ثم والله قصتي صحيحه قبل ثلاث سنوات وانا وزوجي احلامن العسل معي منه ستت اطفال وخمس عشر سنه عشره نفس الناس نسافر ونزعل من بعض نفس الناس بدى الامور تتغير وبدا معي عوار بالضهر شديد والالم بالراش لايطاق وبدت رحلت علاجي مره هذا فري بالراس ومره هذا هوا بالراس ومن مره لي مره والاطبا قالو سليمه وتطوره الامور لعوار شديد بالبطن ولوعه معني موحامل فالوقت هذا زوجي صار عصبي ومايواطن حتى عياله وصار كل واحد بالبيت بروحه كانا مو متزوجين لانا اذا احتمعنا تهاوشنا بدون سبب رحت للحداد وقريت عنده شهرين ودخلت عنده جلسه مره وحده وتعبت نفسيتي من الناس اللي ينصرعون عنده ورحت عند الشيخ ارشيد بالخفجي اربع اسابيع ماكو فايده رشيت بيتي بماي هم ماكو فايده وقبل سنه صار زوجي يمد يده علي والله بدون سبب كن الشيطان يركبه لمن يشوفني وعند امه وخوانه لمن ينزل عليهم يتغير واخر مره قبل عشر شهور بدا وطقني بالعقال بصراحه تعبت تعبت وقلتله ودني بيت اهلي وقال فرقاج كنه ماصدق علي الله وقطني علي بيت اهلي الساعه ثنتين الليل ولي الحي وانا عتد اهلي وهو تزوج والله ثم والله ماشاف عياله لي هاللساعه حاولنا ندخل ناس قال متى مامل ابوها منها يحذفها عند باب بيتنا دقيت عليه بتفاهم معه مارد طرشت مسجات هم ما رد عيالي ابار يسالون عن ابوهم وحاولو يدقون عليه مارد عليهم حتى معاش عيالي ماجبته غير بالمحكه وعيالي ست اشهور والله علي اللي يقطونه علي خواتي من ابوي وبنات عمي حتى خدامتي ابوي يدفع معاشها وقبل عشرين يوم طلقني والله ثم والله انه كان احن علا عياله من اي ابو وكان لو يمرض واحد فيهم ماينطر لي الصبح وانا ماكان يرضى علي لو بكلمه والحين ورب البت انه يفتر حوالي بيت ابوي بعد الطلاق مره بسيارته ومره بسياره اخوه الرجال يبي عياله بس فيه شي يمنعه هذي قصتي وربي الي يترجاه كل مسلم مازليت بحرف واحد ساعدوني تعبت انا كويتيه بس امي بعد طلاقها مع ابوي تزوجت بالسعوديه مالي غيكم دلوني الله يجزاكم خير عن اي احد يعالج سواء مره او رجال تعبت وانا واولادي السته وخدامتي يعني ثمان اشخاص تخيلوا بعني عايله كامله بيت ابوي والمره اللي عنده مو امي تخيلو حالتي انا علا هل الحال لي عشر اشهر
في مطوووع بالمدينه المنوره والله زين بعد الله ويمدحووونه حيييييييييييييييييل رااحوو له كثير مثل حالتكم وتعدلت حالتهم وان شاء الله يرد لج وتروحون ويا بعض للمطووع ويشووف شنو فيك اهو ماشاء الله يفهم يعني اذا مافيكم سحر ولا حسد ولا مس بيقولكم علاجكم مو عندي .. وهذا رقمه >> 00966505309801 << بس دقوو عليه قبل تروحون لان احتمال يكون في مكه وربي يرجعكم مثل قبل وحسن وسشخرلكم عبيده .. لاتنسووني من صالح دعائكم ..
رحتله مطوع المدينه شهر خمسه اللي فات قريت عنده اسبوع عطاني عسل وماء وزيت وقال لازم اقرا عليج شهر بس ظروفي ماتسمح ابوي رجال كبير وراه بيت وعايله وخواني من ابوي صغار
..الله يساعدج ويشافيكم حبيبتي اقري البقرة بجلسة كاملة على ماء زمزم فيه 7ورقات سدر (مطحونين)واغتسلي بعد صلاة العصر قبيل صلاة المغرب لمدة 40يوم كاملة بدون تكاسل مع الدعاء في الثلث الاخير من الليل والله يفرج هموم المسلمين.
اي والله صاجة وسمتة ممتازة والله يشافيكم وعسى من ضركم يضرة بنفسة لاحول الله وعلى فكرة هم انسحرت كنت شاربة السحر بغيت اموتتتت والله سنة من زواجي بس بكي وكاني شايفة جني ويجيني عوار بمفاصلي كلة منسدحة وبردانة وصداع والم بالبطن كانت حالتي حالة على الله وقراية بو سامي يهبل وارتحت اول قراية عندة طلعت وقمت ابكي واحس جبل علي من الضيقة ورحت البيت مصدعة ونمت حزتها الجلسة نفس النار يطلع من فمي واغمى علي بس طولت 6 شهور قراية والحمدلله الحين حيل احسن ولاتنسين الرقية الصبح وباليل وعلى فكرة بس بتهاوش واحط الحرة بزوجي بس اهوا عارف حالتي وساكت حيل حيل ممتاز وترى السعودية اذا رحتيلهم يقولون ليش تجونا وعندكم بو سامي والحداد الحداد رحتلة وطلعت ماتقبلت المناضر الله يشافيج نصيحة روحيلة بو سامي خالة زوجي 10 سنوات ماخلت طب ولا طبيب وماحملت كل ماتحمل تحلم بقطوة سودا تنط على بطنها 2 يوم متعورة وعلى قراية بو سامي الحين عندها 3
الله يكون في عونج وشافيكم يارب مثل ماقالت الأخت عن المطوع اللي بالمدينة المنورة ولد عمتي صار معاه مثل حالتج مايواطن زوجتة وطقها وليمن طلقها مات جن يبي يردها وماقدر راح للمدينة وقعد شهر كامل قرا عندة وبعد 6 شهور رد زوجتة وماشاء الله عليهم مرتاحين والحمدلله والفال لج إنشاء الله عسى الله يردكم لبعض
إي وفي شيخ بالكويت إسمة سعود القطري ماشاء الله عليه بعد خوش شيخ بس والله ماعرف رقمة بس أعتقد إنه بمنطقة هديه وبعدين الشيخ اللي بالخفجي طلع مشعوذ والشرطة ماسكينة
ما اقول الا الله يشافيج ويعافيج يارب في شيخ بالقصيم في مدينة بريده ايعالج بالقرآن الكريم طبعا وعنده ذيب لان يقولون ان المسحور او اللي فيه مس يخاف من الذيب والله جذي سمعت اسألي عنه والله ما اعرف اسمه بس معروف بالسعوديه الله يشافيج ويعافيج يارب بالشهر الفضيل هذا ويخليج لعيالج
لاحول ولا قوة الا بالله ربي يشاافيكم ويعافيكم وتردين لريلج وبيتج انا سامعة عن الحداد خوش شيخ مرت عمي تشافت لماراحتلة بس روحي للي قالت عنة عليا لانج ماتقدرين تروحين لسعودية
لا حول ولا قوة الا بالله الله يهديه ويشفيها عليج بالقران وسورة البقرة مع المداومه علا اذكار الصباح وامساء وخليج من المطاوعه لان محد بيفرج لج غير ربي انشالله
جزاكم الله خير بس بنات انا سمعت ان فك السحر بالسحر للمضطر حلال اذا احد منكم سامع عن احد ثقه ياليت يدلني تكفون
انا اعرف مطوع اسمه ابو سامي بحفر الباطن سمعته حلوه حيييييييل والله يفك كربتس واكيد اللي بينك وبين رجالس اكيد سحر تفرقه الله الله بسور ه البقره والله الشــــــــــــــــــافي
