السلام عليكم أنا أول مرة إشارك في المنتدى وياريت تفيدوني بغيت استفسر عن شيء إذا كان زوجي يحبني وماخذني على حب هل راح يرضى فيني بكل عيوبي أنا مشكلتي اين متروسه شوي وزوجي يقول أنا عاجبة جسمي بس أنا مو راضيه على هالشي لأن احنا ليحين ماتزوجنا بس ملجه واعتقد أهوا لو شاف جسمي بعد الزواج راح تتغير فكرتة أبيكم تنصحوني أقبل برأية يعني أخلي جسمي جذي عاجبة أو أضعف
حياج الله حبيبتي بالمنتى وياهلا فيج طبعا تظعفين أحسن بس أنا عندي إختي متروسة شوي تقريا وزنها 67 كيلو وزوجها يقولها ياويلج إذاضعفتي مع العلم إن زوجها حييل ضعيف بس طبعا الظعف حلو تكونين جدامة ثقة أكثر والله وعلم يعجبة أو لا والله يوفقج ياارب
هلا ياقلبي اذا يحبج لو كنتي بقرة بيموت فيج الجسم والجمال مو كل شي اهم شي كسبية بالسان وكل ماقلتي انا متينة انا سمرا انا وانا بيقعد يدقق ويلاحظ اهوا ماخذج جذي بالاساس ولا كان شرط ابي ضعيفة او متينة بلسانج واسلوبج ووعيج وبثقافتج وعلمج والثقققققققققققققققققققققققققققققققة بالنفس راح تعمية عن اشياء ثانية بس الضاهر انتي تفتحين عينة على اشياء اهو بعينة حلوة خليييييييج ثقة لو كنتي شنو الثقة تحلي الوحدة بعين زوجها غصب عنة وبيشوف جسمج بعينة ملكان اذا مو عاجبة او قالج ضعفي هني بضحكة اذا ماضعفتلك اضعف لمنو من باجر رجم وبدي رجيم قاسي عليج بشاي رويال مو المصري الثاني سويسري اتوقع عجييييييييييييييييييييييييييييب للرجيم شربية 3 مرات باسبوع وشوفي الضعف والله يوفقكم ويخليكم لبعض ونتمنا اهنا مو اخر مشاركة
حياج الله حبيبتي بالمنتى وياهلا فيج طبعا تظعفين أحسن بس أنا عندي إختي متروسة شوي تقريا وزنها 67 كيلو وزوجها يقولها ياويلج إذاضعفتي مع العلم إن زوجها حييل ضعيف بس طبعا الظعف حلو تكونين جدامة ثقة أكثر والله وعلم يعجبة أو لا والله يوفقج ياارب تسلمين أختي على المرور
الله يوفقج دام عاجبه خليج جذي لو ان الضعف بشكل عام حلو بس مو عصله ضعف حلو جسم رشيق يعني الله يسعدج مقدما
اختي الغالية لا يغرج كلام قليلات الخبرة أنه جيه انتي تعجبينه عيل تمي جيه!!! لا تنسين وراج بإذن الله حمل وولادة وخلال هالفترة كلها وزنج بيزيد عالأقل 20 كيلو تخيلي عمرج عيل كيف بتستوين! ريلج بيحبج وبيحب جماعج - بس لفترة معينة حبيبتي وعقب بيبدى يمل منج لعدة أسباب ما اروم أذكرها هني
ليش مافي ثقة لبسي وعادي كم وزنج انا 95 وكل شي البسة وماابين عيوبي قدامة وصارلي 6 سنوات يقولي سوي رجيم وانا اسوي وامتن وليلحين يحن واقولة انا عاجبني بس متني الحلو راحمني الطول وكل يوم هذي سالفتة اضعفي وانا ماخذة الامور ضحك وعادي ومرات اذا لبست الشي قالي يالبطة امووت من الضحك كككككككككككككككككاك ولدي 2 ونص يقولي بطة حميسة ياحلوة فديتة وعادي لي يومج وانا بكيفي اضعف ومتن
صراحة تعبت وانا انصح بس الضاهر اذن من ماي واذن من طين شنو يعني مشوة مثلا عادي حتى العصلة فيها خطوط لايكون ماخذلة اوربية حتى الاوربية نمش وخطوط
والله ما ادري شقولج بس انا من رايي انج تضعفين احسن الضعف حلووو ويزيدج ثقه بالنفس ( : وبعدين انتي وراج حمل و ولاده و نفاس ان شاءالله ومعاهم راح يزيد وزنج حيييييل وبتكرهين عمرج والله اسإلي مجرب ههههههههه وعسى الله يوفقج ان شاءالله حبيبتي*
الله يسلمج ماسويت شي بس أنت خلي عندج ثقة بنفسج وتصيرين حلوة بعينه ولا تفتحين عين الرجال أنا متينة متينة خلية جذي راضي
