السلام عليكم بنات ابي مساعده وابي ارائكم يالمتزوجات رفيجتي متزوجه من 14 سنه وعانت مع زوجها واهله حيييييييل وانظلمت واصبرت عشان عيالها وتحملت والله يعلم انها ما قصرت مع زوجها مع انها صبرت لانه كان تعبان حيل وعانت معاه وراعته مع انه كان مريض 7 سنين وكان مقصر عليها حيل يا بنات والله ما شافته منه شي حلو مرضها نفسيا عقدها قام يطلع فيها عذاريب بس عشان يتزوج ولما سافر تعالج وصار زين جازاها يبي يتزوج عليها مع العلم انه مو ناقصها شي جميله ومهتمه ومو مقصره معاه سألته ليش شنو شفت مني قالها والله ما جاء منج قصور ولا راح القى احد يتحملني كثرج بس انا ابي اتزوج رغبه بنفسي و فعلا ملك وعرسه قريب ولما طلبت الطلاق رفض وقالها اقعدي فبيتج مالي شغل فيج واعطيج مصرفج انتي وعيالج وبعد ما ملك جاها قالها ابي اجيبها عندج بالبيت ويوم عندج ويوم عندها وقعد يحلف لها ان العروس مو حلوه وانه تزوجها عشان رغبه بس اشرايكم لو كنتي فمكانه ((( الله لا يقوله))) شنو موقفج ؟؟؟
هلا أختي . . . بصراحة حرني تصرفه . . . ومن الحرة مو قادرة اعلق . . . خل تعيش حياتها ولا توقف عند زوجها بس . . .
والله على قولتهم ظل راجل ولا ظل حيطه خصوصا اذا عندها عيال بس خل تطنشهم ولاااااااااااااااااا كأنهم موجودين خل تكشخ وتطلع ةتزور وتستانس وتعيش حياتها بالطول وبالعرض
ليش امشي مجنونة ولا مسطولة ولا هبلة اذا مو عشان خاطرها عشان خاطر المساكين الي بيتشتتون وخلي يعرف ان الله حق تكشخ وتلبس وتزقرت وتعامل المرا وزوجها مثل الاثاث كانهم مو موجودين ومااخلية يلمسني مو بدلني بغيرها خلها تشبعة اخليلة حد ورسمية بس اغير لوكي ولبسي واكثر طلعاتي والبخور والعطر اغراء للرجل بس مايلمسني اقولة نفسي عزيزة ماتقبلتك مع غير حتى بالحلال تجيني عقب مرا لو تنطبق السما على الارض وربي عيالي وانا عندهم ليش لايكون اهيا الداخلة وانا الطالعة لالالا انا الداخلة وهيا الي طالعة مانصح تهد البيت بالمرا وبعد عشان تحرها خل تكلم بدلع وتامر علية وهيا قاعدة وتقول الطلبات الناقصة وهيا لازقة فية اطفشها من البيت بس تحاول تقلد لبسها وللاحسن والشعر والتسريحات ترد 10 سنوات قدام خل يلاحظ
بصراحه انا مع راي الاخت دراريع عليا وتعيش لنفسه ولعياله وهو خيرته بيرجع لانه ماراح يلقا أحد نفس هالانسانه الرائعه تتحمله ... الله يصلح لها عياله ويهديهم له ويرجع له زوجه يارب انصيحها بالدعاء وان الله يريح قلبها ويشيل الغيره منها
ذكريه بالله ولا تنسي الدعاء في الثلث الأخير من الليل إنما القلوب بين أصبعين من أصابع الرحمن يقلبها كيف يشاء الله يستر عليج وعليها
تقولله عطني فرصة ألملم مشاعري وافكاري وتحاول انها ما تظهر له غيرتها منه بشكل مبالغ - وتستعين بالدعاء وعقب لو حب اييبها يابها
.. ماترضى ابدا انه يسكنها معاها خل تقول له صراحة بعييد عن العين بعيييد عن القلب ولاتحط نفسك بماشكل انت في غنى عنها ,, بكرة تتدلع الجديدة وتتأمر خصوصا اذا كان من الرجاجيل اللي ينقلب حاله 180 درجة وهي تموت بحسرتها خل تتوجه لله وتطلب منه الفرج مع ملازمة الاستغفار ولاتسمح له ابدا يدخلها عليها.
