تعالوا ندردش عن كل مايخص الشعر

السلام عليكم بنـــــــــات
من هنا أبي نتجمع وكل وحده تقول شنو أستخدمة أمبولات للشعر ونفعتها وشنو اللي ما نفعتها

وشنو الحبوب اللي استخدمتيها ونفعتج وشنو اللي ما نفعتج

وشنو الشامبو اللي ناسبج وشنو اللي ماناسبج

وكل وحده تقول عن نوعية شعرها وخلونا نفيد ونستفيد​

اول شئ نوع شعري خشن وفيه ردات وكثيف حيل لكن واقف مو راضي يطول


وبالنسبه لأستخداماتي أنا عن نفسي إستخدمت حبوب هيلثي هير لمدة شهر ماطال شعري بس خف التساقط بشكل ملحوظ وقطعتها

واستخدمت حبوب ستريس تابس
هذي صورتها



وماطولت عليها عشان جذيه ماشفت نتيجه



واستخدمت أمبولات الصبار




ومالاحظت شئ لأني ما أستمريت



والشامبو أستخدمت شامبو الحصان





خلصت بس علبتين أحس الشعر يابس لكن الشعره نفسها صارت قويه






بنات شرايكم في بانتوجار المصريه
في وحده تبيعها 5 وودي أخذ منها شرايكم فيها أبستعملها في فترة النفاس كله يعني 40 يوم وبحاول أستمر بس ياليت اللي جربتها تقول لنا وش رايها ؟؟؟


وبنفاسي بأتبع نظام جديد من راسي وشعري إلى جسمي ورجلي وبعطيكم النتايج وكل اللي سويته بالتفصيل لأنه راح يكون برنامج حصري للنفاس وراح يكون منظم لأني أنا منظمته لنفسي

صبا
ح الخير انا عندي خبرة طويلة في علاجات الشعر وانشالله لي رجعة بموضوع متكامل

يعطيكم العافيه

بس فيه خلطه لتنعيم الشعر اللي استعملتها بلييييييييز تقولي
خلطه العفص مع الحديديه بالحنا لتنعيم الشعر
بليييييييييييييييييييزز ردو على

أولا الله يسهـــل ولادتــج ويرزقج الذريــة الصالحــة حياتي ..
وبالنسبة للشعـــر ببـــدأ من الأول :
الشـــامبــــو أروووح وأرد ومـــافي أحــلى من شامبو الأطفال والله عن جــد حيييييل حــلو للشعـــر حتـى دكتــور الجلدية والصيـدلي قالولي ياتستعملين شامبو الأطفال بروحه أو شامبو ثاني بشرط تخففينه بماي والأفضل الأفضل شامبو الأطفال ..
وفي شامبو ويا تونيــكـ اوصفه لي الدكتــــور والله كلمـــة روووعـــــة شوية عليه اسمه ‘‘ هيــــر سيتابيــل‘‘
على فكـــرة ماحصلته إلا بصيدلية الدعــاء اللي بالسالميــة الصراحــة خفف التساقط بشكـــل ملحووووظ أنصحكم فيه..
واستعملت تونيكـ سورسيــر بالثوم والصــراحـــة ماحسيت بفرق يقولون لازم اكثر من علبة وتبين النتيجة انا بس علبة وحــدة ووقفت ..!!
وبالنسبة للزيــــوت انا طبعي ملولة مالتزم بالشي ابي نتيجة بسرعة يعني استخدم خلطة جم شهر واتركها وابـدأ بغيرها واللي مستمرة عليه الحيــــن ‘‘ زيت عافيــة بالحلبة المطحونة ‘‘ والصراحة مومنتظمة بإستعمالي يعني مفروض كل يومين مرة وانا مرة او مرتين بالإسبوع .. وممكن نقول عنه كــويس .. في بنات واايـــد يمدحـونه ..
وكريم الشعر ‘‘ براشوت بجوزالهند ‘‘ حـــلو يرطب ومايطير الشعــر ^_^
وحمام الزيت ‘‘ فاشكـــول ‘‘
والحنــــة أحبــــها وأحب ريحتــها بس ماأخلط وياها شي رفيجتي انصحتني بقشر الرمان والسدر وبيض وروب وماسويت شي ^_^
والحبــــوب استعملت من كم سنة حبوب الخميرة ‘‘البيروار‘‘ مخططة بـ بني حييييل حلوة ولاحظت انها طولت شعري ..
واستعملت كبد السمـكـ لأنهم يمدحـونها ومالاحظت فرررق ..
واستعملت أكثــر من نوع من الحبوب وخـررررطـــــي ....!! اذا تذكرتهم برجع اقولكم ..
واستعملت انبولات من الصيدلية ناسية اسمهم بس مكتوب عليها من ذيل الحصان مادري عرفتوها ..؟ ماسوّت شي ..؟!
وفي ماسـكـ خطييييييير أنصحكم فيــه :
حزمة جرجير وبيضة وفنجان زيت سمسم بالخلاط وتوضع عالشعر كم ساعة رووووعة للكثافة واللمعان ..
وبــــــــس ســـــلامتكــــــــــــم

موضوع حلو


بالنسبة للشامبو هو شامبو الاطفال جنسون يمدحونه



من الداخل الحمد لله الحبوب ماحبوب لايمكن اتناولها لان غذا مو من استشارة طبيبة تكون مرض



وفي الشهر اعمل حناء بالاعشاب والزيوت




وفي الشهر مرة واحدة اضع ماسك صفار البيض ورعة للشعر مع زيوت



طبعاً انهي غسلة شعري بمنقوع عشبة ذيل الحصان


واضع مرة واحدة كل اسبوعين حمام زيت من براشوت مع تعريض الشعر للبخار يعطي نعومة خيالية



اما بالنسة للزيوت بتاعتي

هى الخروع والسمسم والجرجير والثوم المنقوع في زيت الزيتون طبعاً في الشهر مرتين

طبعاً الاستشوار والفرد والصبغة ممنوع

والغازيات والشبس ممنوع

وبس ​

انا انصحكم بامبولات تنباع عند النسائم اسمها بلاك علبه سوده بذهبي انا جربتها تطول الشعر سنتي كل اسبوع تصدقون وتكثف الشعر وتعالج ورفيجتي ليما جربتها وقف التساقط اهيه بالعلبه12 امبوله ب5 دنانير وموفقين

وانا شعر ناعم بس خفيف واستخدا م شامنو الاطفال واحلو اذا شفت وبنات عندنا في الجامعه شعر طويل اساله ايش بتحطين فيه وشنو اللي يكثف الشعر
واستخدام حنا واخلط معه ام حلب
واستخدام زيت دابر املا بس الاسلف مانسب شعر