اسلم على الموجودين انا بعد انشالله راح اولد على شهر 10 وياكم يارب يسهل علينا كلنا ويرزق كل وحدة وتحمل راح اولد بدار الشفا وهذى ولادتى الثانية
صباااااااااح الخير ... مبارك عليكم الشهر ياكروشات وعلى الجميع حبيت انظم معاكم بالتجمع بس اخاف اكون متأخرة وداشة عرض انا آخر موعد لولادتي ان شاءالله 26/11 وهذا اول حمل لي وعسى الله يتممه وقالولي ولد .. وكل يوم نتهاوش انا وزوجي على الاسم والمولود ماطلع ههههه والله حدي خايفة من الولادة واحس اني ضايعة موعارفة شئ وحتى مو عارفة وين اولد,, تقبلوا مروري.. والله يسهل على الكل ويقومنا بالسلامة
هلا حبيبتي امج بخير انا بخير ايه من زمان كنت حاطته بس مافي تفاعل خخخخخخخخخ توه طلع فجاه خخخخخ نورتي فديتج
صباح النور والنويرعلينا وعليج ياربحياج الله بينا لادشه متاخر ولاشي عادي فديتج الله يتمم عليج يارب ياحلوكم خخخخخخخخ حددوا اسم ولا تدرين سوي قرعه هههههههه اكيد بتخافين لان هذا اول حمال لج بس نصيحه خليها على ربج لاتخافين اللهم امين ان شالله كلنا نقوم بالسلامه:tongue:
صباح الخير اشلونكم ومبارك عليكم الشهر وعادي ترى الحوامل استيعابهم بطيء يعني الموضوع يبيله شهر على مايصير فيه تفاعل وخصوصا بقسم الحمل والولادة ههههههههههههههههههههه ان شاء الله ولادتي 24 / 10 والله يسهل علي راح اولد بدار الشفاء بإذن الله طبعا لحد الحين ماجهزت ولا شي حايسه برمضان والقرقيعان ..ان شاء الله باقيلي الكفر والتجهيزات بحاول القطها من أي مكان علشان مافيني حيل احوس بهالحر .......
صباح النور والنوير حياج الله معانا بالتجمع والله يتمم عليج ان شالله انا نفسج مازهبت ولا شي لاهين برمضان وقرقيعان والعيد وعقبها بزهب ان شالله:teeth_smile:
وانااااااااااااااااا معاااكم اخر موعد ولاااده 27 -10 والله يسهل علي وعليكم يااااااااااااااارب حدى خااايفه ولا جهزت ولا شي فقرنا بويه العيد ):
السلام عليكم بنات انا توني طالعه من النفاس الحمدلله وولدت برويال حياه وسويت استقبال الكل ين عليه وحبيت ابيع كفري بس مو اي كفر ياحبايبي كفر على مستوى والله العظيم والكل انهبل عليه شنو رووعه بس مراح اعرضه عشان محد ياخد افكاري يتكون من كفر وخدات وكوشيه وقميص وكفر البيبي ولبس البيبي طقم كامل مع قبعته بس يصلح للولد اكثر لاني انا يبت ولد ترى صارلي 15 يوم من طلعت من النفاس وعموما مع الكفر شي تحطينه بالغرفه بس مراح اقول عشان محد ياخد افكاري شي غريب عجيب ولي حابه تييني بمشغل اختي وكل هذا ب 500 دينار بس ترى والله يابنات مكلفني حييييل والله العظيم مكلفني 800 دينار وببيعه 500 دينار بس ومااقدر انزل من سعره وصدقوني الي راح تشوفه راح تين عليه وانا واثقه الكفر كله كرستالات وبس الباجي مفاجاه عشان محد يبوق افكاري وانا مسويته وانا الي قاصهع خاماته ويايبه الكرستالات يعني والله مكلفني لانه اول بيبي وبجر وحبيت اكشخ عند حمولتي والكل انهبل عليه انشالله اذا شفت اقبال بحط رقمي عشانكم والله يقوم كل وحده حامل بالسلامه والله يعينكم على الولاده بغيت اموووت ماجني رايحه مستشفى رويال حيات جنه بيت الحمدلله الله يرزق كل وحده محرومه
وانصح كل وحده مراح اتسوي استقبال بالمستشفى لاتاخذه لانه يصلح حق استقبال لانه فيه شغل وفناتق يعني حرام تدفيعن لي 500 دينار وانتي مو مسويه استقبال بالمستشفى بس الي تسوي استقبال تقدر تشتريه مني
واي بنات مابقا شي وادش التاسع امبي والله خايفه مع انها مو اول ولاده لي باقي بس جم يوم يمه والله خايفه الله يستر يارب تسهل علي وعلى كل حامل بنات تكفون ادعولي الله يوفق اللي تدعيلي.. تصدقون مستشفى الامومه يقولون ادش التاشع تاريخ 1 اكتوبر واولد 31 اكتوبر بس هادي يقولون ادش التاسع 26 \9 واولد 26 اكتوبر احترت مادري متى بالضبط عشان ودي هالموه ادي امشي بالممشى يقولون المشي بالتاسع يسهل الولاده شرايكم؟؟
هلا ريان انا نفسج موعدي يا30او31اكتوبر خخخخ وحدي خايفه معنها مو اول ولاده ال3 بتكون ماشالله تعبنا من الثقل واللهابي اولد اليوم قبل باجر خخخخخخخخ
ريان امشي على تراب البحر واكلي رطب وتمر وروحي محلات اللي يسون عصاير اشتري اناناس طبيعي وشربي عصير اناناس وعليج بالدارسين ونقعي ريولج بماي شبه حار؟والجماع مع زوجج كل هذا بيفيد
