السلام عليكم ورحمة الله وبركاته: كيفكم يابنااات ان شاء الله تمااام حبايبي حبيت اسألكم هل السونار له خطر على الجنين في الشهر الاول تكفون جاوبوني لاني قلت للدكتورة ان جهاز الحمل طلع لي ايجابي وهي قالتلي راح اسويلج سونار ولا قالت راح اسويلج تحليل الدم ولا جابت حتى طاريه الله يوفق كل من ترد علي ويرزقها الله باللي تتمناه وشكرا للجميع
حبيبتي لاتخافين شدعوا .. اهوا صحيح ان السونار يعتبر من انواع الاشعاع .. لكن بنسبة ماتأثر ع الجنين لاتحاتين وانا كل شهر اسوي سونار مايضر انشالله .. موفقة
الله يطمن قلبج مثل ماطمنتي قلبي وعسى الله يوفقج ويفتح باااب الرزق بوجهج وين مارحتي ومشكوووورة على ردج اللي يريح القلب والبال
مبــــــروووك الحمل والله يسهل عليـج السونار كل شهر اسـويه ومافيه اي ضرر على الجنين ^_^ بس ديري بالج موتسوي لج سونار داخلي مثل مرت اخوي قالوا مو مبين بالسونار الخارجي وسوت داخلي وطاح الجنين :< // مش مش :>
.... السونار الخارجي عادي بس الداخلي خطر وانتي توج بالاشهر الاولى حتى لو قالولج مو مبين لاتصدقين ....
الف شكر لكل من ردت على سؤالي وعسى الله يفتح بااااب الرزق بوجه كل من ردت علي ويوسع رزقها ويوفقها بحياتها ويحقق كل ماتتمناه اجوبتكم ريحت بالي وقلبي الله يريح بالكم مثل ماريحتوني
والله من اول شهر وانا اسوي لين اولد الحمد لله مافي شي ولدي باحسن صحه وهذا بيبي الثاني قاعد اسوي كل شهر عند د ناهد العلي اتهبل شاطره نفس امي ارتاح لها
اشلونكم بنات يعنى الواحد يسوى سونار بس مو على طول على حسب مايحددلك دكتورك والدكتور اللى يحطلك موعد كل سونار وباى تاريخ وصدقينى الدكتور اكيد عنده خبرة زينة فتوكلى على الله ولاتحاتين
