كل كويتية تشاطرني الرأي تدخل

السلام عليكم

كيفكم إن شاء الله بخيرررررررر

في شيء حاز بخاطري وهو مواضيع المسلسلات الكويتية المعروضة الآن.... أحس أنها تمثل المجتمع الكويتي بصفة خاصة والمجتمع الخليجي بصفة عامة بطريقة مقززة جدا مثل مسلسل زوارة الخميس يعني كلهم ما فيهم خير حتى الأب ((ثنيان))يطالع أخت زوجته بصراحة شيء مقزز وغير كذا مسلسل أميمة الي ما تبي بنتها تقطها في دار الأيتام وغير كذا في اغلب المسلسلات ان البنات يتزوجون من ورى أهلهم ويطلعون من ورى أهلهم أنا ما أقول أن مجتمعنا الخليجي مجتمع مثالي لكن
لما تتكرر نفس الفكرة في أكثر من مسلسل كأنها رسالة للمجتمعات الأخرى أن هذا ما عليه أغلب المجتمع ....

السنوات الماضية كان ما فيه مسلسل كويتي يخلو من شقة دعارة وتعاطي المخدرات ...

أنا أشوف أن المسلسلات هي نافذة لنقل حضارة المجتمع وعاداتهم وتقاليدهم ودينهم والله أحس إني أشوف مسلسل م***كي مو خليجي

أنا صحيح سعودية لكن متأكدة أن البيت الكويتي بيت نظيف ومخالف تماما لما يعرض على شاشات التلفاز لذلك حز بخاطري فحبيت أفضفض في منتدى من منتديات شقيقتنا الكويت



وأنتوا أيش رأيكم

صااااجه والله صح لسانج بس مابيدنا شي
اصلا زوارة خميس سموه بالمسجات الله يكرمكم (**الة خميس)
وصاجين شدعوه العايله كلها خونه شالسالفه؟؟؟؟؟؟؟؟؟؟؟؟؟؟؟

موو لاطفاال اعتقد ..

يسلموو خيتي .

صاجه بكلامج >> اللي يشوف هالمسلسلات يقول الكويت كلها جذي

حشا الديره كلها خيانة ازواج و دعاره و مغازل وبسسسسسسسسسسس

الظاهر ما عندنا شغلات زينه و تشرف عشان ينقلونها بمسلسلاتهم >> يعطيج العافيا

فعلا المسلسلات هذة السنة مسخرة وأرف وقلة حيا ... طايحين بوس وناس تحضن ناس

ناسيين اننا بافضل شهر شهر العبادة وناسين العادات والتقاليد للمجتمع الاسلامي

صدقيني اختي مو بس المسلسلات الكويتية حتى مسلسل طاش ماطاش حيل متفتح

وجري ..والله العظيم ابتلشنا فيهن هالمسلسلات يفتحون اعيون الناس ع اشياء خايسة وقلة

ادب كل هذا يعني شوفوا تمثيلنا صجي ومقنع ع حساب عادتنا وتقاليدنا الاسلامية

مااااااقوووول إلا ... الله يستر ع عيالنا وبناتنا من شرهم .​

هلا اختي . . .

اغلب المسلسلات العربية ومن غير ما اخصص واقول الكويتية او السعودية او الخليجية

هي مسلسلات تعبر عن فكرة الكاتب مجرد احداث وقصة ينسجها من وحي خياله

ولا تمت للواقع بأي صلة . . .

أختي . . .

مو بس المسلسلات الكويتية اهي الرديئة حتى السعودية والقطرية والبحرينية يعني ما نحكم

ع شعب او مجتمع من خلال شي وهمي . . .

ولله الحمد الكويت رائدة في العمل الخيري وفي البرامج الدينية واللجان الخيرية . . .

يعني ما يهمنا كمجتمع كويتي ما يعرض من مسلسلات كويتية ولله الحمد واثقين من نفسنا . . .

وما اعتقد ان هالشي بيأثر علينا لأننا نعرف ونعي جيدا ان اي كاتب يصطنع احداث قوية وبايخة

بس علشااان يجذب المشاهد ،مثله مثل الساكنات في قلوبنا وطاش ما طاش وغيره . . .

فهل طاش ماطاش يمثل المجتمع السعودي ؟!!

وهل فكرنا وقلنا ويييه هالمسلسل يحكي واقعهم ؟

لا طبعا لاننا تعرف ان في كل مجتمع الصالح والطالح

وحتى مكة اطهر بلاد الله فيها بلاوي من بعض الطالحين من هالشعب اللي يتفننون بال:

سرقة والاعتداء والغش والنصب

فهل نقول ان كل اهل مكة جذي ؟!!

لا طبعا

صح لسانك ام عبدالله وفعلن المسلسلات ماتحكي واقع الدول هي فكره تحكي بعض مشاكل الدول
والله يستر عالجميع

مسلسل الابراطور قبل جم سنه احسه فلم هندي بس انا اطالع بوقتاده و بونبيل ه\ه السنه وايد احسن

كل المسلسلات الكويتية هاسنه ولا شي تلوع الجبد حتى برنامج ابو قتاده وابو نبيل المفروض يضحكنا طلع بشياء حتى الجهال ما تقدر اطالعها السنه حرمنا الجهال ان يطالعون اي شي لان ما راح يستفدون منها باي معلومه

صح لسااانج اختى ام عبدالله ما قصرتى يااالغلا

صح السانج ام عبدالله كفيتي وفيتي بس لان احنا عندنا حرية فنحب انعبر عن راينا دايم بقوة لشي الي مايعجنا
مثل ما كنا ضد فجر السعيد وكتاباتها الي خلت المجتمع........

احنا ضد هبة حمادة وهجومها علي الرجل وضع المراءة بصورة المسكينة الي لازم تاكل علي راسها علشان تصحي
ودليل ام البنات والذل الي معيشهم ابوهم فيهم وبعدها انتفضوا وكل وحدة ابدعت!
وزوارة خميس الكل خونة والكل الحريم مايطلعون عن طوع اازواجهم
واميمة كل مشاكل البنات من وراء الرجل

صح لسانج ام عبدالله ماقصرتي!

موبس الكويت كل دول الخليج من غير تحديد اساميهم , وقصص المسلسلات توضح بعض مشاكل الدول سواء عربية او الاجنبية بس مع ذلك نتمنى كل سنة مايتكرر نفس القصص وخل يردون من ذكريات مسلسلات قبل عائلية ومنها فكاهية ويبطلون من قصص ومشاكل وفي اطفال قاعدين يتابعون معانا واذا منعناهم بيطالعون من ورانا !!!!

ايه والله يابنات صاجين هالمسلسلات تنقل صوره للمجتمعات والدول الثانيه انه احنا جذيه 00

مره رحت صالون بالامارات بنقش حنه لايدي ولا اماراتيه تسأل انتي من وين قلت من الكويت قالت صج تلبسون عبايه ونقاب عادي قلت اي ليش؟


قالت والله حنا نشوف مسلسلاتكم كله بويات والمفرعات على بالناا كل الشعب جذيه 000

يعني شفتووو خذووو فكره انه حناا على طول تفسخ واشكال الحمدلله الذي عافانا وعمليات تجميل اللهم لاشماته000

عمومااا المسلسلات تخص بس فكر الكاتب والحمدلله عاداتنا وتقاليدناا للحين متمسكين فيهااا000

يسلمووو عالطرح المفيد