاقتها وتبي تتصالح مع ريلي وصارت سوالف وايد ىبيني وبينكم وايد زعلت عليها وبجيت بس ريلي للحينه مصمم اني ابعد عنها واهوا رافض ان يسامحها تخيلوا بنات صارت منبوذه من الكل وتخيلوا كل وحده خذت فكره عني غلط بسببها تراضت معاي الحين تدرون ليش لانه قالوا لها الغلط طلع منج مو من هالانسانه اللي ظلمتيها وقطيتي بلاويج عليها سبحان الله والله مابتشمت بس لاني بوضح لكم الموظوع وان ربج بالمرصاد سبحان الله حسبي الله ونعم الوكيل والله قلبي شغلني عليها للحيني احبها بس الكرامه فوق كل شي ومشكورين فديتكم والله وصج ماقصرتوا لاني خذيت من وقتي منكم شوي
يازمان الاقنعه وين الوجيه كل يوم يطيح لصحابي قناع ا شوفي حياتو الي زي كذا ماتستاهل تذرفين دمعه عليها لواني مكانك اقوم واجيها واحط رجلي ع رقبتها واطقها والعن خامسها وكلاااام الناااااس اااطططقققععع ماشوف واساسن الي كذا طالعيها بطرف خشمتس ولاتعبرينها واذا حاولت ترجع العلاقه لاترجعينها لانها بتطعنتس مرتن اخر تقبلي هذرتي الغير طبيعيه
