السلام عليكم بنات ادري انكم ناطرين قصة ولادتي بفارغ الصبر علشان جذي قلت ابكتبها لكم . طبعا يوم الاثنين كنت عند اهلي ودق علي زوجي وقالي خلي لعيال وامشي معاي علشان نودي ملابس خدامتي المنحوسة لان حضرة جنابها مسوية اضراب ماتبي تروح تشتغل فبيت ثاني الا بعد ما نجيب تنورتها اللي جاية فيها من اثيوبيا؟؟؟؟طبعا انا ما كنت اعرف اهي وين حاطتها فدورت عليها ووديتها لها، وبعدها رديت البيت ونظفت شقتي وما كانت فيني اي علامات ولادة، المهم تسحرت ونمت وقعد الساعة 5:30 الفجر وصليت وقعد اسولف مع زوجي لي الساعة 8:30 وبعدها راح الدوام وقالي ما راح اطول شوي واجي قلت : اوكي ، شغلت الكمبيوتر وقعدت عالمنتدى وبلشت ارد عالمواضيع وانا قاعدة كنت احس بعوار خفيف جدا لا يذكر بس انه منتظم وسألت نفسي: يا ترى هل هذي بداية ولادة؟ قلت لا مستحيل المهم طنشت وكملت رد عالمواضيع لي ما جات الساعة 10:30 جا زوجي من الدوام وقعدت اسولف معاه شوي، وانا قاعدة اسولف زاد عي العوار فجأة وصار موطبيعي مع ثقل وحسيت انه بطني حيل نازله قلت حق زوجي انت نام وانا بروح اجهز نفسي لأن احتمال كبير ان اليوم ولادتي طبعا هو ما صدقني عباله اتغشمر او ابالغ، المهم رحت خذيتلي دش سريع وصليت الظهر وكان وقتها العوار حيل زايد وما ينطاق عاد انا شسويت؟؟ دشيت المنتدى وكتبت موضوعي اعتقد عرفتوه :اللي هو اني بروح للولادة، وبعدها سكرت وقلت بقعد عالتلفزيون لي الساعة 3 العصر واقعد زوجي يوديني بس يوم صارت الساعة 1:30 ما قدرت اتحمل رحت لداري وقعدت زوجي وقلتله ودني بس هو عباله ان العوار مثل كل مرة قالي تعالي انسدحي وارتاحي يمكن شوي ويروح جيت وانسدحت لي الساعة 2:15 هني قلت لا مستحيل هالعوار عوار ولادة قعدت زوجي مرة ثانية وقلت له ما اقدر اتحمل قوم ودني طبعا انا كنت مفكرة اني اولد بلندن بس رحت للعدان وخيرة الحمدلله ، وانا بالسيارة قعدت اصيح من شدة الألم دخلت المشتشفى وعالطوارئ على طول فحصوني وقالولي انتي ولادة مفتوحة 5 سانتي انا هني استانست وخفت بنفس الوقت المهم لبست ملابس الولادة ونادوا زوجي علشان يسوي ورقة الدخول وقبل لا يدخلوني كلمني وقعد يآزرني وانا ابجي دخلوني وحطولي الدريب وانا العوار مستمر معاي وقاعد يزيد وجتني دكتورة كويتية يحليلها فحصتني ونزلت الماي طبعا انا قلت لها ابي اي شي يشيل العوار لاني مو من النوع اللي يتحمل ،،، طلبت ابرة الجنب والكمام وابرة الظهر مع بعضعطوني ابرة الجنب وقالولي ابرة الظهر لازم بعد ما تطلع نتيجة التحليل المهم بعدها عطوني الكمام بصراحة ما ادري شلون الحريم ياخذونه انا عندي ان ابرة الظهر احسن منه بواجد الكمام حيل يدوخ ويتعب اما ابرة الظهر تكونين واعية وحاسة بكل اللي يصير حواليج ، بعدها جاني الدكتور وقالي افحصج علشان اعرف اذا ينفع اعطيج ابرة الظهر؟ قالي اوكي الحين نعطيج اياها طبعا انا طرت من الفرحة / حطولي ابرة الظهر وارتحت ولله الحمد وعالساعة 6:05 فحصتني السستر قالتلي الحين انتي مفتوحة 10 سانتي انا استانست وقالتلي دزي بوش بوش وانا بشيت لما طلع ولدي حطوا على بطني وقلت الحمدلله ولدت وارتحت وبعدها نمت وجات الدكتورة وخيطتني 4 غرز جنهم 40 غرزة من العوار طبعا دخلوني الساعة 2:30 الظهر وولدت الساعة 6:15 المغرب الحمدلله ما طولت بس تعبت الطلق كان top والحمدلله الذي بنعمته تتم الصالحات ، احمدك يا ربي سهلت ولادتي ورزقتني بأحلى ولد طبعا سميته سالم على اسم ابو زوجي الله يرحمه مع اني ما شفته بس حبيته من كلام زوجي عنه واسفة طولت عليكم اتمنى قصتي تنال اعجابكم
حمدالله ع السلامة . . . ومبروك ما جاج ويتربى بعزكم يااارب . . . سويتي لنا ازمة محاتاه وقلق يا ام غااازي . . . والاخوات ما قصروا كل من قرأ موضوعج دعى لج بالسلامة . . . ولله الحمد كانت اياااديهم رحيمة وخصوصا الممرضااات كنت احاتيج منهم . . .
كللللللللللللللوش كللللللللللللللللللوش ولو انها متاخره شوي بس السموحه نايمه بالمستشفى والاب مو دوم عندي الف الف الف الف مبروووووووووووووووووك يام غازي سويتيلنا قلق هههههههه كلنا نخاف عليج ونعزج عسى ربي يوفقج ان شالله ويخليلج ولدج وباقي عيالج
مبروك حبيبتى ماياج ويتربى بعزج يارب والله زين العدان عندهم كمام وابره ظهر بعد لوووووووووووووووووووووووووووووووووووول حمدالله على سلامتج
مبرررررررررررررررررررررررررروك خيتي ويتربه بعزكم يارب والله يجعله من الذريه الصالحه ويحفظه لج يارب وحمدالله على سلامتج
