المره مايبيلها شي كللللللللللللللللش اخذيلج بطل الماي العادي وحطي فيه شوي مره بكف ايدج واهم شي تكون المره زينه وشقرا ونظيفه يعني من حواج ثقه وحطيه في بطل الماي وخضي البطل عقب خليها تنقع شوي وانتي رايحه بالطريق المستشفى اشربيها طبعا لاتنسين تتعطرين بدهن عود والمسك من تحت اذا*** ومكان الشارب تحت الخشم وانتي اذا طلعتي من الولاده وودوج الغرفه وصحيتي اقعدي اشربي مره عشان اذا جاج احد ومتعطر مايلتهب خياطج وتعذبين فهمتي لأن المره افضل مضاد حيوي ومطهر حتى بعدين تقدرين تغسلين المنطقه اللي تحت بماي منقوع فيه مره تغسلين بس مو تحطين طشت وتقعدين فيه ترا موزين يعني نفس الغسول ودربالج دربالج تنقعين بماي يعني تقعدين بحوض او طشت في ماي دربالج لان اذا سويتي جذي يدش رحمج ويخربج مررررره وحده انتي سوي اللي قلتلج عليه يعني بس غسول من تحت واللي تقولج وانتي نفاس تنقعي ((اقعدي)) بطشت او حوض فيه ماي وفيه مره او دوا او ملح لاتصدقينها هذي يارفله يا عدوه الماي والملح زين بس يكون غسول وعقب ولادتج بفتره طويله يعني كم شهر عادي تقدين بحوض او طشت بس وانتي نفاس لا لان رحمج يكون وسيع الخياط بعد يخرب اتمنى تكوني فهمتي علي لاني ماعرف اشرح
لووول لا فهمت فهمت فديييتج الحين احط مسك وين :|؟ تحت خشمي لول و وين و المرة اشربها و انا رايحه الطبيب و بعد ما اولد ها ؟
اي دهن العود والمسك حطيه نحت خشمج (مكان الشارب) وتحت اذا*** والمره اشربيها وانتي رايحه المستشفى وبعد الولاده وبسسسسسسسسسسس
السلام ما انصحج تحطين مسك شنو فايدته؟ المره اوكي امي اتيبها بعد الولاده انحط علا مكان الشارب انشمها وورا الاذن وممكن تشربين منها شويه وحطي عالكوتكس بس من فوق وتحت مو مكان الخياط وتقدرين تغسلين فيها بس مو من اول شي نطري شوي 4 او 5 ايام احسن خل تحوش الجرح بس مو اذا كان فرش لا
حبيبتي روان مرحبا فيج اول شي وانا اقصد المسك اللي نفس العود انا اشتريه من القرشي اسمه مسك العروس ومع دهن عود عشان المرأه ماتشتم هذي الطريقه كله خواتي يسوونها عشان مايتأذون ولايتأذى خياطهم من العطور ويلتهب عليهم فهمتي في ناس ماتستحي تدري المرأه طالعه من ولاده وتجي متعطره وبخور عود تشمين ريحتها من بعد كيلو وتجي للوالده او اي وحده او شخص مسوي عمليه وتأذيه لانه العطور تأذي الخياط والجرح فهمتي
اي في ناس تبط الجبد يحطون عطووور مو من صجهم خووو المرة والده حرام تخلون جرحها يلتهب >>>> معصبه حدي ..
حبيباتي الي على وشك ولاده لاتقرب للعطور وتتبخر البيت بعلك البان عشان لا يلتهب عليج رحمج ويسكر وما يفتح حزت الولاده ولا يحوشج دهن عود او مسك دربالج الرحم وهو يتبطل ويتوسع يصير مثل الجرح واذا شميتي عطورات يسكر ويلتهب وما يبطل بسهاله انا مجربته بولدي وعلى فكره يقولون جداتنا الاوليات ان الرحم بعد الولاده يلتهب لين سنه بس انا حسيت انه التهب لين اربع اشهور تدرون طالعه من الاربعين وعطورات مت من تحت
عشان شذي استخدم مره اول ما اولد من هالناس الي لا مبالاه انا ما امدح نفسي بس اذا رحت لوالده ما احط عطر لاني مره بولادتي الثانيه يتني وحده متعطره لا بعطر قوي بعد وجرحي معاناه طول لين طاح كان حيل يعورني اتوقع بسبتها البطل امي تيبه لي اول ما اولد واتمضمض منه واحط علا خشمي وورا الاذن وبولادتي الثالثه من الخرعه حطيت فوق الكوتكس من فوق وتحت مو مكان الجرح لانه يقولون اذا الجرح فرش مو زين تحطين عليه مره
واااااي بنااااات ياااني الطلق اليووووم بقيت اموووووت بس بين طلقة و طلقة ربع ساعه جذي تعبت تعبت مادري شلون لاصاارت الصجية شبسوي؟ بناااات شلون استخدم عبة مريم اغسلها بعدين افووحها و اشرب ماايها ولا شلون ؟
هاااااي شلونج بنكيه شخبارج عساج بخير وربي يسهل عليج ولادتج وتشوفين ولدج معافى سليم قوولي امين انتي تقصدين كف مريم صح مره قريت هني انج لازم تفوحينها وتخلينها شوي تالي تشربينها انا بالتاسع وباقي لي جم شغله ماخلصتها قلت اخلصهم تالي ابدي عمليات انتحاريه لووول بس بغيت اسال عادي اشرب خروع حتى لو مافيني طلوق ؟
وصج مشكووره صاحبه الموضوع على هالموضوع الحلو مثلج انا عن نفسي طبعا زهبت شوي من مذركير وسنتر بوينت وعيد النصار شكلت يعني وكفري اخذته من وحده تصير لي ناعم حليو مع جيس البيبي والكلينكس وملحقاته لوول واخذت لي واحد عملي من دريم مول بس بنات ابي افرولات شوي كشخه يعني مو كشخه وايد وايد وغاليين لا بس يكون شكلهم حلو حق اول يومين وقت الزواره وين احصل ؟ يعني انا اشوف ملووت مذركير وايد عاديين يعني جنهم حق نووم ، ابي شوي اكشخ منهم نيوبورن مع مهاده وين الاقي ؟؟
روحي المجمعات اش اند ام ولا نكست ولا ماركس سبنسر وهم سنتر بوينت حلوين ملوتهم وفي محلات لملابس الاطفال تحصلين للمواليد والله يوفقج انا تقريبا خالصه حق الاربعين وملوت بعد الاربعين شوي للبيت والباقي بعدين اروح اخذ خو السوق مو طاير لوووووول:teeth_smile:
يعطيكم الف عافية عالموضوع الحلو بس للاسف انا ليلحين ما جهزت الا ملايس البيبي يس من سنتر بوينت وجم شغلة من المنتديات ،، ولا بعد مو كاملين مادري متى الحق اجهز عمري وباجي الاغراض والمشكلة ولادتي راح تكون في الشهر السابع من حملي
حيااتي انتي والله لاتكثرين حق النفااس حق الياااهل انا مكودة تكود والله حده ييبيله 10 و لا 12 افرول و اخذييهم من سرداب النصار البيبي كل يوم ملعوز هدومة و غير الترجيع و الدهن و الكريمات متحسفة شاريتله غالييين وبسرعه يكبر وحقي انا شريت بجامات يكونون بعلبه بنطرون و بلوزة كم طويل خذيتهم من فاشن مل خذيت 8 بجامات وبعد حرام ماخذه من اوشو تحسفت ألبسهم لان كله قاعده احط كريمات و دهن والملابس الداخليه السراويل ؛؛ السليبات :: خذيت من النقرة الجنوبي تحت و من الجميع بس خذيت درزن خوووو يتغسلون لاتحاتيين و ان شالله السهالة من الله فديييتج وربي يسهل عليييكم .
