مرحبااااااااااااااااااااااااا كييييييييييفكم شووووووووواحوالكم بصراحه من امس افكر ودي انزل موضوع للنقاش ومالقيت شي ليما اتصلت علي رفيجتي وسولفنا عن الفلوس وعن معاشها ومعاش زوجها وقلت فرصه اسأل سيدت الكويت عن رايهم بهالموضوع أولا0000 تتوقعين لازم زوجج يدري عن معاشج شكثر والا موو لازم؟؟؟ ثانيا0000 زوجج يعرف رقم حسابج ورقمج السري والا لأ؟؟؟؟؟؟ ثالثا0000 انتي تعرفين رقم حساب زوجج ورقمه السري وجم معاشه والا لأ؟؟؟ رابعا 0000 لوعندج حساب ثاني غير حسابج العادي تقولين حق زوجج ولا ماتحبينه يعرف ان عندج؟؟؟ يعني باختصار تحسين ان المسائل الماديه بين الازواج لازم تكون واضحه والا مافرقت معاج المهم انج تاخذن منه كل نهاية شهر؟؟؟؟؟؟؟؟؟؟؟؟؟؟ ترى هالموضوع من افكاري ومن مجهودي الخااااااااااص يله نبي ردود وتفاعل
انا برد اول وحده وبقول انا بصراحه ما خش عن زوجي شي حتى اذا دشيت جمعيات والا خذيت قرض لااااااااااااازم اقوله بس اهو بعمره ما سألني عن اي شي مادي ولا عن معاشي بس انا احب اقوله وحتى لو ماقتله ما يسأل وماعندي حساب ثاني واتمنى يكون عندي عشان اجمع فيه لاني مبذررررررررررررررره حدي حدي وماتفرق معاي بصراحه اذا اهو شرا او انا شريت احس ان فلوسنا وحده
يشرفني اكوون اول وحده ترد عالموضوع يسلمممموو كيكه فعلا موضوعج رووعه مثلج بصراحه انا يعرف رقم حسابي والرقم السري وانا بعد هم اعرف حسابه ورقمه السري ولو كان عندي حساب ثاني ما اتوقع بحب انه يدري انا مبذره حيييل والفلوس مو بيدي وودي لو اسوي حساب اشيل لي فيه شي احتياط للزمن ومششششكوره قلب..
صاجه والله احنا ماعندنا دبره كلش وموقاعدين نفكر بباجر ابد المعاش ماينام ليله بالبنك انتي نفسي يعني نورتي حبيبتي
اصلا حالف وربي من هالشهر بيمشيلي معاش لان 100 والدينار عندي واحد حيل مسرفة ماامسك ايدي ولي يعجبني لو شنو اخذة ودي اتعلم شلون اصرف ودي بس ماراح اعرف حاولت ماقدرت وتبون تنصدمون لي يومج ماسالته كم معاشك صارلي 6 سنين لان الي ابيه يجيني عشان جذي مابي اعرف وليلحين ماتوضفت اتوضف واقولكم بعد سنة ونص واااي متى اتوضف لاعت كبدي
توني اقرى الردود ابية ليش مانمسك شوي لاصار نص الشهر اتحلطم على شنو صرفتهم وين راحو مااستفيد شي منهم وين يروحون مادري صج مافيهم بركة
يسلمو كييكه على الموضوع الحلووووووووووووووووووو انا افضل ان تكون الامور مكشوفه وافضل الحساب الثاني على الاقل ينحط فيه مبلغ لو كان بسيط للزمن وللظروف خاصتن ان الكل مو قاعد ايوفر
مرحبا بنات احنا نفسكم الامور الماديه مكشوفه بيننا بس انا لما تزوجت استحي اخذ منه وانا عندي معاش فقلت ليش احرج نفسي وقمت اصرف على نفسي ولما جبت عيال استمر الحال نفسه لان طبعا اهو مايحب السوق فأغلب المرات اكون بروحي واذا عجبني شي حق ولدي او بنتي اخذه حتى بدون ما اسال عن السعر ومن معاشي .............والخدامه ماما مافي روب مافي صمون طبعا افتح البوك واعطيها لانه مو موجود ليما تعود انه مايصرف على البيت بصراحة مايقصر يعطيني بس يمل اذا الطلبات وايد لاني غبيه ماعودته عالصرف وصار يتأفف وصرنا نتهاوش بهالامور وودي افتح حساب ثاني عشان اوفر شوي بس كل يوم باجر ولا اروح..... يسلمووووو الموضوع اكثر من روعة
و الله انا عن نفسي ما اشوف انه فيها شي اذا كل واحد عرف جم معاش الثاني و اذا في قرض او اقساط او من هالامور عاااااااااااااااااااااااااادي لان كل واحد فينا ستر و غطا على الثاني بس من ناحية رقم الحساب و لا الرقم السري احس مالها داعي و انا عن نفسي زوجي ما يمشي لي مصروف بس من اطلب منه لو اول الشهر او نصه او آخره يعطيني ما يقول لا كلش و لا حتى يسأل ويييين راحت الفلوس و مثل ما اهوا ما يقصر معاي من ناحية الفلوس انا لاااااااااااااااااااازم اشتري له شي لا رحت السوق و انا احب اسولف له عن هالشغلات يعني شريت و جم كان معاي و جم بقى عندي حتى لما ولدت الفلوس اللي حصلتها فترة الاربعين كل ما احد عطاني علمته ما خشيت عليه كلش و يعطيج العافيا كيييكه >> موضوع مميز حبيبتي
فديت ام الافكار انا ياقلبي انتي شوفي انا اصلن ماداوم ههههههههههههههه ولاعندي كرت بنك ولابطيخ المهم اعرف جم معاش زوجي وجم رقمه السريتصدقين ماخش عليه شي حتى لو خاشه فلوس اقوله ماحب شبحن الله اخش عنه اي شي بهالخصوص خصوصا انه اهو مسكين معاشه يطير علي وعلى بناتي ههههههه وحرام يبدينا على نفسه يقصر على نفسه عشاني وعشان البنات يعني حس حرام اخش عليه عالبو اني خاشه فلوس مسكين مثلا وقت يكون ماعنده اعطيه واي وناسه ههههههههههه احس جني مادري شقولج المهم احس مممممم ماعرف اعبر لووووول احس جني مره متوظفه وزوجي اذا ماعنده اعطيه >>>عادي حلمي اتوظف وعلى قولتي اصير كبيره عقلي موعقل يهال وعمره ماحاسبني شنو شريتي وليش وبجم وشحقه الحمدالله موطبعه وان شالله لاداومت اكيد ماراح اخش عليه رقم حسابي وكرت البنك يستاهل والله وسلامتج حبي ياحلو مواضيعج
تتوقعين لازم زوجج يدري عن معاشج شكثر والا موو لازم؟؟؟ لا ماله داعي لان الرياييل لقاافه زوجج يعرف رقم حسابج ورقمج السري والا لأ؟؟؟؟؟؟ اي يعرفه >> لان رمات اخليه يسحبلي مرات التعيّز انتي تعرفين رقم حساب زوجج ورقمه السري وجم معاشه والا لأ؟؟؟ اي اكيد خووو كل ما بروح الجمعيه و لا السووق اخذ كرته البنك >>> عشون عيل واعرف جم معاشه بالتفصيل بس اهوة مايدري و اعرف رقم الحساب ماله مال البنك بالانترنت عشااان اجيّك عالحلال عشووون عيل :wink_smile: لوعندج حساب ثاني غير حسابج العادي تقولين حق زوجج ولا ماتحبينه يعرف ان عندج؟؟؟ عندي حسااباات مو حساب بس مايدري عنهم ماتدرون بااجر شيصير خو الرياييل ما منهم اماان لا وبعد قاعده اسوي استقطاع كل شهر على قوولة ابوي إملّينى عندج ملايين بس ماتسوى علي صايرة بنك تسليف يعني باختصار تحسين ان المسائل الماديه بين الازواج لازم تكون واضحه والا مافرقت معاج المهم انج تاخذن منه كل نهاية شهر؟؟؟؟؟؟؟؟؟؟؟؟؟؟ اي لازم بعد لان مرات الرياييل يقولون ماعندنا و عندهم و انا ما احب الرياال اللي ما يندي ما يمشي عندي لاا المفروووض
شوووفي انا من الملجة و حيااتج علمته انتي غلطااااااانة انا لو شنوان شالله قطن قطن من الجمعيه غصبا عليه اهوة ايييب علمييييه كل شي و هم معاشي انا لاعبه فييييه لعب بيومين يخلص بس حمدلله ميمعه يعني أقدر أشتري سيارة كاش بس علمته ان اهوة ريال واهوة اللي يصرف عرفتي انا حتى سيارتي اهوة يابلي اياها علمووهم ترى الريااايييل لا تعودو المرة تصرف بسس يتعودون انا بصراحة تعملت من عمتي ام ريلي لان عمي دينار ما يقط فقلت لا زم ولدة يتعلم شوي
عشوون عيل مرات أقوولة ابي شي ويعاندني و2 يوم اشتريه مرات احس يشك ان عندي حساب 2 لوول بس طبعا اخوي الصغير كل ما شريت شي قطييته براسه عاد ريلي يقوولة شوي شوي درينا تحب اختك ما تصير اخووي مايدري كل شي من افاااي
اووووووووووه والله انتي مدرسه ماشالله ماشالله تعطيني دوره؟؟؟؟؟؟؟؟؟؟؟؟ مرات احس اني غبييييييييييييييييييييه كل شي اقوله كلللللللللللللل شي مرات شغلات مالها معنى
انا عن نفسي كل شي لازم اقوله له ما اخش شي عن زوجي هو بعد حرام جيبي وجيبه واحد اذا انفقرنا ننفقر مع بعض واذا ازدهر اقتصادنا هم مع بعض 0000 حرام لو اطلب منه مايقصر طبعا من ينزل المعاش سووووووووق سوووووووووووق جنه ماكو ملابس وليه خلص مالي خلق اطلع ااذا جا وشافني بالبيت يقولي هااا خلص معاشج عارفني يسلمووووووووو كيكه عالموضوع000
امممممممممممممممممم اشغلتيني يا اخت كيكه على الاسئله ياكثر ما افكر بالامور تصدقين ما ألاقي حل لها انا توني موظفه خليني اتعمق شوي وبعدين افكر ولا شكلي بتمر علي السنين وانا ما اعرف ادبر اموري وبعدين انا وحده ما اخذ بكلام زوجي مو معناها عدم ثقه انا جذي الله خالقني ما اصدق الكلام الا اشووف بعيني اوراق رسميه واثبات يعني لو زوجي يقولي معاشه واقساط ما اصدق الا بالاوراق واما عن نفسي اعلم زوجي كل شي اول باول .
