مكتب بخيتة العجمي نصب واحتيال

تحذييييير يااخواتي من مكتب بخيتة العجمي بالفحيحيل اخذنا منه سيلانية وماكملت 3شهور وانحاشت وهي على كفالة المكتب ومارجعوا فلوسنا ومعاملتهم موشي وقالوا انطروا واذا موعاجبكم روحوا اشتكوا وانا حبيت احذركم لانهم نصبوا علينا

هلا اختي . . .

اهي على كفالة المكتب ؟

اذا اي لازم يدفعون فلوسكم . . .

لكن اذا مو على كفالتهم اتصلي فيهم وقولي لهم انج ما تبين الخدامة وانج بتبلغين عنها انها متغيبة وتسوين

قضية في المخفر . . .

وانتبهي ان سويتي قضية تغيب لها اول ما يصيدونها بتصلون فيكم ويطالبونكم بدفع قيمة تذكرتها وتسافر

الشي اللي بيحر المكتب انهم بيفلسون من الخدامة وتتسفر . . .

لاحول ولاقوة الا بالله
حسبنا الله ونعم الوكيل

شلمصيبه
حسبي الله ونعم الوكيل كلهم نفس الشي
والعياذ بالله
وين بيروحون عن رب العالمين

اذا انحاشت الخدامه وراحت المكتب او اي مكان على طول قدمو قضيه سرقه وتغيب لانها ماتقدر تسافر و لاتروح اي بيت ثاني الا اذا انتو تنازلتو عن القضيه وماراح يدقون عليكم الا بعد ما تخلص القضيه وراح يترجونكم عشان تشيلون منع السفر واهما راح يدفعون لهم تذاكر
هالحركه صارت فيني

ومكتب النجدي بالفروانيه عند واحد اسمه ابو احمد او بو حمد الله لايوفقه لا في ماله ولا عياله بالشهر الفضيل مكتب قمة الحرام

أم فطومة :

من شهر انحاشت خدامة اخوي الخدامة ما تبي تسافر ويا اخوي بره الكويت بحكم عمل اخوي لازم يسافر

ويستقر بره الكويت وهالسبب نحشها !!

بلغ عنها وسوى لها قضية تغيب

اتصل فينا المخفر بعد اسبوعين من نحشتها وطالبونا بجواز سفرها + تذكرة لتسفيرها . . .

بعد جمن يوووم اسمع سكرتيرة المكتب عند الوالدة تقولها تنازلوا عن الخدامة

لان اخوي خدامته على كفالة المكتب واخذ بيزاته منهم . . .

الغريب ان الشرطي اللي اتصل فينا يقولي ما يصير الا تسفير وما تقدر تقعد بالكويت لان عليها قضية تغيب !

شلوووون تقولين المكتب يبي تنازل وتشتغل عادددي في اي بيت !!

اهي لغاية الان في المخفر لان من سوووء حظها اخوي سااافر وبيرد على العيد ان شاء الله

السلام عليكم

خواتي بغيت اوضح لكم عن الخدم بالكفاله

اذا اخذتي خادمه من مكتب وانحاشت وهي للحين بالكفاله تروحين تشتكين بالمخفر المخصص للشكاوي على المكاتب واعتقد انه بالرميثيه مو ذاكره عدل بس اسالوا بوزارة الداخليه

راح يخلي المكتب يدفع لكم فلوسكم لانها بالكفالة وانا ردولي فلوسي لما الخادمه رفضت تشتغل عندي غصب عنهم

لا تتساهلون مع المكاتب لان سكوتكم هو اللي يخليهم يتمادون بالغش

حبيتي فيه مكتب اسمه مكتب العماله المنزليه هذولا يظلعون الفلوس من عيونهم على كفالتهم او على كفالتكم وهذا اللي صار حق اختي اخوي ظابط ويفهم بهالسولف وهو اللي قالها عن المكتب

لا والله انا كذا وحده انحاشت مني ومحد رد فلوسي ورحنا مكتب العمالة المنزلية مافادونا بشي
بالعكس بس يلقون الخدامه يدقون يبون تذكره لها
والله حاله

حبيبتي عن خبرة لا تسوين حالة تغيب بالمخفر بس تروحون المكتب وتطلعون عيونهم غصب يردون الفلوس وتقولين لهم بالتهديد بس انكم بتشتكونهم العماله المنزلية مكانهم في ( بيان ) وتقولون حرضوها على النحشة ومعلمين الخدم اذا ما تبي البيت ومو عاجبها نوديج بيت ثاني وصدقوني دام كفالتهم وتوها جاية تلقينها بالمكتب لان قبل 4 سنين في مكتب سوا هالحركة معاي بس ما خليته يتهنى قال لي شسويتو فيها قلت له لا تلعب معاي الخدامه عندك والشرطة اليوم بتسحبك انت وياها بعد نص ساعة قال لنا هي بالطريق مع السايق بظرف يومين رد فلوسي وريوله فوق رقبته كاملة لا تسكتون عن حقكم ولا تشتكون بسرعة بالمخفر عشان ما يضيع حقكم ولا انتو من قلوسكم وفوق هذا تذكرة والله يرد حقكم امين ولا يوفقهم لا بمالهم ولا بعيالهم اللي ينصبون عالناس​

جزاج الله خير