تكفون ابي رايكم انصحوني شسوي المشكله ان مالي حل انا عندي ناس والله اني ما اذكر اني في حياتي اذيتهم او حاولت اني ااذيهم او حتى فكرت في هشي بالعكس انا الى الان كل ما اسمع منهم شي او اشوف منهم شي احاول اقول لنفسي اني غلطانه بس احس اني معاد اتحمل بس المشكله اني ملزومه منهم يعني اوجبهم في الاعراس واجيهم في المناسبات واوجبهم اذا احد منهم ولدت و صرت احاول قد ما اقدر اني معاد ازورهم لكي ما عاد اسمع الي اسمعه وشنو الي اسمعه الناس هذيل هم وناس يصيرون لهم عمر مع بعض واهل ولاكن اني مصدومه بهناس والصدمه من زمان وكانت صدمه صراحه هي قويه علي قويه بالحيل والله الشاهد علي اني ماتخيلت ان في ناس جذي الطرف الاول عايله خنقول م والثاني ب الاول م يحبون هل عايله ومايرضون عليهم ولو بكلمه ولو كانت صحيح كذبوها وعندهم انتي اللي كذابه وانتي اللي حقوده وكارهه ان لهم مع بعض عمر وانهم على قلب واحد وهم والله الشاهد العايله ب مايحبون لهم الخير ابد وهذي صدمتي فيهم فكنت في يوم عند العايله ب وكانو بيجونهم عايله م ويوم درو انهم جايين في الطريج قالت الام روحي يفلانه بسرعه لثلاجه قفليها بسرعه عيالهم الحين بيجون ويرمون الاي في الثلاجه ولا راح يخلون شي فيها عاد المصيبه اني كنت جايبه عيالي عندهم واصبت بالذهول وصرت انا وحماتي نطاااااااالع بعض من الصدمه لانا عارفين شكثر يحبون بعض المهم صكيت عل موضوع لاني ماحب الفتنه بين الناس ولا النميمه وراحت الايام ولا عاد كررت اني اجيب عيالي عندهم وربي عيالي صارو الحين كبار ويجونهم بس بالمناسبات مع ابوهم المهم في يوم كانت عندهم حماتي وحشو فيني عندها عرفت من وقتها ان مالهم صاحب وفي يوم فتحت وحده من بنات عايله م مشغل وربي ياناس والله فوقي اني صرت اكره اروح لهم بسبب انهم مايحبون الخير لناس حتى اقرب قريب لهم كنت عندهم وعمرهم ماجابو طاري الملابس جدامي ومايحبوني اعرف شمخيطين او مع اي خياط يتعاملون فجاه قالت وحده منهم يووووو من هل حريم لا فتحت مشغل طيرت السعر في العالي وغاليه ياحبيبتي تبين تخيطين روحي لفلان يخيط لج ببلاش لا وخياطه يجنن وهي حتى ما تحب اني اعرف اي شي عنها ولا تحب اعرف شنو موديلها او لون حتى الخام الى هذي الدرجه ووجييههم وربي حاقدين ليش فتحت مشغل عاد ردي بارد قلت اذا غالي فاكيد شي يستا هل والخام حلو وانا بصراحه من زمان عاجبني شغلهم وبفصل عندهم و ربي قعدو يطالعون في بعض لا وكل مره يروحون عند العايله م اللي مايحبون لهم الخير يحشون فيني ومعبين روسهم اني انا الحقوده واني حسوده واني عيني انا الحاره وانهم صكو المشغل من عيني انا وربي ان الحمد لله من فضله علي كل ما اتمنى يجيني وكل ما احب عندي وربي رازقني لاني كل ما اسوي شي ادعي ربي واقول ربي كثر خيرهم وارزقني من فضلك والحمد لله حتى هم شاهدين كل شي عندي ولله الحمد والشكر لان من حب لاخيه الخير قبل نفسه ربي رزقه بكمل بس ابي اول اعرف رايكم وردودكم وبعده اكمل لكم
حياتي الله يكون بعوووووونج هذول ناس مالهم صاحب منااااااااااااااااااافقين وجه جدامج ومن وراج وجه اقشعر خبيث حبيبتي اولا واخذيها مني وانا وخيتج صااار لي نفس ماصااار لج عاملتهم مثل مايعاااملوني طنشت فيهم ودايما بصلااااتي ادعي لهم بالهدااايه ولا ارد على اكبر رااااس ولو انا منج اواااجهم على بعض اخليهم يكرهووووووون نفصهم ويعرفون انه الله حق وترى العرج دساااااااااااااااس هذي حلليمه وخلاجينها صدقيني مايتغيرون وانتي موملزومه توجبين ناس مثلهم بصراحه يخوفون هذووول المفروض يكونون من اتبااااااااااع هتلر اختي فديتج اسمحيلي عالتعبير الانه مثل الي صااار معاااي واعتبيريني اتكلم عن جماااعتي المهم وقفيهم عند حدهم وقطي نغزاات بس عن ضحك عشااان الموضوع مايكبر اذا عن الثلاااااجه قولي انا بنت نعمه والنعمه طالعه من عيوني وشوي وازوع من كثر النعم بااالللللله من فضلك مع شوية ضحكه وخباااااااااااثه صدقني هالاشكاال ماتنفع معاااهم الا مثل اشكالهم يانج تتطبعين بطبايعهم او انج تتركينهم خير شرر تقطعين صلتج فيهم وكانه العيد بعد........ وصدقيني بترتاحين اذا ابتعدتي عنهم لاعوار راس ولا كلااااااااااام يسم البدن وعيشي حياااتج عادي وانسيهم وصدقيني ربي بيحط حيلهم بينهم وراح يعوفون منو الي يتكلم عنهم ومن وراهم بيوصل لهم كل شي هذوول ينامون على مخدة الحش ويقومون على قلااااااااااص النميمه والغيبه الله يعينج عليهم هذول مادري منو يعبدووون وحق منو يصلون مايخااافون ربي يوما يرجعون فيه الي الله
انا ماايد انج تقطعينهم ربج ياخذ حقج منهم وهذا دليل على حقدهم وااااااااااااجد ناس جذي بس ربج فوووووووووووق الله ينصرج وكملي حبووووووووبه
الله يعينج ويصبرج ولاتقاطعين احد وصدقيني ربي بيظهر الحق واهم شي انت واثقه انج على حق وربج سبحانه يعلم بصدقج وكلي امرج لله وكملي حبيبتي
والله ان مصيبتي اكبر من مصيبتك بألف مرة والمشكلة انهم اقرب الناس لي لدرجة اقطعوا العلاقة مع أهلي من الحقد والحسد والنار اللي فيهم والعياذ بالله/ بس الحمدلله الناس ماصدقت كلامهم فيني ابد لانهم عارفيني انا شنو وتربيتي واهلي وخوفهم من الله ولله الحمد سوي مثلي"طااااااااااااااااااااااااااااااااااااااااااااااااااااااااااااف" طنش تعش>>>واذا هم مايوجبوك لاتوجبينهم باختصار هذوله ناس غيرانة منك>>>احقريهم طال عمرك انتي الشجرة المثمرة عندهم والقافلة اللي تسير لابد وراها كلاب تنبح
مشكوووووووووووووووووريييييييييييييييييييين كلكم والله يعطيكم العافيه وماتقصرون والله ان ردودكم ريحتني والله شاهد
اااااااااااااااااااااااااااااه من هل زمن الطيب فيه صار خبل وعقليه ضعيفه والخبيثه هي الطيبه في هل وقت بس لكل واحده رب انشاءالله يحاسبها على كل شي ان الله مايخفى عليه دبيب النمل وموكله دايم الدوم امري لله ومن عندي فهاذا شعاري في الحياة انام مظلومه ولا انام ظالمه هذي دعوتي في كل ليله الله يسامح كل من ظلمني او بهتني الله يغفر له عرض السما والارض
اكمل لكم والله بس ابي لين اوصل وعرف بشنو انا غلطانه يمكن ماعندي ثقه بنفسي او لا اني حساسه زياده عن اللزوم وترى هذي النقطه حيل متعبتني في حياتي الحساسيه الزايده المهم شوفو هل سالفه وابي رايكم بكل صراحه اختي من زمان تلح علي تقولي خل نفتح انا وياج صالون ومشغل بس انا كنت رافضه والله اني يابنات من الحساسيه الزاده اللي عندي كنت اقول لها وادري بتضحكون علي بس هذي هي الحقيقه كنت اقول لها ليش تبين الناس تقولي الخياطه والخياطه وحتى جماعتنا بيتطنزون علي والا انا ودي بس المشكله في الناس بيقولون ويقولون قالت لي يل خبله كل الناس عندهم مشاغل وما عليهم من احد والخياطه شي عادي اصريت ورفضت والا انا قادره مادين اني افتح مشغل المهم حطينا في بالنا انا وياها نفتح صالون بس زوجي رفض وهي ماتقدر تفتح بالحالها المهم واللى الحين وانا افاتح زوجي اني اجيب لي عماله لصالون منازل المهم في يوم فتحت معاي اختي الموضوع مره ثانيه اني افتح مشغل وهاذ بعد ما فتحت بنت عايله م المشغل بفتره مو على طول وقالت زين استشيري فلانه بنت عايله م قلت خلاص بشوفها ومادري والله مو مقتنعه عاد في يوم كنت رايحه لهم في مناسبه عشاء فخذيت هذي البنت وقلت لها الموضوع وقلت انا ماعرف اصمم ولا شي بس ابي افتح خياط مثلا يخيط لناس ويصلح ويكون خياط عام قالت بالعكس عادي وانت الربحانه الخياط العام مدخوله احسن والخياطه عادي ومافيها شي المهم طلعت من عندهم وانا في بالي التردد بس الحاح اختي هو الي شجعني وكان عندي المكان المناسب واتكلت على الله وفتحت الخياط وبعد فتره والله يابنات اني صرت اتضايق من المشغل حقي وصرت احس بدوخه كل ما دخلت المحل لان كل ما احد عرف اني فتحت مشغل قعد يتكلمون عني والله وربي حتى في وجهي تكلمو ماعاد استحو لا عارفين اني حيل خجوله ويقولون من وين لج هل جرائه انت حتى صوتج مانسمعه شلون علمينا وربي كنت اوقف جني بلهه واسكت وحتى كلمه ما شاء الله مايقولونها ولا الله يعطيج خيره ويكفيج شره ولا اي من ذكر الرحمان المهم بعد فتره قصيره وديت الخياطه ماعاد اتحمل وقعدت فتره وفي هاذا الوقت زاروني عايه م وقعدنا نسولف قالت شخبار مشغلج قلت والله راحت قلت خياطها مو زين ووديتها ولا ذكرت لها اي شي عني ولاشي قالت اما انا فراحت الي عندي انا انصدمت قلت ليش ليش تروح عاد قعدو يطالعون في بعض هي واختها قالو ليش بعد قلت من سذاجتي ومن حسن نيتي وربي شاهد علي اي والله ليش قالو من العين وهي تخزني وهاذيك صاحبه المشغل صاده بوجهها مني هني صمت للحظات وحسيت في نضراتهم لي شي ومايدرون ان الصمت ابلغ من الكلام قلت في خاطري والله الشاهد علي اني كنت كارهه اني افتح مشغل واني كنت ادعي ان الله يوفها في مشغلها وان الله يزيده من فضله وقلت في خاطري اهم شي عندي ربي مهما فكرو فيني العباد ومن يومها وانا حاسه انهم ماخذين كلام عايله ب انهم على حق زياده على الاتهامات الي الله عالم بها يقولونها في حق عندهم وهم لا مبينين انهم يحبون الخير لهم بس جدامهم الله المستعان والله يابنات عمري ماشفت شي الا اذكر ربي لاني تعوت على ذكرالله من وانا صغيره وصارت في لساني كلمه ماشاء الله انطقه حتى لو سوالف عادييه عاد بنت العايله ب تقولي مو ملاحظه انج تقولين ماشاء الله واجد في كل شي انا انصدمت وربي ما تصدقون مارديت الا عادي من كثر ماني خجوله ذكر الله زين اقول وكل مره اسمع اشيا واعديها وضحك عادي تصدقون في ناس تضحك من شي يضحك وانا اضحك اذا صرت مقهوره من يش قاهرني ومو قادره اشرحه مدري ليه مره كنت رايحه اوجبهم بناتهم ثنتين جابو صبيان عاد انا من اللقافه واحنا كنا نسولف ونضحك قلت عاد انتي شجبتي حق وحده منهم لان الثانيه ادري شجابت قالو مع بعض مثلج مثلج مكرر عاد انا فاهمه قصدهم وقهوره قلت وانا اضحك ولي اول مره اصير دفشه من غير تعمد وربي بس مدري شلون طلعت الدفاشه مني قلت ليش ليكون احد منكم معيب علي ان بس عندي عيال وسكت ورديت وقلت ربي هو يرزق من يشى ذكور او ايناث وغيرت الموضوع وبعد فتره جابت بنت العايله ب بنت بس مارحت لها اللى متاخره لضروف صارت لي ما قدرت اروح لها بدري بالعاده وراعينا عندنا لما احد ينفسنا صح وا لا وهاذي وربي يا بنات موديه بنتها مع الشغاله فوق شلي دراني اني قاعده ولا جبت سيره بنتها ابدا ولا سالتها عنها ابد يوم شافتني ماجبت طاريها روحي صوتي على الخدامه قالت وين فلانه نايمه خلاص خليها خليها تسال وترد على روحها على بالها اني بتليقف وقول جيبيها لا وربي ما عاد اهين نفسي لا احد ويوم جيت بطلع عطيتها فيدها كسوتها ورحت ولا طرت بنتها في بالي ولا جبت سيرتها مو احسن تدرون المشكله وين انهم يصيرون لي بس شلون وانا اسمع انهم يتكلمون علي شلون عاد اروح لهم والمشكله اني بطبعي ماحب المشا كل ولا افرق احد واذا معاد رحت قالو شبلاها ماتعرف توجب ولا تحب احد ولا تحترم احد وهاذا اللي اسمعه فشلون الوحده تسحب نفسها واذا تكلمت اكيد بتصير مشاكل وانا في غنا عنها واذا بضل اروح بضل اسمع نغزات غير مباشره بتنبط مرارتي
ترى الدنيا مافيها احد مرتاح ويابخت من نام مظلوم ولا نام ظالم. لكن لاحظت فيج انج ماتردين عليهم خير شر هل هذا خوف او خجل؟ صحيح الانسان يتوكل على المولى في كل أموره وهو اعلم بالخفايا لكن( المؤمن القوي أحب الى الله من المؤمن الضعيف) فليش هالتخاذل ؟ بتقولين مابي اسوي مشاكل بقولج وليش هم يبون يسوون مشاكل؟ واصلا شنو راح يسوون اكثر من اللي الحين قاعدين يسوونه؟. يعني يوم تكلموا عن الحسد ..كان ضحكتي وقلتي: شدعوة لاانتي اول وحدة ولاآخر وحدة افتحت مشغل وعلى فكرة في مشاغل تبارك الله افضل بكثييير لكن هذه مشكلتنا يالعرب كل ماخرناها بشي قلنا عين وحسد!.........وخليج جدا ريلاكس بالرد منها قمعتيها من تحت الى تحت ومنها بردتي جبدج. ولما يقولون ليش دايم تذكرين الله جان هم ضحكتي ورديتي عليها :ليش انت من اللي يضايقهم ذكر الله !امبيييه لا اقرى عليج الكرسي وتختفين! صدقيني مرة ردي من تحت الى تحت وناقشي وجهة نظرج برزانةوهدوء تبينين قوة شخصيتج ومرة تغافلي وتغابي لان سيد القوم متغابيهم ,وخففي من جمعتج وياهم يعني مالا داعي تواجهين ناس ولو كانوا اقراب يتعبونج نفسيا لا تقطعينهم خير شر, لكن العاقلة تشتري راحة بالها ونصيحة اخيرة انظري للموضوع من زاوية ثانية ,غير انج مسكينة وضحية, يمكن هالمواقف اكثر ماراح يفرحج يوم الحساب لان كل مايصيب المؤمن حتى الهم له فيه خيرة.واعذريني على الاطالة او اني شديت عليج في بعض النقاط والله يعيذج من شرورهم .
يا الله توني اشوف ردج والله انا مو خبره في النت ولا اعرف له كتبت الموضوع ودورت عليه وما لقيته واثاريه في الصفحه الثانيه ههه وحده غشيمه في النت على العموم شاكره لج ردج وبلعكس انتي صاجه في كل كلمه تقولينها بس والله ما تعرفيني انا المشكله معاي من وانا صغيره خجوله جدا ومعاي ارهاب اجتماعي وثاني شي والله ماحب اصير من هذيل اللي يتنغزون على الناس من تحت لي تحت لا والله احب الصراحه ولو كانت مره على الاقل ما اغتب احد ولا ابهت احد بس المشكله في هزمن الصراحه توجع فما احد يتقبلها ولا احد يحب الصراحه شاكره لج حياتي
دايم ذكري الله الحسد والحقد موجود استغفر الله ياااربي مايتركون احد بحالة عامليهم ع قد حجمهم ولاتعطينهم اكثر مما يستاهلون والله ما يضيع حق احد خلج واثقة من نفسج نامي مظلومة ولا ظالمة
