اختي المسكينه ام غازي الصواغ دايما تعاني من معاناتها 1_ قدمت اختي ام غازي على خدامه بعد طول عناك وكرف لما قالت بسقدمتها عاد قبل شهرين وجتها الخدامه بعد شهر ونص يوم جت ما تهنت فيها اول شي كانت الخدامه تشتغل وشحلاتها وبعد 10 ايام بدت الخدامه تعصب واختي كانت تنام عندنا علشانها حامل وكانت كل بين فتره وفتره تروح لبيتها والخدامه تروح معاها ويوم من الايام قالت اختي ام غازي للخدامه علشان نرجع للبيت قالت الخدامه ليش انا اشتغل في بيتين اختي قالت لها اي بيتين انتي حتى مو قاعده تشتغليت واجد الله وكيلكم تنام لي الساعه 2 العصر ومو عاجبها الافندية وكانت اختي ام غازي حيييل طيبه عليها والله لكن هي ما تستاهل الطيبة والله وقامت الخدامه تعلي صوتها على اختي واختي ام غازي عصبت وقالت ما راح اقعدج ببهالبيت ترجعين المكتب وكانت تبي تنحاش الافندية طلعة ام غازي برة واخوي ونادوها ودخلوها غصب لا وتدرون شنو شايله ؟؟؟ شايله ملابسنا وملابس عيال اختي والعابهم يعني بايقتها هي يوم جت كانت جايه معاها جنطة ايد والحين يوم راحت كيس كبييير بطول اكياس اللجنه ورجعوها وردت اختي للكرف مره ثانية ورجعت بيتها علشان ما تبينا نشتغل لها المسكينه 2_دشة العاشر وللحينها ما ولدت ومتعذبه المسكينة و كل ما تروح العدان يفاولون عليها 3_قبل يوم كانت في شهر 7 و8 كان يجيها طلووق وكان الرحم يفتح 6 و7 و الحين يوم صارة بالعاشر ما قامت تولد والحين يوم تروح للمستشفى يقولون لها الرحم مسكر الله على العدان الزفت الله يعينها ويصبرها انشالله ويصبر كل بنت نفس اختي المسكيه وشكراا
حياتي الله يكون بعونها ويصبرهااا على هالخدم الاذيه 0000 على اختج يبا خلها تروح مستشفى خاص يعطونها طلوق صناعيه وتحاميل تفتح الرحم ولا مذله هالمستشفيات الخايسه000 يبا اذا كلش كلش عمليه وترتاح المسكينه والله تعذبت الله يسهل عليها وخلها تشرب دارسين ومنقوع الزعفران يجيب طلق وخلها تمشي على رمل ولا تشرب خروع يبا خلي تسوي كل شي عشان تولد 0000 الله يسهل عليهااااا يارب0000
الله يكون بعونها ان شالله بس شسالفه ترى مايصير تقعد اكثر من جذي ب10حرام ترى يضر البيبي يبا خل تحول الفروانيه روحوا تهاوشوا مع ادارة العدان قولو شسالفه دشت ال10يبا عطوها طلق صناعي والله حرام لاتسكت على نفسها كلللللش موزين باجر لاصار ماصار اهي اللي راح تتعذب وتتألم
ياربي على مشاكل الخدم الي ماتخلص ومايحمدون ربهم على النعمه الي اهما فيها وبديرتهم حتى اكل ماعندهم واختج شلون ساكته على عمرها موزين دشت العاشر خليها تحول حق مستشفى ثاني. باسرع وقت
شكرا اختي العزيزة اون جي على احساسج باختج من امج وابوج واشكر خواتي اللي ردوا وتفاعلو مع قصتي الحزينة صج انا الحين تعبانة نفسيا وجسديا لكن كل شي بأجرة والله كريم ابي دعواتكم ومبارك عليكم الشهر
ربي يسهل عليج اختي ام غازي وانا ادعيلج واليوم الليلة الاولي من رمضاان ان ربي ييسر عليج ويسهل غليج وتولدين بالف سلامة....
مشكورين يا خواتي على ردودكم الكريمه والله يسمع منكم انشالله شكرا اختي العزيزة ام غازي والله يكون في عونج ويسهل عليج ياااا رب وانشالله بقولها تولد في مستشفى خاص والله كريم
لا والخدامه بعد تقول لأختي ليش انا اسبح عيالج وابدل حفاضتهم ليش انا امهم و لا انتي ههههههههههههه عجل شحقى جايبينها والمشكله انها مو دايم تسبحهم مرات وحتى الحفاضه مرات تبدلهم وشغل مافي شغل اغلب وقتها قاعده ماتسوي شي صح اون جي عدل كلامي ولا مو عدل
ربي بيعوضج بأحسن من هالخدامة . . . وربي يسهل امورج ولادتج يااارب . . . ولا تكدرين خاطرج على خدامة . . . خل وحدة من خواتج تروح الجليب وإلا الفحيحيل تلاقينهم شكثر استخيروا رب العالمين واخذيلكم وحدة وجربوها
بعد عمري علينا وعليج ان شالله الله يرزقج بخدامه طيبه وعلى قلبج وتحب عيالج بس تكفين روحي اولدي والله موزين ياقلبي حاولي تحولين مستشفى ثاني؟؟او روحيلهم كلميهم قولي شنو يعني اخليه يعشش ابطني عطوني طلق صناعي كلمي الاداره والله حيل احاتيج ياقلبي ومبارك الشهر عليج وعلى خواتج
والله كلامج صح يا ام عايشة والله هالخدامه ما تستحي انقلعت وانكبت اختي وردت تشتغل مرة ثانية ما اقول الا اللهم صبرج يا روح شقووول بس حسبي الله عليها من خدامه صج ما يترس عينها شي
هلا حبيبتي إخت أم غازي........... إخذي إختك ووديها لدكتور مدحت الشربيني بمستشفى الراشد وإخذي كلامة وبس إذا دخول ولادة دخليها إذا طبيعي 350وإذا قيصرية 550 والله كل ولاداتي عندهم والحمد لله هون وهذا رقم المستشفى 1886886 بعد دقي وشوفي متى موجود إرحميها ووديها والله يستر بصراحة تعور القلب.
الله يسمع منج يا ام مها انشالله تجيها الخدامه السنعه وتريحها طول العمر الله كريم شكرا لكم جميعا الله يجزاكم خير والله
لا والله للحينها ما ولدت الله يعنها كلنا قاعدين نحاتيها والله الله يسهل عليهاااا يا رب مسكينه والله احس ان قلبي يتقطع عليها كل يوم بطنها يعورها وتروح المستشفى بس العدان ما يدخلونها راح انجن انا والله
اللة يهون عليج ويسهل امورج وان شاء اللة تولدين باالسلامة وتكون عندج خدامة سنعة وترتاحين ومافيها شى اذا ريحتى بيت هلج والله لا يحرمج الاجر وعليج بالاستغفار وطمنينا عليج احنا بعد خواتج وان شاء اللة المرة الجاية تبشرنا اختج انج والدة اللة يسهلج حبيبتى
